sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Inerisaanermi siunnersorti

Namminersorlutik Oqartussat

Nuuk
Ikkunneqarpoq: 21-04-2021
Piffissaq atuuffissaa naassaaq: 14-05-2021
Suliffissamut ID normut: LJA-81993288
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Nuna tamakkerlugu Ilitsersuisarfimmi inerisaanermi siunnersorti
 

  • Nunatsinni ilitsersuisarnermut atatillugu inerisaanermi siuarsaaqataarusuppit? aqqutissiuussisut, inuusuttut siunissaminnut eqqortunik toqqaanissaannut ikiuussinnaanngorlugit, aqqutissiuussinermi sakkussanik inerisaanermi siuttoorusuppit?

Nuna tamakkerlugu Ilitsersuisarfik (NTI) inerisaanermi siunnersortimik Nuummi aqqutissiuussinermut inerisaanermullu immikkoortortami suleqatigiinnut ilaalluni/suleqateqarluni, aqutissiuussinermut tunngasutigut inerisaasussamik pissarsiorpoq. Suliniuteqaqatigiit tassaapput inerisaanermi siunnersortit pingasut immikoortortamilu aqutsisoq. Aaqqisuussaanikkut aqutsisup ataani inissisimassaatit.

Ilitsersuisarfik assigiinngitsunik tunuliaqutalinnik 19-inik sulisoqartussiaavoq tamattalu assigiinngitsunik tunuliaqutaqarpugut, assersuutigalugu inerisaanermi siunnersorteqarpugut, ilinniartitaanernut aqutsisoqarpugut, tarnip pissusaanik immikkut ilisimasallit, tarnikkut katsorsaasut, allaffimmiut assigiinngitsunik tunuliaqutallit assigisaallu. Ilitsersuisarfik aaqqissuussaanikkut Ilinniartitaanermut, kultureqarnermut Ilageeqarnermullu Naalakkersuisoqarfiup ataani inissisimavoq. Aqqutissiuussineq naliliiviginiarlugu inerisarniarlugulu, kiisalu ilinniarfinni assigiinngitsuni aqutissiuussisut ilinniartitaanerannik pikkorissaanernillu neqeroornissaq siunertaralugu Ilitsersuisarfik pilersitaavoq. Tamatuma saniatigut NTI, inuttut atukkatigut tarnillu pissisaanut tunngatillugu ilinniartunik siunnersuisarpoq.

Inerisaanermi siunnersortimik tamatigoortumik, siumut isigisumik iliuuseqarsinnaassusilimmillu e-Vejleder-issarsiorpugut, ilinniarnernut tunngasunik apeqqutissaqartartunut. Inerisaanermi siunnersorti aammattaaq inerisaanermi suliniutinik aqutsinermi akisussaaffeqartassaaq, pikkorissaatigereersimanngikkuniullu inerisaanermi suliniutinik aqutsisutut pikkorissartussaassalluni.

Aammattaaq kikkut tamat periarfissanut nutaanut allannguutinullu tunngatillugu ilisimasatigut nutarteriviginiarlugit, nunatsinni ilinniarfinni assigiinngitsuni aqqutissiuussisunik ilitsersuinerup ilaa, inerisaanermi siunnersortip isumagisassaraa.

Naalakkersuisoqarfinnik ilinniartitaanermut inuussutissarsiutinullu tunngassuteqartunik qanimut suleqateqarnikkut suliaq ingerlanneqassaaq. 

Suliassat makkuupput:
  • Ilitsersuinermut atatillugu inerisaanermi suliniutinik aqutsineq
  • Majoriami ilinniarfinnilu aqqutissiuussisut, nunatsinni Danmarkimilu ilinniartitaanerni maleruagassanik atuuttunik ilisimasaqarnissaannik qulakkeerineq
  • Ilitsersuisut qaffasinnerusumik ilinniagaqarniarlutik qinnuteqartunik sukumiisumik aqutissiuussisarnissaannik qulakkeerineq
  • Aqqutissiuussisunik qaffasinnerusumik ilinniagaqarniarlutik qinnuteqartunik sukumiisumik aqqutissiuussisarnissaannut ikiuunneq 
  • Meeqqat atuarfiisa Majoriallu akornanni suleqatigiinnermik inerisaaqataaneq
  • Majoriap ilinniarfiillu qarasaasiarsorluni nalunaarsuinerisa pissusissamisoortumik ingerlanissaannut suleqataaneq   
  • Pikkorissaanissat suleqatigiissuteqarnerillu /workshops pilersaarusiornerini ingerlatsinermilu peqataaneq
  • Attaveqatigiinni ataatsimiinnernik ingerlatsineq pingaarnersiuillunilu tulleriiaarineq 
  • Ajornartorsiutinik ujartuineq qulaajaanerlu
  • Atuartunut, ilinniartunut aqqutissiuussisunullu ilitsersuinermi atortussanik inerisaanermi peqataaneq
  • Aqqutissiuussinermut atatillugu siunertanut aalajangersimasunut tunngatillugu suliassanik isumaginninneq
  • Pisariaqarpat aqqutissiuussisutut tunngaviusumik ilinniartitaanermi taassumunngalu atatillugu modulini ingerlaqqiffinni pikkorissaanernilu ilinniartitseqataaneq

Nalinginnaasumik naatsorsuutigineqarpoq:
  • Suliassanut tunngatillugu nammineersinnaassuseqarneq, siunertaqarluni saaffiginnittarneq angusaqarluarniartuunerlu  
  • Suleqatigisanik tamanik kinguneqarluartumik suleqatiginnissinnaaneq
  • Sulianik isumaginninnermi suliniutinillu assigiinngitsunik inerisaanermi ingerlatsinermilu suleqatigiinnik suleqateqarnissamik pikkoriffeqarneq
  • Aqqutissiuussisutut tunngaviusumik ilinniagaqarneq, piumasaqaataanngilarli
  • Qarasaasiakkut inerisaanermik misilittagaqarneq/qarasaasiarsorsinnaaneq, pilersuisunillu avataaneersunik isumaqatiginninniarsinnaaneq.  
  • Nunanik Avannarlernik suleqateqarnermik misilittagaqarneq, ilinniartitaanernik ilisimaarinnilluarneq aqqutissiuussinermillu soqutigisaqarneq
  • Ataatsimut isiginnissinnaassuseqarneq piffissamillu ilungersortitaalluni Naalakkersuisoqarfiit arlallit qanimut suleqatigalugit sulisinnaaneq, kiisalu ingerlatsinerni paasilertoruminaatsuni ataqatigiissaralunilu aqutsisinnaaneq.
  • Ataatsimut isiginnissinnaaneq piffissaasuanartumilu sulisinnaaneq
  • Ammasuuneq inussiarnersuunerlu kiisalu nammineq iliuuseqarsinnaaneq
  • Kalaallisut, danskisut tuluttullu oqaatsitigut allattariarsornikkullu piginnaaneqarluarneq


Akissarsianut atorfininnermilu atugassarititaasunut tunngasut:
Atorfininnerup nalaani Namminersorlutik Oqartussat kattuffiullu isumaqatiginninniarsinnaatitaasup isumaqatigiissutaat atuuttoq naapertorlugu, akissarsiat atorfininnermilu atugassarititaasut tamatumunngalu ilanngullugit angalanermut pisattanillu assartuinermut akiliussisoqassaq.

Tunngaviusumik suliffiusussat, sap. ak. nal. ak. 40-it

Ineqarneq:

Atorfininnermut atatillugu inissamik neqeroortoqanngilaq. Namminersorlutik Oqartussani atorfeqarnermut atatillugu inissamik innersuunneqarsimasut inissaqartinneqarnissamut pisinnaatitaanertik attatiinnassavaat.
Atorfininnermut atatillugu inissiaq suliunnaarnermi qimanneqassaaq.

Qinnuteqaat qinuteqarfissarlu kingulleq:
Qulaaniittut soqutiginnilersitsippata imal. atorfik pillugu paasissutissanik annertunerusunik pissarserusukkuit, Ilitsersuisarfiup pisortaa Christine Tønnesen oqarasuaatikkut: +299 346880, imal. e-mailikkut: chto@aqqut.gl attavigisinnaavat.

Qinnuteqaat Nuna Tamakkerlugu Ilitsersuisarfimmit kingusinnerpaamik maajip ulluisa 14-ani 2021 tiguneqareersimassaaq. Qinnuteqarfissatut killiliussap kinguninngua qinnuteqartunik oqaloqateqarnissat ingerlanneqarnissaat naatsorsuutigineqarpoq.

Atorfiniffissaq: 1/7 2021 tamatumaluunniit kinguninngua.

Qinnuteqaat uunga nassiunneqassaaq: Nuna Tamakkerlugu Ilitsersuisarfik/Center for National Vejledning, Imaneq 24 B 2. sal/Postboks 4101, 3900 Nuuk imal. qulaani mailikkut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia