Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Ingerlatsinermi sulisumik Immikkoortortaq Ilulissanut
Nukissiorfiit
Ikkunneqarpoq: 19-03-2025
Piffissaq atuuffissaa naassaaq: 28-03-2025
Suliffissamut ID normut: LJA-86000031
Atorfeqarnermi atugassarititaasut: Tamakkiisoq
Suliassaqarfik: Allat
Nukissiorfik ingerlatsinermi sulisumik sulisussarsiorput immikkoortortaq Ilulissani piaartumik atorfinittussamik.
Nunap immikkoortuani ingerlatsinermi sulisunut aqutsisup ataani atorfeqassaatit. Suliassanut ilaapput innaallagissamut, imermut aamma kiassaanermik uuttuutinut tunngasut tamaasa, tassunga ilanngullugit uuttuutinut toqqorsivimmi akisussaasuussaatit, uuttuutinik nutaanik inniminniisarneq kiisalu sullitanut tunniussisarneq, atuisuni ikkussuineq aamma attavilersuineq.
Illit aammattaaq Ilulissani uuttuutit ikkussukkat pillugit uppernarsaasarnermut, peerneqartarnerannut aamma iginneqartarnerannut akisussaasuusassaatit. Uppernarsaanerit suulluunniit tamarmik aningaasaqarnermut atortumi Excellentimi pisassaaq.
Aammattaaq uuttuutinik atuaasarnermut atatillugu (ungasianiit aamma assaat atorlugit) suliassaqartassaaq, tassunga ilanngullugit ajortissimasunik ujarlerneq/aaqqiineq aamma suliassanik allanik tamakkununnga tunngasunik.
Illit teknikimut, kisitsisinut, IT-mut piginnaasaqarputit sullisserusussuseqarlutillu.
Suleqatissarsiorpugut makkuninnga piginnaasalimmik:
- Tulluartumik ilinniagaqassaatut imaluunniit piffimmi sulinermik misilittagaqassaatit
- Uuttuinermut teknikimut soqutiginnittumik
- Innaallagissamik pilersuinermut atortunik ilisimasaqartumik – imaluunniit ilisimasaqarusuttumik
- Nammineerluni sulisinnaasumik aamma aaqqissuussaalluartumik suliaqartartoq
- Aalajaatsuusumik aamma suliaminik aaqqissuussilluartartumik
- Ilinniartinneqareernermi kingornatigut innaallagissamut pigaartuusarnermi suleqatillu paarlakaalluni suleqataasartussamik
- Nalinginnaasunik biilersinnaanermut allagartaqartumik.
Neqeroorutigaavut:
- suliffik pissanganartuusoq aamma assigiinngiiaartunik suliassaqarfiusoq, illit tassani suliassat aallartinneranniit naammassineqarnerannut aaqqiiffigineqarneranni peqataasassallutit
- ullup suliffiusup aaqqissuunnerani illit sunniuteqaqataaffigilluartassavat
- sullivimmi avatangiisit ilumoorsaarnanngitsut, suleqatigiittut ataatsimut sulisarluta
- suliatigut soorlu aamma inuttut ineriartornissamut periarfissaqarfiulluartoq.
Akissaatit atorfeqartitaanermilu atugassarititaasut
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit.
Atorfinitsitsinermi qaammatit pingasut ingerlaneri misiliutaassapput.
Atorfimmut atatillugu inissaqartitsisoqanngilaq. Namminersornerullutik oqartussat aqqutigalugu atorfimmut atatillguu ineqareeruit piginnaatitaaffit ineqarnermut pigiinnassavat.
Suli paasisaqarnerorusuppit?
Atorfik pillugu paasissutissat annertunerusut pissarsiarineqassapput ingerlatsinermi aqutsisoq Suulut Geisler saaffigalugu (+299) 946777. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nikissiorfiit.gl imaluunniit (+299) 349500.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl