Ingerlatsiviup pisortaanut tullersorti

Isumaginnittoqarfimmi pisortap tullersortissarsiorpoq

Pikkorissumik, tunniusimasumik akisussaassusilimmillu isumaginnittoqarfimmi pisortap tullersortissarsiorpoq.

Pisortap tullersortaa isumaginnittoqarfiup pisortaanut qanimut suleqaattaassaaq. Pisortap suliassaqarfia siammasissuuvoq; sulisut, aningaasaqarneq, meeqqanut inuusuttunullu suliassaqarfik, innarluutillit, isumaginninnermi tarnikkut nappaatilerineq, pisortanit ikiorsiissutit, pinngitsuusinnaajunnaarnermut katsorsaaneq, pensionilerineq, utoqqaat angerlarsimaffimmilu ikiorteqarneq, kiisalu pinaveersaartititsineq suliaqarfiussallutik.

Taamaammat tullersortitut atorfik anguniagaqarfiullunilu pissanganartuuvoq, ulluinnaallu allanngorartuullutik.

Atorfiup imarisai:

• Kommune Kujalliup isumaginnittoqarfiani pisortap tullersortaatut sulianik aaqqissueqataasarlutillu suliassaqarfimmi immikkoortortani assigiinngitsuni ulluinnarni ingerlatsineq peqataaffigissavat.
• Suliassatit atuuffitillu ilaatigut makkuussapput:
• Aqutsinermi suliassat
• Allaffissornerit aningaasalerinerlu.
• Suliassat aaqqissueqataaffigisarlugit piffissaliussallu angumerineqartarnissaat qulakkeertassallugu.
• Aqutsisut sulisullu suleqatigiinnerat pitsaasumik ineriartortumillu ingerlanissaa peqataaffigissavat.
• Isumaginnittoqarfiup pisortaa peqanngitsillugu pisortaagallartarneq.
• Suliassat takkuttartut.

Ilinnit kissaatigaarput:

• Naleqquttunik ilinniagaqarsimasoq.
• Isumaginninnerup iluani misilittagaqartutit.
• Aqutsinermik misilittagaqartutit.
• Namminersorlutit aaqqissuulluakkamik sulisinnaassasutit.
• Pitsaassutsinik ilisimaarinnilluartuuvutit.
• Assigiinngitsunik sulialinnik suleqateqarnermut piginnaaneqarlutillu piumassuseqartutit.
• Attaveqaqatigiillaqqissoq.

Tamatuma saniatigut pingaartipparput:

• Aalajaattuusutit maligassiuisuusutillu.
• Paatsiveerunnak qassiinik suliaqarsinnaasutit.
• Aalajangersinnaassuseqarlutillu akisussaassuseqartuusutit.
• Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
• Namminersorlutit sulisartutit akisussaassutsinillu ilisimaarinnilluartutit.
• Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqarnissat.
• Ulluinnarni ulapaarfiusuni aallussisinnaanissat aaqqissuisinnaassuseqarlutillu sulisinnaanissat.
• Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaanissat.
• Arlalissuarnik suleqateqallaqqissuunissat
• Atorfimmi Isumaginninnermi pisortaq qullersarineqassaaq atorfillu Qaqortumiilluni.

Neqeroorutigaavut:

Suliaq soqutiginartoq pikkunartorlu, imarisaanik nammineq sunniuteqarfiusinnaasoq kiisalu aqutsisunik sulisunillu suleqateqarluni sunniuteqarfiusussaq. Tamakkununnga ilanngullugu aqutsisunik qanimut suleqateqarnissaq aamma suleqatinik ikorfartoqateqarnissaq kiisalu suliniuteqarnissap nutaaliornissallu inissaqartuarnissai anguniartuarparput.

Meeqqanik pinerliisimannginnermut uppernarsaat: 
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Akissarsiatiugut atorfeqarnermilu atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsinneqartut qaammatini pingasuni misiligaassapput,

Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnermi sulisutut inissiamik tunniussisoqarsinnaanngippat suleqataasunut utaqqiisaasumik inimik tunineqarsinnaatitaasunut utaqqiisaagallartumik inissiamik neqeroorfigineqarsinnaapput.

Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqarsinnaavoq.

Atorfik pillugu sukumiinerusumik paasissutissanik pissarserusukkuit ingerlatsivimmi pisortaq Nielsine Petersen saaffigisinnaavat e-mail nipe@kujalleq.gl

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik juunip ulluisa 23-iat 2024.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”