sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kangaatsiaq - INUIT leder søges

Kommune Qeqertalik

Kangaatsiaq
Ikkunneqarpoq: 19-11-2021
Piffissaq atuuffissaa naassaaq: 20-12-2021
Suliffissamut ID normut: LJA-82978474
Atorfeqarnermi atugassarititaasut: Tamakkiisoq
Suliassaqarfik: Aqutsineq

Kommune Qeqertalik tassaavoq kommune nutaaliortoq inoqarfinni kulturikkut aamma kiffartuussinikkut pisariaqartitsinermik aallaavilik.


Suliassaqarfiup INUIT-ip aaqqissuunnissaanut sapiissuseqarpit?

Innuttaasut sullinneqarnerat pitsanngorsarusuppiuk, aqutsinermik misilittagaqarpit kiisalu assigiinngitsorpassuarnik ataatsikkut ingerlataqarneq nuannaraajuk?

Ilisimasat tapertariisillugit suleqatigiinnermut innuttaasoq qitiutillugu avatangiisinik pilersitseqataarusuppit?

Taava immaqa atorfik ilinnut soqutiginarpoq.

Suliassaqarfik INUIT Kangaatsiami aqutsisumik ulloq 1. januar 2022 imaluunniit isumaqatigiissuteqarnikkut atorfinittussamik pissarsiorpoq.

Suliassaqarfik INUIT-ip ataaniipput isumaginninneq, meeqqeriveqarneq, atuarfik, innarluutilinnik sullissineq, utoqqarnik sullissineq, utoqqaat illuat kiisalu ilaqutariit illuat.

Illoqarfimmi pisortaq qaninnertut pisortarissavat.


Suliassat akisussaaffigisassallu ilaatigut makkuussapput:

·Suliassaqarfimmi INUIT-mi ataqatigiissaarineq aamma aqutsineq

·Suliassaqarfimmi INUIT-mi innuttaasunik sullissinermik eqaallisaaneq

·Suliniutinik tigussaasunik aallartisaaneq, suliarinninneq tamaallu isigalugu ataqatigiissaarisuuneq

·Sullissivimmi suleqatigiinnik nutaanik ilusilersuineq aamma pilersitsineq

·Kangaatsiami kiisalu nunaqarfinni Attumi, Ikerasaarsummi, Iginniarfimmi aamma Niaqornaarsummi suliassaqarfinni aningaasaqarnikkut aqutsineq

·Isumaginninnermi suliassanik suliareqqinneqartussanik soorlu kommunabestyrelsimi, Isumaginninnikkut naammagittaalliortarfimmi, nakkutilliisuni assigisaannilu pitsaassutikkut qulakkeerinninneq.

·Suliassaqarfinni INOQARFIMMIK AAMMA TIMI TARNILUMIK ilisimasat tapertariisillugit suleqateqarneq


Piginnaasassatit:

·Akisussaaffeqarfiup iluanut attuumassuteqartumik qaffasinnerusumik ilinniagaqarneq

·Pisortat suliffeqarfiutaanni aqutsinermik misilittagaqarneq

·Suliassanik arlaqarnerusunik ataatsikkut ingerlatsisinnaaneq

·Suleqatikkuminartoq

·Aalajaatsuuneq

·Suleqatinik kaammattuineq aamma ilitsersuineq

·Pisuni ulapaarfiusuni tamakkiisumik isiginnissinnaassuseqarputit

·Innuttaasunut aamma suleqatinut pitsaasumik attaveqarneq


Akissarsiat aamma atorfininnermi atugassarititaasut:

Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiinniartussaatitaasup akornanni isumaqatigiissutit atuuttut naapertorlugit aaqqinneqassapput.

Inissaqartitsisoqarsinnaavoq, malittarisassat atuuttut naapertorlugit akilersorneqartussamik.


Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Atorfik pillugu paasissutissat sukumiinerusut illoqarfimmi pisortamut Hans Inûsugtok'-mut oqarasuaat 70 19 00 imaluunniit e-mailikkut hain@qeqertalik.gl attavigiuk.


Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut –

pikkorissarsimanermut uppernarsaatit, kiisalu oqaaseqaatit assigisaallu,

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia