Inunnut innarluutilinnut tarnikkullu nappaatilinnut Immikkoortortaqarfik paarlatsimik pissarsiorpoq / Forvaltning for Velfærd og Arbejdsmarked Handicap og Socialpsykiatri søger vikar til Tasiilaq

Kommuneqarfik Sermersooq

Tasiilaq

Ikkunneqarpoq: 14-06-2024

Piffissaq atuuffissaa naassaaq: 24-06-2024

Suliffissamut ID normut: 331589573

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa:

Ilinniagaq:

Misilittakkat - Annertunerusumik: Stabil

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Innarluutilinnut tarnikkut nappaatilinnullu Immikkoortortaqarfik sapinngisamik 2024-mi aggustip aallaqqaataaniit kinguninnguaniilluunniit paarlattaasinnaasumik Tasiilami pissarsiorpoq. -

Timimik sungiusaasutut imaluunniit pillorissaasutut ilinniarsimasuuit Tasiilaliarnissallu soqutiginartillugu, kommunimilu timimik sungiusaasutut pillorissaasutulluunniit qaammatini sisamani sulerusuppit, taamaappat una immaqa ilinnoorpoq!

Pillorissaasut aamma timimik sungiusaasut suleqatigiit suliassaat pingaarnernut sisamanut agguagaapput aamma immikkut ittumik suliaqarfimmik ataatsimik peqarpoq: Meeqqanik suliassaqarfik, Inersimasunik suliassaqarfik, Piginnaanngorsaqqiinermut aamma Inunnik innarluutilinnik suliassaqarfik & tarnimikkut innarluutilinnik suliassaqarfik kiisalu isumaginninnermut teknologiimik atortorissaarutinut tunngasunik immikkut ittumik akisussaaffilik.

Pillorissaasut aamma timimik sungiusaasut suleqatigiit innuttaasut qanorluunniit ukioqaraluartut timikkut, eqqarsartaatsikkut, malugissutsikkut aamma/imaluunniit tarnikkut ulluinnarni unammillernartitaminnik namminersorsinnaanerulernissaannut suleqataapput. Taamaaliortarpugut ilaatigut piginnaanernik ulluinnarni pisariaqartunik siunertaqarluartunik sammisaqartitsinerit aqqutigalugit. Piginnaanernik attassiinnartitsinermik sungiusaaneq, ataasiakkaarinikkut holdikkaartumilluunniit. Innuttaasut inuunerminni nammineersinnaanerunissamut, orniguteriaannaalernissamut peqataalluarsinnaalernissamullu iluaqusersuutinik mikisunik angisuunillu tunineqarnissaannut nalilersuineq, atukkiineq tunniussinerlu.

Ineriartornermik ingerlatsinermik aallartitseqqammerpugut, pingaarnertullu suliatsinnik ineriartortitsinitsinni suliatigut piginnaasat, assigiinngissuseq, ataatsimoornerlu ilisarnaataapput. Innuttaasut nammineersinnaanerulernissaannik pitsaanerusumillu inuuneqalernissaannik tapersersuineq.

Suliassaqarfiit assigiinngitsut akornanni qanimut suleqateqarlutit illit Kommuneqarfik Sermersuumi suliassat assigiinngitsut pissanganartut suleqataaffigerusuppigit aamma holdinik sungiusaaqataasalerusuppit, taava illiuvoq uagut suleqatigerusutarput!

Atorfik ullormut suliffiusussaq tamaat nal. ak. 40-t suliffiuvoq, Nuummilu ataatsimut allaffeqarluni, ullut tassanngaaniit aallartittassaaq.

Sungiusaasup suliassai:

·Suliatigut misissuinerit nalilersuinerillu.

·Innuttaasup nammineq angerlarsimaffiani piginnaanernik attassiinnartitsinermik sungiusaaneq

·Sungiusarnermut, ilitsersuinermut naliliinermullu tunngasunik angerlarsimaffimmut pulaarnerit.

·Iluaqusersuutissanik aamma inigisami allannguutit pillugit qinnuteqaatinik suliaqarneq.

·Iluaqusersuutinik pisiniarnerit, tunniussineq kiisalu iluaqusersuutinik sungiusaaneq/ilitsersuineq.

·Sullitanik, ilaqutaasunik aammalu suleqatigisartakkanik assigiinngitsunik ataatsimeeqateqartarneq.

·Innuttaasunut aamma suleqatigisartakkanut allakkatigut oqaatsitigullu siunnersuineq ilitsersuinerlu

·Uppernarsaatiliorneq.

·Allaffissornikkut suliassat.

·Susassaqarfinnik arlalinnik suleqateqarneq.

Pisariaqartitarput tassaavoq:

·Timimik sungiusaasutut pillorissaasutulluunniit ilinniagaqarsimasoq.

·Kommunimi sungiusaanermut aamma iluaqusersuutinut tunngasunik misilittagalik.

·Assigiinngitsunik sulialinnik suleqatigiittarnermik misilittagalik.

·Iluaqusersuutinut tunngasunik ilisimasalik.

·Nammineersinnaassuseqarluartoq sulinermilu nammineq aaqqissuussisinnaasoq.

·Isumassarsiullaqqissoq, tunniusimasoq, iliuuseqarusussuseqartoq suliatigullu inissilluarsimasoq.

·Kulturit assigiinngitsut akornanni sulisinnaasoq, inoqarfinnilu mikinerni najugaqarnissamik nuannarisaqartoq.

·Pissutsinut allanngorarsinnaasunut tulluarsarsinnaasoq.

·Ammasoq tamanillu inissaqartitsisoq.

·Ingerlatitseqqiilluarsinnaasoq - suleqatigiinnullu allanut ilinniarsimanngitsunillu ilinniartitsilluarsinnaasoq.

Uagut neqeroorutigaavut:

·Tasiilami kusanarluinnartumi soqutiginartorpassuarnik assigiinngitsorpassuarnillu suliaqarluni paarlattaaneq

·Suliffeqarfik pissanganartoq illit annertuumik sunniuteqarfigisinnaasat.

·Pillorissaasut aamma timimik sungiusaasut suleqatigiinni ingerlalluartuni sulianut tunngasunik siunersiueqatigiilluartarneq.

·Suliassat assigiinngiiaartut pissanganartullu.

·Suleqatit pikkorissut piumassusillillu.

Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqartut upperivarput. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilluareerpugut. Kukkussutitta oqaluuserinerisigut ilinniutiginerisigullu ataatsimut pikkorinnerulersinnaanerput upperaarput!

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: aamma timimik sungiusaasut suleqatigiinnut aqutsisoq Heidi Paneeraq Møller, oqarasuaat +299 27 49 85 imaluunniit e-mail: hepm@sermersooq.gl

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Angalaneq:

Danmarkimiit Tasiilamut utimullu angalaneq neqeroorutigisinnaavarput.

Qinnuteqaat:

Qinnuteqaat qulequtserlugu Atorfiup ilisarnaataa 602-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 5.-at, 2024