sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Inuttassarsiuteqqitaq - Pitsaaliuinermut Isumaginninnermullu Aqutsisoqarfik innarluutilinnut suliassaqarfimmi isumaginninnermut siunnersortinik marlunnik pimoorussisunik sulisussarsiorpoq

Namminersorlutik Oqartussat

Nuuk
Ikkunneqarpoq: 03-04-2020
Piffissaq atuuffissaa naassaaq: 25-04-2020
Suliffissamut ID normut: LJA-80047518
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Innarluutilinnut suliassaqarfimmi suliassanik suliarinnittarneq nukittorsarlugu sulinissaq kajungeraajuk? Taava atorfik una ilinnut naleqquppoq.

Isumaginninnermi siunnersortinik marlunnik, innarluutilinnut suliassaqarfimmi sulinermik misilittagaqartunik, Pitsaaliuinermut Isumaginninnermullu Aqutsisoqarfik sulisussarsiorpoq.
Atorfik Qitiusumik Siunnersuisarfimmiippoq, taanna ilaatigut kommunini ingerlatsivinni inatsisilerinikkut isumaginninnermullu suliani inerisaanermut ikorfartuinermik suliaqarluni aammalu oqartussani meeqqanik inuusuttunillu ajornartorsiortunik suliaqartunut sammitinneqarluni.
 
Oqartussat suliassaqarfianni aammalu ingerlatsivinni suliassaqarfinni suliassanik suliarinnittartunut siunnersuineq ilitsersuinerlu, kiisalu meeqqanut inuusuttunullu ajornartorsiortunut suliassaqarfiup iluani ikorfartorneqarsinnaaneq, Qitiusumik Siunnersuisarfimmi neqeroorutigineqarput. Aammalu kommunini aqutsisunut aammalu innarluutilinnut suliassaqarfimmi suliassanik suliarinnittartunut siunnersuisussaallunilu ilitsersuisussaalluni.  
 
Immikkoortortami aamma innuttaasunut neqeroorutit isumagineqarput, soorlu kinguaassiutitigut innarliisarnernut katsorsaanermut tunngatillugu angalaqatigiittartut, Oqarasuaatikkut siunnersuisarfiit Tusaannga aamma Alliaq.

Atorfik pillugu
Immikkoortortami suli inerisarneqartumi aammalu sakkortuumik ataqatigiiffiusumi sulilissaatit. Innarluutilinnut suliassaqarfimmi inatsisit nutaat, kommunini aamma atuutsinneqartussat, atuutilerput.  

Suliassatit ilaatigut tassaassapput:

  • Kommuninut aammalu innarluutilinnut suliassaqarfimmi suliaqartunut attuumassuteqartunut, pingaartumik kommunini aqutsisunut aamma suliassanik suliarinnittartunut, suliani ataasiakkaani siunnersuineq ilitsersuinerlu
  • Sanilerisamik ilinniartitsineq/ suliani ikiuunneq
  • Suliffiup iluani aamma avataani suliassaqarfiit akimorlugit suleqatigiinnerni peqataaneq.
  • Ataqatigiissaaraluni suliaqarneq.
  • Isumaginninnermut tunngasunik ilisimasanik ingerlaavartumik nutarterisarneq aamma immikkoortortami suleqatigiilluni suliniuteqarneq.
  • Ilisimasanik katersineq aamma ingerlatitseqqiisarneq.

Piukkunnassutsitit
Sulisussarsiorpugut:
  • isumaginninnermi siunnersortitut ilinniarsimasumik
  • pisortani suliassaqarfimmi sulinermik misilittagaqartumik
  • suliassaqarfiit akimorlugit suleqatigiinnermik misilittagaqartumik
  • suleqatiginnillaqqissumik ataqatigiissaarillaqqissumillu
  • isumalluutinik aallussisumik aammalu akuersaarluni periartartumik
  • tulleriissaartumik aaqqissuussamik sulisartumik
  • atassuteqalersitsisinnaassuseqarluartumik
  • nammineerluni, aaqqissuussaasumik aaqqiissutissallu siunnerfigalugit sulisartumik
  • kalaallisut danskisullu marloqiusamik oqaaseqartumik.
 
Atorfik suliatigut ineriartornissamut, suleqatigisartakkanik aamma suliassaqarfimmi suliaqartunik, isumaginninnermut suliassaqarfimmi suliniuteqarnernik nukittorsaanernik suliaqartunik, amerlasuunik suleqateqarnissamut, periarfissarpassuaqartoq neqeroorutigisinnaavarput.
 
Angalasarnerit pillugit
atorfimmut atatillugu annertuumik angalasarnissaq naatsorsuutigineqassaaq aammalu sivikitsumik piffissalerlugu ilimasaarneqarluni aallarsinnaassaatit.
 
Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfik Naalakkersuisut ataanni aqutsisoqarfiuvoq makkuninnga 5-inik immikkoortortaqarluni: Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Ulloq unnuarlu aammalu innersuussisarnermut immikkoortortaqarfik, Qitiusumik Siunnersuisarfik aamma Allattoqarfik. Immikkoortortaqarfiit qanimut suleqatigiipput, aammalu suliffeqarfiulluni suliassatigut unammilligassarpassuaqartoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusussaavoq sapaatip akunneranut nalunaaquttap akunneri 40-it.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat annertunerusut
Atorfik pillugu annertunerusunik paasisaqarusukkuit Qitiusumik Siunnersuisarfimmi immikkoortortaqarfimmut pisortaq Arnajaraq Poulsen attaveqarfigisinnaavat uani apou@nanoq.gl / +299 346014.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia