sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik Allaffimmi pisortassamik sulisussarsiorpoq

Namminersorlutik Oqartussat

Nuuk
Ikkunneqarpoq: 10-09-2019
Piffissaq atuuffissaa naassaaq: 27-09-2019
Suliffissamut ID normut: LJA-75508814
Atorfeqarnermi atugassarititaasut: Tamakkiisoq
Suliassaqarfik: Aatsitassanut suliassaqarfik

Kalaalllit Nunaanni inuussutissarsiornermut- nukissiuuteqarnermut ilisimatusarnermullu tunngassutilinnik misissueqqissaarnernik suliaqarnermik siuttooqataarusussuseqarpit.

Takornariaqarnermut, sermimik imermillu avammut nioqquteqarnermut, nukissiuuteqarnerullu nutarsaavigineqarneranut minnerunngitsumillu uuliamik gas-imillu ujarlernerup sukkatsisarlugu aallarnisarnissaanut pisortaqatigiinnut peqataarusuppit?
Taamaassappat Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfimmi allaffimmi pisortatut atorfik ilinnut unammilligassaavoq nalequttoq.

Allaffimmi pisortaq tassaassaaq naalakkersuisoqarfiup suliassaqarfii akimorlugit misissueqqissaarnernut nassuiaasiornernullu qitiusumik ingerlatsisuusussaaq aammalu ilisimatusarnermut tunngasumik periusissiap nutaap suliarineqarneranut atuutsilersinneqarnissaalu ingerlatsisuuffigissavaa kiisalu kisitsisinik naatsorsueqqissaarnerit suliarineqarnerinik ingerlatsisuussaaq matumani nukissiuuteqarnermut tunngassunik naatsorsueqqissaarnerit.

Suliassanut suliarineqartussanut inuttaliunneqartussamut piumasaqaataavoq paasissutissanik kisitsisillu atorlugit misissueqqissaarnisssamut excel atorlugu suliaqarnissamut sukumiisumik paasisimasaqarluartuuneq piumasaqaataavoq, aammattaarlu kisitsisinik naatsorsueqqissaarnermi qarasaasiakkut sakkut soorlu R, SAS imaluunniit SPSS ilisimaqarfiginissaat pisariaqarluinnarpoq.

Naatsorsuutigineqarpoq allaffimmi pisortaq politikkimik paasisimasaqarnissaa Kalallillu Nunaanni inuussutissarsiornikkut pissutsinut sukumiisumik ilisimasaqarnissaa aammalu nunap immikkoortuini assigiinngissutsit unammmilligassallu paasisimasaqarfigissavai. Allaffimmi pisortap ulluinnarni unammilligassaanut politikkikkut aalajangiiffigisassanut allaffissornikkut sullissineq ilaavoq, suliassanik tulleriiarineq suliassallu inerlugit naammassineqarnissaasa sanitatigut anguniakkanik ukkatarinittuussaaq.

Naatsorsuutigaarput kalaallit nunaanni pissutsinut ilisimasaqarluartutit. Inussiarnersuullutillu kiineraartuussatit ineriartortitsinermut suleqateqarsinnaanermillu piginnaasalik.

Atorfiup malitsigissavai angalasarnissat piffissallu naliginnaasumik suliffiusup avataatigut suliassaqartarnissaq. Piffissap ilaatigut naatsorsuutigineqartariaqarpoq annertuumik sulisariaqartarnissaq, taamaattumillu pissutsit taamaannissaannut sungiussisimasuusariaqarputit aammalu angusaqarnissamut sulerusussuseqarnissaq pisariaqarluni. Atorfik naalakkersuisoqarfiup aningaasaqarnermut- nukissiuuteqarnermullu immikkoortartaqarfiata ataani inissisimasuuvoq.


Suliassat makkuupput:

  • Suliassaqarfiit makkua soorlu, nioqqutissanik pilersuineq, takornariaqarneq, puisip amiinik tuniniaaneq kiisalu nukissiuuteqarnermut il.il tunngasunik misissueqqissaarnerit
  • Kalaallit Nunaannit ilisimatusarnermut periusissiap nutaap ineriartortinneqarnerneranut atuutsinneqalerneranullu suleqataaneq
  • Inatsisartunut nassuiaatinik suliaqarnerit
  • Inuussutissarsiornermut, Nukissiuuteqarnermut Ilisimatusarnermullu Naalaakkersuisoqarfiup ataani inissisimasunik kiffartuussinissamik isumaqatigiissutit suliarineqarnerini suleqataaneq
  • Inuiaqatigiit aningaasaqarnerat aammalu ingerlatsinermut aningaasaqarneq pillugit misissueqqisaarnerit
  • Naalakkersuisoqarfimmi immikkoortortaqarfinnik allanik aningaasaqarnikkut suliaqarfiit  naatsorsueqqissaarnerlu pillugit siunersioqateqartarneq
  • Missingersuutinik aqutsineq – missingersuutinik malitseqartitsineq kiisalu taakununnga atatillugu mississueqqissaarasuarnerit
  • Naalakkersuisumik kiffartuussineq
  • Iluaqutaassaaq kalaallit, danskit aammalu tuluit oqaasii atorlugit allassinnaallutillu oqalussinnaaneq pisinnaasaqarfigigukkit


Qinnuteqartussamut piumasaqaatit
  • Naleqquttumik kandidat-itut ilinniagaqarsimaneq allaffissornikkullu misilittagaqarneq
  • Suliffeqarfimmi politikkikkut aqunneqartumi sulinermik misilittagaqarneq
  • Misissueqqissaaraluni nalilersuillaqqissoq kisitsisitigut naatsorsueqqissaarinermut paasinnillaqqissoq
  • Suliassaqarfinnik assigiinngisitaartunik siammasissunillu nammaqataasinnaasoq suliassarpassuillu tamaasa tigusinnaallugillu suliassanut nutaanut pulapallassinnaaneq
  • Suleqateqallaqqinnermik erseqqusiullaqqissusermillu piginnaasaqarluarneq
  • Allattariasorluni oqaluinnarlunilu attaveqateqallaqqissuseqarneq
  • Iluaqutaassaaq kalaallit, danskit aammalu tuluit oqaasii atorlugit allassinnaallutillu oqalussinnaaneq pisinnaasaqarfigigukkit
  • Ulluinnarni ulapaarfiusumi allanngorartuartumilu peqataarusullunilu piumassuseqarneq

Qinnuteqaateqarneq
Atorfimmut tunngasumik annertunerusumik paasisaqarusukkaanni saaffigisassaq tassaavoq Immikkoortortaqarfimmi pisortaq Henrik Rud Jensen, telefon +299 34 56 10/+299 53 32 45, e-mail: herj@nanoq.gl

Qinnuteqaat ilinniagaqarsimanermik siusinnerusukkullu sullivigisimasat pillugit imaqassaaq, soraarummeersimanermullu uppernasaatit, attaveqarfissat il.il, aamma ilanngussatut ilanngunneqassapput. Qinnuteqaat CV ilanngullugu soraarummeersimanermullu uppernarsaatit assilineri qarasaasiakkut nassiunneqassapput kingusinnerpaamik ulloq 26. september 2019. Qinnuteqartunik oqaloqateqartarnerit ingerlaavartumik pisassapput.

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik pillugu annertunerusumik nittartakkami uani takusaqarsinnaavutit www.nalaakkersuisut.gl . Nuummiippugut tamaanilu piniariarnissamut, aalisariarnissamut, pisuttuarnissamut, sisorarnissamut sunngiffimmilu silami allanik sammisassarpassuaqarpoq. Illoqarfimmi innuttaasut kulturikkut amerlasuunik neqeroorfigineqartarput filminik siullermeerluni takusassiinikkut, kulturikkut illorsuaq, golfertarfik naluttarfik il.il.- ukunani annertunerusumik takusaqarsinnaavutit www.nuuk.gl imaluunniit www.greenland.com

Akissarsiat atorfinitsitaanermilu atugassarititaasut
Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiun- neqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.



Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia