sullissivik.gl
Atorfimmut ussassaarummut oqaatsinut allanut nuunniarlutit tooruk

Inuussutissarsiornermut Nukissiuuteqarnermut Ilisimatusarnermullu Naalakkersuisoqarfik inatsisilerituumik sulisussarsiorpoq

Namminersorlutik Oqartussat

Nuuk
Ikkunneqarpoq: 18-11-2019
Piffissaq atuuffissaa naassaaq: 10-12-2019
Suliffissamut ID normut: LJA-77576060
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq
Attaveqarfissamut paasissutissat

Namminersorlutik Oqartussat

Jens Hesseldahl 
Imaneq 1A 301
Oqarasuaat +299 34 56 98

Nuna tamakkerlugu siuariartortitsinissamut inatsisitigut toqqammavissiinissamut peqataarusuppit aammalu Kalaallit Nunaata nunani tamalaani niuerfinni nukittuumik inissisimanissaa qulakkeereqataaffigerusullugu? Taava immaqa illit tassaavutit Inuussutissarsiornermut immikkoortortaqarfimmi inuussutissarsiornermi inatsisilerituutut sulisortaarisassarput. Qitiusumi annertuumik inissisimalissaatit, inatsisilerituutut inuussutissarsiornermut politikkimik suliaqarnermut aamma oqartussanik sullissinermut sammiviliisussaallutit.

Inuussutissarsiornermut immikkoortortaqarfik pillugu:
Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfimmi Inuussutissarsiornermut immikkoortortaqarfimmi atorfeqalissaatit. Immikkoortortaqarfimmiipput immikkoortortaqarfimmut pisortaq ataaseq, A/C-tut sulisut aallussilluartut 8-t kiisalu ilinniarnerminni sungiusartut aamma ilinniartut ikiortitut sulisut, tamarmik nuna tamakkerlugu siuariartortitsinissamik, aammalu Kalaallit Nunaata nunani tamalaani niuerfinni nukittuumik inissisimanissaanik qulakkeerisussat.

Immikkoortortaqarfimmi ilaatigut takornariartitsisarneq, sermimik imermillu avammut nioqquteqarneq, aallarnisaasarneq, inuussutissarsiornermi politikki, kiffartuunneqarnissamut isumaqatigiissutinik malinnaaneq, kiisalu nunani tamalaani nittarsaassineq aamma Kalaallit Nunaanni inuussutissarsiornermi periarfissaqarfiusunik avammut nioqquteqarnermik siuarsaaneq, suliaqarfigineqarput. Suliassaqarfiit taakkua iluanni periusissianik ineriartortitsineq, atuutsitsilertarneq, suliassanik suliarinninneq kiisalu politikerinik sullissineq, atituumik suliaqarfigineqarput. Tamatumunnga ilaatillugu immikkoortortaqarfik Visit Greenland-imut aamma Business Greenland-imut kiffartuunneqarnissamut isumaqatigiissutinut akisussaasuuvoq.

Atorfik pillugu:
Atorfimmi annertuumik nammineerlutit akisussaaffeqassaatit, immikkoortortaqarfimmi sulisut sinneri suleqatigalugit immikkoortortaqarfimmi inatsisilerinikkut toqqammavigineqassallutit. Tamatuma saniatigut Naalakkersuisoqarfimmi inatsisilerinermut immikkoortortaq suliatigut isumasioqatigisarnissaanut periarfissaqarpoq.

Politikerinut qanilluta suligatta, inatsisinik nutaanik, nalunaarutinik il.il. suliaqarnermi qitiulluinnartumik inissisimassaatit. Peqatigisaanik takornariartitsinermik ingerlatsinissamut akuersissutinut kiisalu sermimut imermullu akuersissutinut neqeroortitsinitsinnut suliatigut qulakkeerisuunissamut periarfissaqassaatit. Aamma atugassarititaasunut killissaliussat nittarsaassinerillu suliarineqarnerannut atatillugu pingaaruteqartumik inissisimalissaatit, taamaalilluni Kalaallit Nunaat nunani tamalaani niuerfinni nukittuumik inissisimalissalluni. Immikkoortortaqarfimmi inatsisilerinermi immikkut ilisimasaqartuussaatit aammalu isumaqatigiissuteqarnerit, kiffartuunneqarnissamut isumaqatigiissutit, nalinginnaasumik inatsisilerinikkut nalilersuinerit il.il. tunngavissittassallugit. Kiisalu aamma immikkoortortaqarfimmi suliassanik isumaginninnerni allani ilaasassaatit.

Immikkoortortaqarfiuvugut nunanut tamalaanut sammisoq, najukkamiitinneqartoq. Taamaattumik soqutigisat misilittakkallu apeqqutaallutik, Kalaallit Nunaanni avataanilu sulilluni angalanissamut periarfissaqassaaq. 

Illit pillutit:
Politikkikkut aaqqissuussinermit aamma/imaluunniit inuussutissarsiortunit namminersortunit misilittagalimmik sulisussarsiorpugut. Taamaattumik takorusupparput:
• Cand.jur, cand.merc.jur assigisaanilluunniit sulianut naleqquttunut ilinniagaqarsimasutit
• Aaqqissuussaanermit politikkikkut aqunneqartumit aamma/imaluunniit inuussutissarsiortunit namminersortunit misilittagaqartutit
• Inuussutissarsiornermut politikki ilisimasaqarfigigit
• Suliniutinik annerusunik nammineerlutit suliaqarsinnaasutit
• Suliassanik assigiinngitsunik suussusilinnik arlalinnik suliaqarusuttutit
• Oqaatsitigut piginnaasaqarluartutit, ilanngullugit ajornanngippat kalaallisut, danskisut tuluttullu

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik pillugu:
Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik sulliviuvoq pissanganartoq. Ulluinnatsinni inussiarnersumik oqaluuteriaaseqarneq malunnarpoq aammalu inerniliussanut inuttut sunniisinnaanermut inissaqartitsiviulluni. Naalakkersuisoqarfimmi sulisut 36-t missaanniippugut. Tamatuma saniatigut Naalakkersuisoqarfiup ataaniipput immikkoortortat marluk, Atuisartoqarnermut Unammilleqatigiinnermullu Aqutsisoqarfik aamma Nukissiorfiit.

Paasissutissat annertunerusut:
Atorfik pillugu annertunerusunik paasisaqarusukkuit inatsisilerituut qullersaat Jens Hesseldahl attavigisinnaavat makkunatigut: e-mail jhes@nanoq.gl, imaluunniit immikkoortortaqarfimmi pisortaq Christian Hjerrild Ovesen attavigisinnaavat e-mail chho@nanoq.gl, telefon 345622 aqqutigalugit.
oqarasuaat 345698.

Qinnuteqarnermut killiliussaq tassaavoq ulloq 9. decembari 2019

Qinnuteqartunik ingerlaavartumik  oqaloqateqartoqartassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mailikkut qinnuteqaatinik tigusineq ajorpugut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sapinngisamik piaarnerpaamik atorfinitsitsisoqassaaq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia