sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Inuussutissarsiornermut Suliffeqarnermullu Ingerlatsivimmi pisortaq

Kommune Kujalleq

Qaqortoq
Ikkunneqarpoq: 19-07-2021
Piffissaq atuuffissaa naassaaq: 13-08-2021
Suliffissamut ID normut: LJA-82410406
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Kommunimi inuussutissarsiornerup suliffeqarnerullu nukittorsarneqarnissaannik Kommune Kujalleq kissaateqarpoq, kiisalu nunatta kujaterpiaani periarfissarpassuarnut silarsuup sinnerata ilisimaarinnilernissaanik kissaateqarluni.
Inuussutissarsiornermut Suliffeqarnermullu Ingerlatsivimmi pisortatut namminerortorpassuit pisortanilu inuussutissarsiortut amerlasuut suleqatigisussaavatit.
Tamanna ilutigalugu ingerlatsiviit allat pisortaat qanimut ataqqeqatigiinnikkullu suleqatigisussaavatit, toqqaannartumillu pisortaaneq akisussaasorissavat.

 

Atorfimmi Kommune Kujalleq sullinneqassaaq, atorfillu Qaqortumi inissisimalluni.

Kommune Kujalleq nunatsinni kommunit kujallersaraat, tassaniippullu illoqarfiit Narsaq, Qaqortoq Nanortalillu kiisalu nunaqarfiit aqqanillit. Illoqarfiit imminnut qanittuupput inuussutissarsiornikkullu assigiissuteqaqalutik.

 

Pisortassamut piginnaanilimmut atuarfeqarnermut meeqqeriveqarnermullu susassaqarfiup iluani suliniuteqarnissamut kajumittumut, sapiissusilimmut piginnaanilimmullu pisortatut atorfik pissanganartoq unammillernartorlu neqeroorutigaarput.

 

 

Piginnaasassatit:

 

  • Suliassatigut piginnaasaqarneq pisortaqarfinnilu aqutsinermik tunngaviusumik paasinninneq misilittagaqarnerlu.
  • Pissutsit nunatsinni inuussutissarsiortut akornanni atuuttut ilisimasaqarluarfiginissaat iluaqutaassaaq, tamannami aqqutigalugu najukkani inuussutissarsiortut sapinngisamik pitsaanerpaamik nakussassarneqarniassammata.
  • Naleqquttumik ilinniagaqarsimassaatit, ajornanngippat ilinniagartuujussallutit.
  • Suliassaqarfimmik ineriartortitsinissamik kajumissuseqartoq misilittagalillu, taannalu ilutigalugu politikkikkut piumasaqaatit naapertorlugit ulluinnarni ingerlatsisinnaasoq.
  • Suut tamaasa eqqarsaatigalugit aaqqiissutissanik assigiinngitsunik eqqarsaatersorsinnaasoq.

 

Immikkut ilisarnaatitit:

 

  • Qaffasissutsit tamaasa aallaavigalugit suliniutinik suleqatigiissutigisassanillu nutaanik aallarnisaallaqqisuuneq.
  • Oqaatsit pingaarutillit ilinnut tunngassuteqartut tassaapput suleqatigiinneq, ineriartortitsineq aamma nutaaliorneq.
  • Illit inuttut tassaavutit inussiarnersoq, suliffeqarfinnut nutaanut pioreersunullu ilisimasanik ingerlatitsillaqqissoq.
  • Attaveqaqatigiinnermut pikkoriffeqarneq, suliffiullu avataani iluanilu qallunaatut kalaallisullu oqaaseqarneq iluaqutaassaaq, piumasaqaataananili.
  • Suliniutinik suliaqarneq sungiusimavat peqataatitsinertalimmillu suleriaaseqarlutit.
  • Inuttut avatangiisini eqaatsuni nalittoriartortsitsisunilu sulianik annertuumik ingerlatsiviusuni suliaqarneq iluarusuutigalugu ingerlattarpat, sungiussiassuserlu ilinnut sullitannullu malunniuttarluni.
  • Inuit ataasiakkat ataqqillugit suliassanik assigiinngitsorpassuarnik aqutsisinnaasutit.

 

 

Ilinnut neqeroorutigisinnaavagut

  • Atorfik suliatigut inuttullu aallutassanik annertuunik toraagassaqarfiusoq.
  • Suleqatit pikkorissut suliffikkuminartuunissamik siunniussaqartut.
  • Nunatta immikkoortuata pinnernerpaat ilaanni pinngortitami misigisassarsiorsinnaaneq sunngiffimmilu periarfissagissaarneq.

 

Aningaasarsiat atorfeqartitaanermilu atugassarititaasut

Atorfinitsitsineq Kalaallit Nunaanni Ilinniagaqartut Kattuffianni (ASG-mi) pisortat sulinermut isumaqatigiissutaat atuuttoq najoqqutaralugu ingerlanneqassaaq.

 

Tamatuma saniatigut inatsisit atuuttut najoqqutaralugit nammineq akilertagassaasumik atorfimmut atatillugu inissaqartitsisoqassaaq, kiisalu angalanermut aningaasartuutit aamma pisattat assartorneqarnerat akilerneqassalluni. Sivisuumik initaarnissamik utaqqisoqanissaa naatsorsuutigineqassaaq, taamaammat utaqqiisaagallartumik pequtilersoriikkamut inissikkallarneqarnissaq neqeroorutiginineqassaaq.

 

Soqutiginnippit?

Atorfik pillugu qinnuteqarfissaq toorlugu qinnuteqarit, tassunga qinnuteqaatit inuunermilu taasassat (CV) ilisinnaavatit.

 

Atorfimmut tunngatillugu apeqqutaasinnaasut tamarmik ukununnga apeqqutigineqarsinnaapput: Dorthe Flies, Flies HR Consulting, oqarasuaat +45 6083 3117, +299 583117 imaluunniit dorthe@flieshr.dk

 

Flies HR Consultingip atorfinititsinissamut suliaq tigummivaa, taamaammat saaffiginninnerit tamarmik tassunga ingerlateqquneqarput.

 

Qinnuteqarnissamut killigititaq augustusip 13-iat 2021 imaluunniit piaarnerpaamik

 

Qinnuteqartut tulleriissaarlugit oqaloqatigiinninnissamut qaaqqujumaarpavut.

 

Tusarfiginissat qilanaaraarput!

 

Kommune Kujalleq pillugu annertunerusumik uani paasisaqarsinnaavutit:

https://www.kujalleq.gl/emner/om-kommunen?sc_lang=da

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat