Isumaginninnermi ikiorti Meeqqat-nut / Socialhjælper til Meeqqat

Kommuneqarfik Sermersooq

Nuuk

Ikkunneqarpoq: 14-06-2024

Piffissaq atuuffissaa naassaaq: 05-07-2024

Suliffissamut ID normut: 331589576

Atorfeqarnermi atugassarititaasut: Tamakkiisoq

Suliassaqarfik: Meeqqat & inuusuttut

Atorfiup taaguutaa: Socialmedarbejder

Misilittakkat - Annertunerusumik: Omsorgsarbejde, Samarbejde

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

”Meeqqat” ukiumikkut akuleriinnut paaqqinnittarfiuvoq pinngortitamut, imarmullu qanittumi, illoqarfiullu qeqqakanniani pinnersunik avatangiiseqartuulluni. Meeqqanut inissat 25-nut amerlassuseqarput. Meeraaqqerivik meeqqanut 10- nik inissalik, meeqerivillu 15-inissalik.

”Meeqqat” nuummi meeqqeriviit nutaanngitsut ilagaat.

Paaqqinnittarfimmi sulisut qulinngiluaapput. Aqutsisoq, aqutsisup tullersortaa,perorsaasoq, isumaginninnermi ikiortit marluk, inimi ikiortit marluk, igaffimmioq ataaseq, eqqiaasoq ataaseq.

Nalunngilat meeqqat ineriartuinnaleraangata aamma meeqqap takoqqusaarutaanut naalaarluni qanoq ilungersunartigisartoq. Nalunngilat meeqqat peqqusaarnerminnut naleqqiullugu annertunerugaartumik piginnaassuseqartut, aammalu illit meeqaat imminut naleqartinnerisa, imminullu tatiginerisa allisarnissaanut suleqataarusuttuullutit. Silarsuarmut meeqqap alapernaatsuunerani ikorfartorniarpat, kiisalu illit tamakkiisumik isiginnittuuvutit, paasinnittuullutillu.

Ullut nalinginnaasut pilersinniarusuppagut ilisarnassuseq ulluinnarni aalajangersimasumik ingerlanermik/ piffissamik malussarissusermik tunngavilik, kiisalu siumut oqaatigineq ajornartoq tunngaviulluni meeqqat paaqqinnittarfiup kulturiata ineriartorneranut sunniuteqarsinnaanissaat. Pingaaruteqarpoq suleqatigiilluta ”Meeqqat” atuisunut tamanut paaqqinnittarfiup peqqinnartumik, ineriartornartumillu pilersitsinissarput. Taamaattumik sullivimmi tamatta suliffigissaasuulluarnissarput pingaatinneqarpoq.

Suliffimmi pingaartitavut:

·Akuersaartumik perorsaariaaseq.

·Pinngortitaq atorlugu perorsaaneq.

·Meeqqat inuit asseqanngitsuunitsinnik, ataqqinninnissamillu ilinniartillugit.

·Meeqqat toqqissisimasumik perorsaataasumillu avatangiiseqartinnisai.

Neqeroorutigisinnaavarput:

·Suliffeqarfik akisussaaffimmik, suliffimmilu sunneeqatanissannut periarfissiisoq.

·Suliffik pilersaarusiorluagaq, avatangiisinillu atorluaasinnaasoq.

·Init sulianut naleqqussakkat, suleqatillu pitsaasut.

·Pikkorissarnissamut ilinniaqqinnissamullu periarfissalik.

·Angajoqqaat suleqataalluartut, meeqqallu peqataallaqqissut.

Naatsorsuutigaarput:

·Meeqanik inersimasunillu suleqateqareersimanissaq.

·Eqeersimaartoq akisussaaffiillu tigummiarsinnaanissat.

·Suleqatit perorsaanilerinermut eqqartueqatigisinnaagitit.

·Ilakkuminartuusutit meeqqanut, suleqatinut, angajoqqaanullu.

·Suliffimmi patajaatsuuninnik/ alajaatsuunermik takutitsisinnaasutit.

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Leder Peter Johansen, oqarasuaat +299 36 68 51 imaluunniit e-mail: pjoh@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat: Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 611-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 5.-at, 2024