Isumaginninnermi sullissivik Paamiut siunnersortissarsiorpoq

Kommuneqarfik Sermersooq Paamiuni Isumaginninnermut sullissivimmi Pisartakkanik isumaginnittoqarfik pikkorissunik kajumissuseqarluartunillu utoqqalinersialinnut tunngasuni siunnersortimik pissarsiorpoq, piaarnerpaamik atorfinittussamik.

Pisartakkanik isumaginnittoqarfimmi pensionisiat pillugit inatsisit atuuttut malillugit aamma sullissisup/isumaginninnermi siunnersortip aalajangiinerani naliliinerit aalajangersimasut tunuliaqutaralugit sullissinissaq qulakkeerneqassaaq.

Pisartakkanik Isumaginnittoqarfik assigiinngitsorpassuarnik suliassaqartarpoq, taamaattumillu kommunip iluani suleqatigisartakkanillu allanik amerlasuunik suleqateqartarluni.

Atorfik ulloq naallugu suliffiusoq Suliffeqarnermut Isumaginninnermullu Ingerlatsiviup ataani Isumaginninnermut sullissivimmi inissisimavoq, tassani immikoortortami aqutsisuusoq qaninnertut qullersaralugu.

Atorfimmut inuttaliunneqartup suliassarai

·Siusinaarluni soraarnerussutisiaqalernissamik qinnuteqaatinik nalilersuineq

·Siusinaarluni soraarnerussutisiaqareersut nalilersuiffigeqqinnissaat

·Sulianik ingerlatsineq aamma siusinaarluni soraarnerussutissianut suliassaqarfimmi siunnersuineq

·Inatsit atuuttoq tunngavigalugu sulineq

·Assigiinngitsunik suliallit Ataatsimiititaannut saqqummiussassanik suliaqarneq

·Suliffiup iluani avataanilu suliat assigiinngitsut akornanni suleqatigisanik attuumassuteqartunik suleqateqartarneq

·Piginnaasaqarfinnik malitseqartitsineq suliarinninnerillu

·Innuttaasunik oqaloqateqarneq

·Innuttaasup, kommunip sulisitsisullu suliffimmik misiliisoqarnerani pingasuullutik isumaqatigiinneranni peqataanissaq

·Utoqqarnut tunngasunik missingersuutinik allannguineq/pilersitsineq

·Inummut- suliartoqquneqaratarsinnaanermut tapit suliarineri

·Utoqqalinersianik allannguineq

·Utoqqalinersianik allaffissorneq

Sullissineq siunnersuilluni aqqutissiuussinikkullu siusinaartumik pensionisiaqalernissamut, utoqqalinermi utoqqalinersiaqalernissamut qinnuteqaatit inatsisit, peqqussutit, kaajallaasitat nalunaarutillu atuuttut naapertorlugit ingerlanneqassaaq.

Suliassat Isumaginninnermut sullissiviup sinnerani sulisut allat qanimut suleqatigalugit ingerlanneqartarput, aamma utoqqarnik sullissivik kiisalu avataaniittut suleqativut suleqatigalugit.

Naatsorsuutigaarput illit:

·Naatsorsuutigaarput TNI-mut assigisaanulluunniit ilinniarsimasuusutit

·Ajornanngippat suliassaqarfimmi sullissinermik misilittagaqartutit aammalu IT (GetOrganized aamma AX prisme) misilittagaqarfigigitit.

Tamatuma saniatigut pingaartipparput, illit:

·Ineriartortitsinissamik kiffartuussinissamillu pingaartitsisutit.

·Suleqatinut sullitanullul suleqatikkuminartoq

·Akuersaartuullutillu ilakkuminartuusutit

·Aalajaatsuunissat, pitsaassutsimik ilisimasaqarluartoq immikkuualuttunillu maluginiaasinnaasoq

·Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit

·Namminersorlutit sulisinnaanissat akisussaassuseqarlutillu

·Suliassanut aamma suliassanik agguataarinerni ingerlaavartumik iluarsiissuteqarnissamut eqaatsumik allannguisinnaassuseqartutit.

·Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasutit

·Siammasissumik suleqateqarluarsinnaasoq.

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

·Suliassanut allanut takkussuuttunut piareersimassuseqartit

Neqeroorutigaagut:

Suliffik suleqatitsialaat suleqatigalugit aammalu atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq. Tamakkununnga ilanngullugu qanimut siunersiueqatigiiffimmi suleqatigiilluni suliffik avatangiiseqarnissaa aamma suliniuteqarnissap nutaaliornissallu inissaqartuarnissai anguniartuarparput.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Najannguaq Rosing, oqarasuaat +299 36 76 03 imaluunniit e-mail: nari@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 160-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.