Isumaginninnermik siunnersorti

Inunnut innarluutililnnut sullissusissaq - inunnik isumaginninnermut siunnersorti

Annertuumik innarluutilinnut immikkoortortaqarfimmi isumaginninninnermut siunnersortimik pikkorissumik tunniusimaartumillu januarip ulluisa aallaqqaataanni 2023 atorfinittussamik pisarsiorpugut imaluunniit isumaqatigiissuteqarnikkut.

Atorfik maannaamuugallartoq Qaqortp illoqarfittaani inissisimagallarpoq.

Inunnut innarluutilinnut tapersiisarnermi, aamma Meeqanut tapersiisarnermi inatsit naapertorlugit, Kommune kujalleq sulianik suliarinninnermi pitsaassutsimmik qaffasissumillu sullissisoqarnissaata qitiutissaalu anguniagaraa, taamaammat Isumaginninnermut siunnersortitut ilinniarsimasumik ineriartortitsinermut kivitseqataanissamut peqataarusuttumik atorfinitsitsinissarput kissaatigaaarput.

Suliassaqarfiup qulakkerataaffigissavaa, inunnut innarluutilinnut sullissinerup pisinnaatitaaffiit kalluarnagit, sinaakkusiussatullu najoqqutassaq qaangernagit, inunnut innarluutilinnut ulloq unnuarlu inissinneqarsimasunut, meeqqanut inuusuttunut  sullissinissaq

Ilinnut ilaatigut piumasaqaatit:

·Inunnik isumaginninnermi bacheloritut - inunnik isumaginninnermi siunnersortitut - inunnik isumaginninnermi akunnermiliuttutut ilinniarsimasuunissaq.

·Innarluutilinnut tunngasuni, aamma meeqqanut – inussuttunut tapersiisarnermi inatsimmik tamakkiisumik sullissinermik misilittagaqarneq

·Pitsaasumik suleqatiginnissuseqarneq susassaqarfiillu akimorlugit suliffeqarfiup iluaniittunik avataaneersunillu suleqateqarsinnaaneq.

·Allaffissornikkut aningaasaqarnikkullu suliassanik misilittagaqarnissaq.

·Nammineq artorsaatiginagu inuunerisaq aallaavigalugu innuttaasunut pitsaasumik attaveqarniarnikkut akunniliullunilu sulissussinermik piginnaaneqarneq.

Atorfiup imarisai ilaatigut makkuupput:

·Innarluutilinnut, peqqutigalugu sullinneqarnissamik malittarisassat atuuttut malillugit ingerlanneqarnissaat qulakkiissallugu.

·Qanoq iliuusissamut pilersaarutinik piareersaasiorsinnaaneq.

·Innuttaasup maannakkut pisumi pisariaqartitai aallaavigalugit ikiorsiissutissatut qulaajaaanerit, ikiorsiisuttigineqartillugu eqqortumik ingerlanneqarnerannik malinnaavigineqarnissaat.

·Immikkoortortaqarfimmi suleqatigiinnissamik ineriartortitsinermillu pitsaasumik pilersitseqataassalluni eqeersimaartumillu peqataatitsineq.

·Inunnut innarluutilinnut inatsit naapertorlugu taperserneqartartunut, ulloq unnuarlu paaqqutarinniffinni inissinneqarsimasut nakkutilliineq nunatsinni aamma qallunnat nunaanni nakkutilliineq

·Meeqqat inuusuttullu innarluutilittut taperserneqartarnissaat sapinngissamik siusissukkut iliuseqarfigisarnissaa

·Qaqortumi, Narsami, Nanortalimmi inunnut innarluutilittut taperserneqartussanik qulaajaanermi tapersiissutaasussanillu tapertaaqataasarnissaq

Inunnik isumaginnittoqarfik ilaatigut makkuninnga neqerooruteqarpoq:

Isumaginnittoqarfik 1.januar 2023 nutaamik aaqqissuteqqinneqarpoq, ilaatigut IPI ingerlatsivimmi Inunnut innarluutilinnut, immikkullu isumassorneqartariaqartunut immikkoortortaqarfik atuutileersinneqartussaalluni, taamaammat periarfissaqarluarpoq, immikkoortortap innarluutilinnut, angerlarsimaffimmi ikiorteqartitsisarnermut, piginnaanngorsaqqisarnermut, sungiusaasoqarnermillu pissanganartumik, innutaasunullu pitsaasumik kiffartuussinisamut ineriartortinnissaanut sunniueqataaffiginissaa

Sapaatip akunneranut akunnerit 40-it suliffiusarput. Pisariaqartitsineq najoqqutaralugu isumaginninnermut upalungaarsimasumik aggeqqusisarnermik aaqqissuussinermut peqataatinneqarsinnaaneq naatsorsuutigineqassaaq.

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu meeqqanik pinerliisimannginnermut uppernarsaat kommunimit tiguneqareersimatinnagu sulineq aallartissinnaanngilaq.Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat

Atorfik pillugu sukumiinerusumik paasissutissanik pissarserusukkuit uunga saaffiginnissinnaavutit: Fagchef Maline Lyberth mail: mall@kujalleq.gl imaluunniit telefonnr. 64 53 73

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik decembarip ulluisa 19-iat 2022.

MALUGIUK:Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”