sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Isumaginninnermut Aqutsisoqarfik erninermut paarlatsimik siunnersortissarsiorpoq

Namminersorlutik Oqartussat

Nuuk
Ikkunneqarpoq: 17-05-2022
Piffissaq atuuffissaa naassaaq: 07-06-2022
Suliffissamut ID normut: LJA-83622178
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Inuuit malunnaatilimmik aaqqissuussaanermik pingaartitsisoq aamma meeqqanut inuusuttunullu suliassaqarfimmi qaffasissumik sullissisinnaasoq? Inuuit inunnik allanik suleqateqarninni siunnersuisarlutillu tapersersuisartoq? Suleqatigiinnut ilaarusuppit, Kalaallit Nunaat tamakkerlugu kommunini meeqqanut inuusuttunullu suliassaqarfimmi sulianik suliaqartartut piginnaasaannik inerisaallutit allanngueqataarusussuseqartoq? Taamaappat Isumaginninnermut Aqutsisoqarfimmi Sulianik suliaqartartunik siunnersuisartuni immaqa illiuvutit uagut suleqatissarput nutaaq.

Isumaginninnermut Aqutsisoqarfik pillugu
Isumaginninnermut Aqutsisoqarfik Meeqqanut, Inuusuttunut, Ilaqutariinnut Peqqissutsimullu Naalakkersuisoqarfiup ataani aqutsiveqarfiuvoq. Isumaginninnermut Aqutsisoqarfik immikkoortortaqarfinnut arfineq-marlunnut agguataarneqarpoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq Unnuarlu Inissitsiterinermullu immikkoortortaq, Innarluutilinnut immikkoortortaqarfik, Sullissisunut siunnersuisarfik, Innuttaasunik toqqaannartumik sullissivik aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliffimmi pitsaasumik avatangiiseqarnissamik assigiinngissutitsinnillu pingaartitsiffiusoq.

Atorfik pillugu
Atorfik Isumaginninnermut Aqutsisoqarfiup ataani Sullissisunik siunnersuisarfimmiippoq. Sullissusinik siunnersuisarfiup pingaarnertut suliassarai kommuninik tapersersuilluni meeqqanik inuusuttunillu suliassaqarfinni suliassat pillugit siunnersuinerit, aqqutissiuussiinerit aamma oqaloqatiginnilluni imaajaanerit. Taakkua saniatigut meeqqanik inuusuttunillu suliassaqarfimmi inatsisitigut inunnillu sullissinermi suliatigut ilisimasanik periutsinillu nukittorsaanissaq piginnaasanik inerisaalluta suliassarisarpavut, pingaarnertut pikkorissartitsilluta aamma sanileralugu ilitsersuussisarluta. Taamaattumik erninerup nalaani paarlatsimik ataatsimik pissarsiorpugut, meeqqanik inuusuttunillu sullissinermik patajaatsumik ilisimasalimmik; isumaginninnermi sulianik misissuinerit aamma iliuusissatut pilersaarusiornermik misilittagaqarluartumik,  aamma immaqa sulisunik nutaanik ilnniartitsinermik misilittagaqareersumik.

Illit inuttut ammasuunissat suliassallu assigiinngitsorpassuit eqaatsumik suliarisinnaassagitit takorloorparput, namminersorlutit aamma immikkuualuttunik ilisimasaqarlutit sulisinnaasutit, ilutigalugulu suleqatitit oqaloqatigalugit isumasiorusussinnaasassagitit pingaartipparput.

Suliassatit ilaatigut makkuussapput:

  • kommunini meeqqanik inuusuttunillu sullissisut siunnersorlugillu aqqutissiuuttarneri
  • meeqqat inuusuttullu sullinneqarnerisa iluini suliat paasiuminaatsut pillugit oqaloqatiginnilluni imaajaaneq
  • kommunimi sullissisut pikkorissartinneqarnerisa ataqatigiissarneri pilersaarusiornerilu
  • ingerlatsinermut ineriartortitsinermillu suliat peqataaffigalugit aamma suliaralugit
  • immikkoortortaq suleqatigalugu isumaginninnermi sulianut tunngasutigut ilisimasanik ingerlatitsinissaq, periutsinik suliniutinillu ingerlaavartumik nutarterinissaq qulakkeerneqassaaq 
  • ilisimasat meeqqanik inuusuttunillu sullissinermut attuumassuteqartut katersorneri paasissutissatullu ingerlateqqinneri, soorlu assersuutigalugu pikkorissartitsinerit, isumasioqatigiisitsinerit assigissaasalu naammassinerini taakkua pisinnaapput.
  • Isumaginninnermut Aqutsisoqarfimmi suliffiup iluani avataanilu suliassaqarfiit akimorlugit suliaqarnernut peqataasarneq
  • suliareqquneqartut nukinginnartut, soorlu assersuutigalugu ineriartortitsinermi suliniutit suleqatigiissitami suliarineqarnerini peqataaneq
Naatsorsuutigaarput:
  • isumaginninnermi siunnersortitut ilinniagaqartutit
  • isumaginninnermut inatsimmik ilisimasaqartutit
  • Meeqqanik tapersersuinermut inatsimmik ilisimasaqartutit aamma taassuminnga paasinnilluarsinnaasutit
  • meeqqanik inuusuttunillu sulissinermik patajaatsumik ilisimasaqartutit; isumaginninnnermi sulianik misissuineq aamma iliuusissatut pilersaarisiornerit matumani ilanngullugit ilisimasaqarfigigitit.
  • Qarasaasiamik atuinissamik ilisimasaqartutit.
  • immikkoortut akimorlugit suleqatigiittarnernik ilisimasaqarluartutit
  • ataqatigiissaarillaqqittuullutillu suleqatikkuminartuusutit
  • inoqatinnut akuersaartumik nukissallu qitiutillugit isummersuisinnaasutit
  • aaqqissuulluakkamik ilusilersugaasumillu sulisartutit, aaqqiissuteqarsinnaassuseqartutillu
  • Ilinniartitsillaqqissuusutit.
  • Inuttut eqeersimaartuusutit, soqutiginnittoq ineriartorusussuseqartuullutillu.
  • Inuiaqatigiit kalaallit kulturiallu ilisimasaqarluarfigigitit
  • Allallutit oqalullutillu attaveqarnissamut tunngaveqarluartutit, kalaallisut aamma danskisut
Illilli makku pissarsiarissavatit:
  • atorfik aqutsisoqarfimmi kommuninilu piginnaasannik naleqartitsisoq pisariaqartitsisorlu, tamatigoortoq assigiinngitsunik pissanganartunik suliassaqarfiusoq
  • meeqqanut inuusuttunullu suliniummik nukittorsaanissamut periarfissaq
  • suliassaqarfiup assut qanimut malinnaavigineqartup kivitseqataaffiginissaanut sunniuteqarneq
  • suliffeqarfik ilisimasaqarluarfiusoq, oqaloqatigiilluni isumasioqatigiinnermik pingaartitaqarfigisarput pitsanngoriartuinnavinnissarpullu anguniarlugu immitsinnut ikioqatigiittarpugut
  • aqutsisoq suliamut tunngasunik piginnaasannut tatiginnittoq, piviusorsiortunik piumasaqaateqartartoq ineriartornissannillu salliutitsisoq
  • suleqatit pitsaasut suleqatigiilluarnissamik pingaartitsisut - aamma ulapaarfimmi
  • persuarsiunngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq,
  • sulillutit angalanissamut periarfissaq aamma nunarput tamakkerlugu misigisaqarfigissallugu periarfissaq

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut
naapertorlugit ingerlanneqassapput.

Piffissaq suliffiusoq aallaavittut sapaatip akunneranut akunnernik 40-nik sivisussuseqarpoq.

Angalasarsinnaanissaq pillugu
Atorfimmut atatillugu angalasarnissat naatsorsuutigissavat.
 
Najugaq
Maleruagassat qaqugukkulluunniit atuuttut malillugit atorfimmut atatillugu utaqqiisaasumik najugassaqartitsisoqarsinnaavoq, najugassaqartitsiviugallartup ingerlanneranut tunngasunik akileeqataanissamut piumasaqartoqarsinnaalluni kiisalu malittarisassat malillugit pisatsersuinermut akileeqataanissamut aamma piumasaqartoqarsinnaalluni. Utaqqiisaasumik najugassaqartitsivik atorfeqarunnaarnermi qimanneqassaaq. Sulisorisap attartukkani atornerlussimassagaluarpagu tamannalu inigisamiit anisitaanermik kinguneqarsimappat, inissiamik allamik utaqqiisaagallartumik tunniussisoqassanngilaq.

Ulloq atorfiniffissaq
Atorfik inuttalerusunneqarpoq  1.  august 2022 imaluunniit erseqqinnerusumik isumaqatigiissuteqarnikkut.

Qinnuteqarfissaq kingulleq tassaavoq 7.juni 2022 nal. 12.00 (Kalaallit Nunaata nalunaaqutaa malillugu)
Atorfinitsitsinissamut oqaloqateqarnissat qinnuteqarnissamut killigititap naanerata kingunitsianngua ingerlanneqassasut naatsorsuutigineqarpoq.

Paasissutissat amerlanerit
Atorfik pillugu itinerusumik paasisaqarusukkuit, immikkoortortaqarfimmi pisortaq Stina Sværd oqarasuaammut  +299 34 60 70 imaluunniit mailikkut stin@nanoq.gl-ikkut attaveqarfigisinnaavat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia