sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik AC-fuldmægtiginik/specialkonsulentinik 2-3-nik pissarsiorpoq

Namminersorlutik Oqartussat

Nuuk
Ikkunneqarpoq: 18-12-2020
Piffissaq atuuffissaa naassaaq: 15-01-2021
Suliffissamut ID normut: LJA-81499055
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Kalaallit Nunaanni inuit isumaginninnikkut navianartumi inissisimasut atugaat pitsanngorsaavigeqataaffigerusuppigit?

Ukiuni kingullerni Kalaallit Nunaanni isumaginnittoqarfiup pitsanngorsaaviginissaa annertuumik ukkatarineqarpoq. Ilaatigut eqqarsaatigineqarput kinguaassiuutitigut atornerluinernik meeqqallu isumaginninnikkut navianartumi inissisimanissaannik pitsaaliuineq, inuit innarluutillit pitsaanerusumik pisinnaatitaaffeqarnissaannik qularnaarineq, utoqqarnut angerlarsimaffeqanngitsunullu pitsaanerusumik atugaqarnissaq aammalu meeqqat inersimasullu navianartumi inissisimasut suliatigut ilinniarsimasunik sullinneqarnissaannik neqerooruteqarfiginissaat.

Sulineq ingerlaqqippoq. Isumaginnittoqarfimmi suliassat pingaarutillit suliassaraavut, taakkununngalu inunnik amerlanerusunik atorfissaqartitsivugut. Tamanna soqutigigukku immaqa Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfimmi AC-fuldmægtigetut imaluunniit specialkonsulentitut atorfik ilinnut tulluartuuvoq.    

Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik Kalaallit Nunaanni inunnik isumaginninnermik ingerlataqarpoq, taakkununnga ilaallutik isumaginninnermi periusissialiorneq, isumaginninnermut inatsisiliorneq aamma nassuiaaneq/sukuiaaneq aamma isumaginninnermut inatsisinik nakkutilliineq. Suliaqarfimmi politikkikkut anguniakkat pingaarnerit tassaapput meeqqanut inuusuttunullu, inersimasunut, utoqqarnut inunnullu innarluutilinnut navianartumi inissisimasunut pissutsit pitsanngorsaavigineqarnissaat.

Atorfik pillugu
Suliassat ilagaat:

  • Isumaginninnermi politikkikkut suliniutit, periusissiat, suliniutitut ingerlatat, misissueqqissaarnerit suliniutillu nutaat kingunerisa naatsorsorneri ineriartortissallugit aqussallugillu
  • Naalakkersuisunut oqallisissiatut saqqummiussanik, najoqqutassanik, §37 naapertorlugu apeqqutinik akisineq il.il. suliarissallugit
  • Naalakkersuisoqarfiup susassaqarfiisa iluani suliniuteqarluni eqimattanut atatillugu suliassaannut peqataaneq ataqatigiissaarinerlu
  • Oqalugiaatit tusagassiuutinullu nalunaarutit suliarissallugit kiisalu illup iluani avataanullu attaveqaqatigiinnerit allat isumagissallugit
  • Naalakkersuisoqarfimmi immikkoortut akimorlugit suleriaatsit sulinermilu malitassat suliaralugillu ataqatigiissaassallugit
  • Inatsisiliornerup piareersarneranut peqataassalluni, immaqa aningaasaqarnermut inatsimmut tunngasunik, aningaasartuutissanik missingersuutip nakkutiginera il.il.
Suliassat tamatigoortuupput aamma oqaatsit suliamullu tunngasut akimorlugit suleqatigiinnermut peqataasinnaanissamik piumasaqarfiullutik, kiisalu nammineq suliassaqarfigisanut suliniutigisanullu namminersorluni akisussaaffimmik tigusisinnaanermik. Atorfiit piumasaqarfiupput sammisat nutaat sukkasuumik iserfigisinnaanerinut eqaatsumillu suleriaaseqarnissamut, aammalu suliffeqarfimmi suliassanik angisuunik mikisunillu paarlakaattuartunik suliaqarnermik ilaanneeriarlunilu ulapaarfiusaqisumi iluarusussinnaanissamik.   
 
Taamaattumik iluaqutaassaaq suleqatigiissinnaaneq pingaartitarigukku. Suliffeqarfimmi politikkikkut aqunneqartumi sulinissat soqutigisariaqarpat, akuttunngitsumik ulapaarfiusorujussuusartumi tunniussinissamullu sivikitsumik piffissarititaqarfiusumi. Iluaqutaassaaq paasissutissanik allattarissatigut aamma oqaluttarissatigut ingerlatitseqqissinnaalluaruit aamma ataqatigiinnik naammasiuminaappasissunik paasinnissinnaaguit.
 
Ilinnut tunngasut
  • Suliamut naleqquttumik kandidatitut ilinniagaqarneq
  • Isumaginninneq pillugu atuagarsornikkut sulinikkullu ilisimasaqarneq kissaatiginarpoq, kisianni piumasaqaataanani
  • Suliniutinik suliallu ingerlannerinik sulinermik misilittagaqarneq, aamma suliniutinik aqutsinermik misilittagaqarneq iluassaaq
  • Namminersorluni, aaqqissuulluakkamik aamma ineriartornermik pingaartitsisumik sulisinnaaneq
  • Allattarissatigut oqaluttarissatigullu attaveqaqatigiilluarsinnaaneq
  • Paasissutissat amerlasuut naammassiuminaappasissullu ataatsimut isigisinnaanissaat
  • Suleqatinik avataaniillu suliamut soqutisaqartunik suleqateqarluarsinnaaneq
  • Kalaallit Nunaanni inuiaqatigiit pissusaannik kulturiannillu ilisimasaqarneq iluaqutaassaaq
  • Marluinnik oqaaseqarneq iluassaaq, kisianni piumasaqaataanani
Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik pillugu
Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfimmi sulisut 30 missaanniipugut immikkoortortaqarfinni Aqutsisut Allattoqarfianni, Periusissiat aamma Ineriartorneq, Inatsinik Atuutsitsineq, Isumaginninnikkut inatsisilerineq kiisalu Nakkutilliinnermik Ingerlatsivik. Taakku saniatigut Naalakkersuisoqarfimmut atavoq Isumaginninnermut Aqutsisoqarfik.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarneq
Qinnuteqarnermut killissarititaasoq ulloq 14. januaari 2021-uvoq.
Ulloq sulilerfissaq 1. februaari 2021-uvoq imaluunniit isumaqatigiinneq naapertorlugu.

Paasissutissat allat
Atorfiit annertunerusumik paasisaqarfigerusukkukkit allaffimmi pisortaq (-agallartoq) Lone Snedker Adamsen e-mailikkut losa@nanoq.gl imaluunniit oqarasuaatikkut +299 56 26 94 imaluunniit immikkoortortami pisortaq Kirsten Olesen på e-mailikkut kiol@nanoq.gl imaluunniit oqarasuaatikkut +299 55 32 52 attaviginissaannut tikilluaqqusaavutit.

Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik pillugu paasisaqarnerorusukkuit pilluta paasissutissanik amerlanerusunik uani pissarsisinnaavutit  www.naalakkersuisut.gl.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.


 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia