sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Isumaginninnermut Inatsisinillu atuutsitsinermut Naalakkersuisoqarfik oqaatsinut tunngasunut siunnersortissarsiorpoq

Namminersorlutik Oqartussat

Nuuk
Ikkunneqarpoq: 26-11-2019
Piffissaq atuuffissaa naassaaq: 14-12-2019
Suliffissamut ID normut: LJA-77838065
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Suliffeqarfimmi pissanganartumi atorfimmut unammillernartumut soqutiginnillutillu piumassuseqarpit? Taava immaqa atorfik ilinnut soqutiginarpoq.
Isumaginninnermut ilaqutariinnermullu kisaalu inatsisinik atuutsitsinermut suliassaqarfinni kalaallisut taaguusersuinerup ineriartortinnera ukkataraarput.
Ulloq sulilerfissaq: Piffissaq siullerpaaq atorlugu.

Atorfimmut tunngasut:

Atorfik naalakkersuisoqarfiup aqutsinermut allattoqarfiani inissisimavoq, tassani sulisut ukuullutik; allaffimmi pisortaq, oqaatsinut tunngasunut siunnersortit marluk, allaffimmi fuldmægtigi ataaseq ikiortilu ataaseq.

Pingaarnertut suliassat ilaatigut makkuupput:
 
  • Nutsikkat pitsaassusaannik qulakkeerinninneq
  • Nutserinerit
  • Pisariaqartitsineq malillugu toqqaannartumik oqaluttaasarneq
  • Suliassaqarfimmi oqaatsinik suliamut atorneqartunik kalaallisut taaguusersuinernik ineriartortitseqataaneq
  • Immikkoortortaqarfimmi suliassanik allanik suliarinninneq

Naatsorsuutigaarput:
 
  • Naleqquttumik ilinniagaqarsimassasutit, soorlu nutserisutut, cand.mag-itut imaluunniit kalaallit oqaasiinut BA, imaluunniit nutsigassanik suliaqarnermik ukiorpassuarni misilittagaqartutit, - ajornanngippat isumaginninnermut inatsisinillu atuutsitsinermut suliassaqarfiup iluanit
  • Kalaallit qallunaallu oqaasiinik ilisimasaqarluartutit, ajornanngippallu tuluttorsinnaasutit
  • Officepakke aamma qarasaasiaq atorlugu atortorissaarutit allat atorluarsinnaagitit.
  • Eqaatsumik suleriaaseqartutit aammalu suleqatiginnillaqqissuusutit
  • Nammineerlutit sulisinnaassuseqartutit

Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq.

Paasissutissat amerlanerusut:

Atorfik pillugu annertunerusumik paasisaqarusukkuit, allaffimmi pisortaq Julie Præst Wilchemut telefon nr. 346644-imut imaluunniit e-mail jprw@nanoq.gl aqqutigalugu attaveqarfigisinnaavat.

Qinnuteqarnissamut killissaritinneqartoq:

13. december 2019

Naatsorsuutigineqarpoq atorfininnissamut oqaloqatiginninnerit qinnuteqarnissamut killiliussap kinguninngua pissasut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia