sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Isumaginninnermut Sulisoqarnermullu Naalakkersuisoqarfik immikkoortortaqarfimmi pisortassarsiorpoq

Namminersorlutik Oqartussat

Nuuk
Ikkunneqarpoq: 17-05-2022
Piffissaq atuuffissaa naassaaq: 09-06-2022
Suliffissamut ID normut: LJA-83621368
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Isumaginninnermut Sulisoqarnermullu Naalakkersuisoqarfimmi, ilanngullugit nunami namminermi immikkoortoqrtaqarfik aamma kommunini aamma ulloq unnuarlu paaqqinnittarfinni isumaginninnikkut nakkutilliineq, immikkoortortaqarfimmi pisortatut atorfik inuttassarsiuunneqarpoq juulip aallaqqaataaniit 2022 imaluunniit isumaqatigiissuteqarnikkut.

Aaqqissuussinermi inissisimaneq suliassallu:
Atorfik Isumaginninnermut immikkoortortaqarfimmi inissisimavoq, naalakkersuisoqarfimmi isumaginninnermi politikkikkut atuuffiit tamaasa isumagisarai, ilanngullugit periusissiat assigiinngitsut suliarineqarneri piviusunngortinnerilu, assersuutigalugu utoqqaat aamma angerlarsimaffeqanngitsut pillugit suliassaqarfimmi, isumaginninnikkut (inersimasunik) suliassanut tunngatillugu inatsisiliornermi piareersaaneq, nunani avannarlerni soraanerussutisiat pillugit aaqqiissutinik aqutsinermut tunngatillugu ingerlatsinermut suliassat.
Ilanngullugu atorfimmut ilaapput inersimasunut tunngatillugu isumaginninnikkut inatsisit atuuttut pillugit kommuninut siunnersuineq ilitsersuinerlu.
Nalinginnaasumik sulinermi maannakkut suleqatit arfineq-marluk akisussaaffigissavatit. Periusissiamik suliaqarnerup isumaginninnermilu politikkikkut suliassat allat siuariartornerat, immikkoortortaqarfimmi pisortap qulakkiissavaa. Ilanngullugu Utoqqaat Illersuisuat, politikkikkut attuumassuteqanngitsumik suliffeqarfiusoq, suleqatigilissavat. Suliassanut atatillugu allaffissornikkut aningaasaqarnikkullu arlalinnik suliassaqassaaq.

Piginnaasat:
Naatsorsuutigaarput suleqat eqqortoq atuagarsornermik attuumassutilimmik ilinniasimasuussasoq isumaginninnermullu siammasissumik ilisimasaqartuulluni, pissusissamisoortumik oqaasissaqarluartuusoq allanik attaveqarluarsinnaasoq oqaloqateqarsinnaasorlu, eqimattani namminerlu sulilluarsinnaasoq, piffissap ilaani suliamut ilungersunarsinnaasumut isumaginnissinnaasoq, suliassaqarfik pillugu misilittagaqarnissaq kissaatiginarpoq, kiisalu allattariarsornikkut oqaluttariarsornikkullu pitsaasunik piginnaaneqartoq. Aamma pingaartinneqassapput piginnaasanik misilittakkat makkua:

  • aqutsineq, ilanngullugu pilersaarummik aqutsineq
  • inatsisit ingerlanneqarneri
  • pilersaarutinik aqutsisutut periusissianik ineriartortitsineq saqqummiussinerillu
  • politikkikkut aaqqissuussami aamma/imaluunniit politikkikkut sullissinermi ukiuni arlalinni misilittagaqarneq
Iluaqutaassaaq piumasaqaataanngilarli, kalaallisut, danskisut tuluttullu oqalullutillu allassinngaaguit, kalaallillu kulturiannut inuiaqatigiinnillu ilisimasaqarnissaq aamma iluaqutaassaaq.

Atorfik pillugu saaffiginninneq:
Atorfik pillugu paasisaqarnerurusukkuit saaffigiuk naalakkersuisoqarfimmi pisortaq Isak Nielsen Kleist, tlf. 34 56 34, e-mail isnk@nanoq.gl.

Qinnuteqaat, CV, ilinniarsimanermut pikkorissarsimanermullu uppernarsaatit kiisalu uppernarsaatit attuumassuteqartut allat nassiutikkit ”Nassiuguk” toorlugu.

Naatsorsuutigineqarpoq atorfinitsitsinermi oqaloqateqarnissat qinnuteqarnissamut killigititap qaangiunnerata kinguninngua ingerlanneqarumaartut.

Akissarsiat atorfeqartitaanermilu atugassarititaasut:
Atorfik akissaateqarfimmi (LR 38-mi ) maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia