sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Isumaginninnermut, Sulisoqarnermut Nunamullu Namminermut Naalakkersuisoqarfimmi Departementschef

Namminersorlutik Oqartussat

Nuuk
Ikkunneqarpoq: 12-08-2022
Piffissaq atuuffissaa naassaaq: 23-09-2022
Suliffissamut ID normut: LJA-83925836
Atorfeqarnermi atugassarititaasut: Tamakkiisoq
Suliassaqarfik: Aqutsineq

Kalaallit Nunaanni Namminersorlutik Oqartussat Isumaginninnermut, Sulisoqarnermut Nunamullu Namminermut Naalakkersuisoqarfimmi misilittagalimmik pisortassarsiorpoq.

Aqqissuussaaneq
Naalakkersuisoqarfimmi sulisut 45 missaanniippugut immikkoortortani arfinilinni pissanganarluinnartunik inuiaqatigiinnilu unammilligassanik pingaaruteqarluinnartunik suliassaqarluta. Inuiaqatigiit kattuffiillu oqaloqatigiinneq tunngavigalugu suleqatigisussaavagut, pimoorussinitsigullu suliffeqarfimmi naammagisimaarinninneq nuannarinninnerlu qaffasissoq pilersissavarput.

Naalakkersuisoqarfiup isumaginninnermut-, sulisoqarnermut-, nunamullu namminermut periusissiat immikkoortortanilu politikkit suliarisarpai. Naalakkersuisoqarfik inatsisinut siunnersuusiortarpoq taakkulu allaffissornertaat, nalunaarutit peqqussutillu immikkoortortanut tunngasut isumagisarlugit.
Naalakkersuisoqarfiuttaaq ataaniipput immikkoortortaqarfiit uku namminneq ingerlasut, naalakkersuisoqarfimmullu naammagittaalliutigineqarsinnaanngitsut: 1) Utoqqaat illersuisuat, 2) Nakkutilliinermik Ingerlatsivik, aamma isumaginninnikkut sullissineq pillugu, kiisalu 3) Kommuninik Nakkutilliisoqarfik.

Naalakkersuisoqarfiuttaaq qanimut suleqatigai Kommunini Majoriaq-arfiit qitiusumillu ilinniarfiit angusaqarnissamik tunngavilimmik isumaqatigiissuteqarfigineqarsimallutik aqunneqartut.

Departementschef-itut qitiusumik inissisimasussaavutit Naalakkersuisut Inatsisartullu naalakkersuinikkut siunnerfiisa oqartussaaffinni piviusunngortinnissaannik qulakkeerinnittussaallutit.

Akisussaaffiit
Naalakkersuisoqarfiup pisortaata pingaarnertut suliassarai aqutsisoqatigiit allat peqatigalugit Naalakkersuisoqarfik ulluinnarni aqutarissallugu, Isumaginninnermut, Sulisoqarnermut Nunamullu Namminermut  Naalakkersuisoq naalakkersuisoqarfiup suliassaqarfii pillugit siunnersortassallugu.

Departementschefip aamma akisussaaffigai
Naalakkersuinikkut aqutsisut aalajangiinissaannut tunngavissiornissaq siunnersuinissarlu aamma anguniakkat naammassisassallu anguneqarnissaat qitiutillugu naalakkersuinikkut aalajangiinerit atortuulersinneqarnissaat
Naalakkersuisoqarfinnut allanut, aqutsisoqarfinnut, immikkoortortaqarfinnut, suliffeqarfinnut, paaqqinnittarfinnut suliaqartunullu allanut tunngatillugit naalakkersuisoqarfiup suliassaanik ataqatigiissaarineq, kiisalu taagorneqartut taakku pitsaasumik suleqatigiinnissaannut aqqutissiuussinissaq
Nalinginnaasumik allaffissornikkut malittarisassanik, ingerlatseriaatsinik pitsaassutsimullu piumasaqaatinik piviusunngortitsinissaq
Naalakkersuisoqarfimmik aqutsineq, matumani ilanngullugit: 

  • Aaqqissuussaassutsimik inerisaaneq aamma attaveqartarnernik atassuteqartarnernillu pitsaasunik erseqqissunillu pilersitsineq
  • Sulisoqarneq ineriartortitsinerlu
  • Suliassanik pilersaarusiortarneq isumalluutinillu atuineq
  • Sulianut atatillugu ineriartorneq
  • Naalakkersuisoqarfimmi suleqatigisartakkanillu avataaneersunik suleqatigiilluartarnerup pitsanngorsaaffiginissaa

Piginnaasat
Atorfimmik inuttaliiniarnermi makku pingaartinneqarumaarput:
  • Naleqquttumik qaffasissumik ilinniagaqarsimasoq, kiisalu naalakkersuisoqarfiup akisussaaffianut tunngasut ilaasa tamarmiusulluunniit iluini suliamut tunngasutigut attuumassutilinnut ilisimasaqarluarneq
  • Inuiaqatigiinnik kalaallinik, kalaallit kulturiannik oqaasiinillu paasisimasaqarluartuarneq ilisimasaqarluarluarnerlu
  • Naalakkersuisut, Inatsisartut kommunillu akornanni sunniiveqatigiittoqartarneranik ilisimasaqarluarneq
  • Pingaarnersiuinissamut siunnerfeqartumillu suliaqarnissamut, sunniuteqarnissamut angusaqartarnissamullu tunngatillugit piginnaasaqarluartoq
  • Naalakkersuisoqarfiup qitiusutut suliassaasa sunniuteqarluartumik naammassineqarnissaannut tunngatillugu illup iluani avataanilu suliaqartartunik peqataatitsisinnaassuseqartoq
  • Aqutsisinnaanermut ataqatigissaarisinnaanermullu piginnaasaqartoq, aammalu pilersaarutinik annertunerusunik sunniuteqarluartumik ingerlatsinissamik qulakkeerisinnaasoq
  • Attaveqarnermut suleqatiginninnissamullu piginnaasaqarluarnissaq.
  • Inuttut angusaqarumassuseqartuullutillu ajornartorsiutinik aaqqiiniarumassuseqartuussaatit, najugarisamut naleqquttunik aaqqiissutissallu patajaatsuunissaannik pingaartitsisuullutit.
  • Suleqatiginninnissamik pingaartitsisuussaatit, tusarnaarsinnaallutit, nukittullutit ingerlataqarfimmilu naalakkersuinikkut aqunneqartumi sulisinnaassallutit
  • Peqqissaartuussaatit inatsisiliornermilu suleriaatsinik paasisimasaqassallutit
  • Piginnaasaqassaatit misilittagaqareerlutillu ulloq siullermiit suliassannik isumaginnissinnaassallutit


Attaveqartarfissat
Naalakkersuisoqarfiup pisortaa naalakkersuisoqarfiup suliassaqarfiini taamatullu sulianut tunngatillugu ingerlatsinermi naalakkersuisoqarfimmillu ingerlatsinermi Naalakkersuisut naalakkersuinikkut anguniagaasa piviusunngortinneqartarnerat pillugu apeqqutini Isumaginninnermut, Suliffeqarnermut Nunamullu Namminermut Naalakkersuisumut attaveqartarpoq.  Naalakkersuisoqarfinnut allanut tunngatillugu naalakkersuisoqarfiup suliassanik ataqatigiissaarisarneranut tunngatillugu apeqqutini, aamma nalinginnaasumik allaffissornikkut ingerlatsinermi anguniakkanik, malittarisassanik, periutsinik pitsaassutsinullu piumasaqaatinik il.il. malitseqartitsinissamut tunngatillugu apeqqutini naalakkersuisoqarfimmi pisortaq Naalakkersuisut Siulittaasuata Naalakkersuisoqarfiani pisortamut attaveqartarpoq.
 

Atorfinitsitaanermi atugassarititaasut
Atorfik ukiuni sisamani piffissalikkamik inuttarsarsiuunneqarpoq, piaarnerpaamik imaluunniit isumaqatigiissutit naapertorlugit atorfinittussamik. Atorfik akissaateqarfimmi LR 39-mi maanna inissisimavoq. Akissarsiat aalajangersimasumik agguartorneqarsimapput ukiunut aalajangersimasunut isumaqatigiissuteqarnermut tapit ilanngullugit LR 39 1. april 2022-miit qaammammut Kr. 94.379 qaammammut ukiumullu kr 1.132.554  taavalu soraarnerussutisiassat.

Aallaaviatigut isumaqatigiissutini atugassarititaasut malillugit atorfinitsitsisoqassaaq: Qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput.

Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaarnerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut innersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.  

Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat annertunerusut qinnuteqarfissarlu pillugit:
Aaqqissuussaaneq naalakkersuisoqarfiullu suliassai il.il. takuneqarsinnaapput www.naalakkersuisut.gl-imi.
Atorfik qinnutigineqassaaq ataani link atorlugu, cv, soraarummeernermi allagartat paasissutissallu allat ilanngullugit nassiunnerisigut. Qinnuteqartut piukkunnartut oqaloqatigiinninnissamut qaaqqusassavavut.

Atorfik pillugu paasisaqarnerorusukkuit Naalakkersuisut Siulittaasuata Naalakkersuisoqarfiani pisortaq Simiqaq Broberg sbro@nanoq.gl-mut saaffigisinnaavaat.
Atorfimmik inuttassarsiuineq pillugu apeqqutissaqaruit attavigisinnaavat Managing Partner Jan Mørch Pedersen jan@jobs.gl-imut imaluunniit oqarasuaatikkut +299 538 708/+45 5431 0600-imut.
Ulloq qinnuteqarfissaq kingulleq 23. september 2022, nal. 12:00.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia