sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

IT-mut isumaqatigiissuteqarnermut inatsit, paasissutissanik illersuineq aamma suliassaqarfiit akimorlugit

Namminersorlutik Oqartussat

Nuuk
Ikkunneqarpoq: 19-05-2020
Piffissaq atuuffissaa naassaaq: 11-06-2020
Suliffissamut ID normut: LJA-80298519
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq

Pilerinarpaluppata – paasissutissat allat atuakkit uani. Digitalimik Sullissinermut Aqutsisoqarfimmi suleqatigiit inatsisilerituut inatsisilerituumik pissarsiorput.

Digitalimik Sullissinermut Aqutsisoqarfimmi suleqatigiit inatsisilerituut tassaapput illit inatsisileritoorlu alla makkuninna suliaqartut ….
Aaqqissuussaanermi ingerlatsinermut pisortatta akisussaaffeqarfianiippusi, taamaattoq Digitalimik Sullissinermut Aqutsisoqarfimmiittut tamarmik siunnersorlugillu tapersersortussaavasi, kiisalu suliniut pilersaarutaasoq nutaaq tunngavigissallugu– digitalinngorsaaneq eqqarsaatigalugu pisortani ataatsimoorussaq.

Digitalimik Sullissinermut Aqutsisoqarfik suliassat akimorlugit aqutsisoqarfiuvoq soqutigisaqaqatigiinnik arlalinnik suleqateqartoq, assersuutigalugu oqartussaaffeqarfiit allat, matumani kommunit ilanngullugit, aamma pisiortorfiit assigiinngitsut – najukkami nunanilu tamalaani. Suliassatit tamakkununngattaaq attuumassuteqartussaapput. Nunanut tamalaanut tunngatillugu, matumani EU aamma Kalaallit Nunaata nunatut isumannaatsuunngitsutut inissisimanera eqqarsaatigalugu paasissutissat qanoq suliarineqartarnissaanik immikkut piumasaqaatitaqartitsivoq.

Nutaatut ineriartortitassat ingerlatsinerlu aqutsisoqarfimmi suliarineqartarput – taamaalillutik isumaqatigiissutit arlalissuit aamma suliarisarpaat. Pisortat akimorlugit ukkatarisat initupput kingunerisaanillu suleqatigiissinnaanermut piginnaasaqarnissat soqutigisaqaqatigiinnullu assigiinngitsunut aattaveqartarnissatit piumasarineqarlutik. Attaveqarnermut isumaqatigiissuteqarnermullu tunngasut imaapput, inatsisileritooq siammasissumik piginnaasaqartoq, immikkoortut aaqqissuussaanerillu akimorlugit sulisinnaasoq aamma illit immikkoortunni suliniutinnut tunngasunik ataqatigiisitsilluarsinnaasoq pisariaqartipparput.  

Naatsorsuutigaarput illit:

 

  • IT-mut isumaqatigiissummi immikkoortuni tamani iliuuseqarsinnaassasutit, tassa isumaqatigiissutip atuleqqaarneraniit atorunnaarsinneqarnissaata tungaanut
  • Suliniutip immikkoortuini inatsisinut tunngasut pillugit siunnersuisinnaanissat
  • Tamanut neqeroortitsissutinik paasisimasaqarnissat, matumani neqeroortitisnermut atortussanik neqeroortitsinermullu naliliinernik suliaqarsinnaanissat ilanngullugu
  • Isumaqatigiissutinik isumaqatigiinniarsinnaanissat aamma isumaqatigiissutit suliarisinnaagitit
  • Suleqatigit, pisortat oqartussaaffeqarfiillu allat siunnersorsinnaagitit
  • Saaffiginnissutit assigiinngitsut inatsisilerituutut paasinartuliarisinnaagitit


Suliatigut piginnaasatit:

 
  • Cand.jur. imaluunniit cand.merc.jur. ilinniagarisimassavat
  • Isumaqatigiissutit nunanilu tamalaani isumaqatigiissutit immikkut ittumik ilisimasaqarfigissavatit
  • Neqeroortitsinermut inatsisinut tunngasunik misilittagaqassaatit
  • Inunnut paasissutissanik illersuinermut inatsit paasisimasaqarfigissavat
  • Paasissutissanik nunamut pingajutut inissisimasumut ingerlatitseqqiisarneq misilittagaqarfigissavat
  • Aningaasatigut isumaqatigiissutinik aqutsine qmalinnaaffigisinnaassavat

Tamaasa misilittagaqarfigisimanngikkukkit pikkorissarnissanik, akuersissutinik peqalernissanik assigisaannillu ingerlatsinissamut neqerooruteqarsinnaavugut, pissutigalugu sulisut ineriartortinneqarnissaat aqutsisoqarfiup pingaartitarigamiuk.


Inuttut piginnaasatit:  
 
  • Nuannaartut ammasoq suleqatigiinnermillu piginnaaneqarluartoq
  • Ulluni ulapaarfiusuni sulinermik nuannarisaqartoq
  • Namminersorlutit suleqatigiinnilu sulisinnaasoq
  • Suliat killeqarfii/soqutigisat killeqarfii akimorlugit pitsaasumik suleqatiginnillaqqissoq
  • Aaqqissuussaalluartoq ajornartorsiutillu eqqarsaatigalugit aaqqissuulluakkamik suliaqarsinnaasoq
  • Suliassat aallartisarluarnissaannut akisussaaffimmik tigummisinnaasoq
  • Aaqqissuussami sulisut assigiinngitsut oqaloqatigisinnaanissaannut sapiissuseqartoq suliassaqarfiillu akimorlugit attaveqalersinnaasoq
  • Inuiaqatigiinnik kulturimillu ilisimannittoq
     


Digitalimik Sullissinermut Aqutsisoqarfik pillugu paasissutissat
Digitalimik Sullissinermut Aqutsisoqarfik 2013-imi pilersinneqarpoq tassaniippullu immikkoortortaqarfiit pingasut – Ingerlatsineq, Suliniutit aamma Digitalimik Attaveqarneq, taakkulu immikkoortut akimorlugit suleqatigiinneq piuvoq. 27-nik sulisoqarpoq taakkulu Naalakkersuisut Digitalinngorsaanermut periusissiaat naapertorlugu Kalaallit Nunaata digitalinngorsanerunissaanik ullut tamaasa suliaqartuupput. Periusissiaq ukiuni sisamani tulliuttuni digitalimik suliaqarneq ingerlanneqassaaq. Periusissiaq Digitalimik Sullissinermut Aqutsisoqarfimmit aqunneqarpoq, tamannanlu isumaqarpoq, suliniutit pisortani ataatsimoorussamik innuttaasunullu tamanut atortussanik aqutsisoqarfimmit suliarineqarput.
Kalaallit Nunaanni pisortani digitalimik atuinerunissaq anguniagaavoq, ilaatigut taamaanneratigut naammassiuminarsaaneq sulisunillu allanik suliaqartitsisinnaaneq periarfissaalerluni kiisalu innuttaasunik suliffeqarfinnillu kiffartuussineq nutaalianngorsagaalluni.

Digitalimik Sullissinermut Aqutsisoqarfimmi upperaarput sulisut pingaarutilinnik suliaqarnertik ilisimallugu suligunik suliamik nuannarisaqarneq takkuttartoq, taamaalilluni aqutsisoqarfiup anguniagai anguniarneqassallutik. Paasiuminartuuneq, malittarisassat sungiusimasat ilisimasanillu avitseqatigiinneq aqutsisoqarfimmit immikkoortutut pingaarutilittut isigineqarput. Suliatigut siunersiueqatigiittarneq aamma ulluinnarni nuannisarsinnaaneq pingaartitarivagut. 






Kalaallit Nunaanni Namminersorlutik Oqartussat pillugit paasissutissat allat atuarsinnaavatit uani http://www.naalakkersuisut.gl/job


 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia