sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

It-supporter i Digitaliseringsstyrelsen

Namminersorlutik Oqartussat

Nuuk
Ikkunneqarpoq: 16-03-2020
Piffissaq atuuffissaa naassaaq: 06-04-2020
Suliffissamut ID normut: LJA-79823917
Atorfeqarnermi atugassarititaasut: Tamakkiisoq
Suliassaqarfik: IT & tusagassiuutit

It-supporter
Kiffartuussineq pitsaassuserlu pingaartitarivigit?
Suliassarpassuit ataatsikkut suliariutigalugit kiffartuussiumatuujuit?
taamaappat IT-supportitut Kalaallit Nunaanni Namminersorlutik Oqartussani sulisunik kiffartuussisut ilaattut suleqatissatta ilagisimassavaatsit. Aamma Apple-t atortui pillugit siunnersuisarnermik tunuliaqutaqaruit tassaassaasit illit suleqatitaariumasarput.
Suliassatit ilaatigut makkuussapput:

  • It-supportimi line siulleq isumagalugu, allaffinni atuisullu allaffiini
  • Atuisut sinnerlugit aqutsineq pisinnaatitaaffinnillu aqutsineq
  • Softwarenik nutarterineq kiisalu tamakku atuisunut atulersinneqarneri
  • Teknikkikkut suliaqarnermi ajutoornernik suliaqaqataaneq
  • VIP-mik pigaartuunermi peqataaneq

It-supporteritut ilinniagaqarsimaguit tamannalu pillugu sulinermik misilittagaqarlutit, aamma ITIL-imi akuersissummik peqaruit, atorfimmut naleqqulluinnartuusimassaatit.
 
Atorfik unamminartulik pissanganartorlu neqeroorutigaarput ilaatigut suliffeqarfiuvoq assiginngisitaartunik nutaraasumillu inissisimasumi ilikkagaqangaatsiarnissamut periarfissalik, sulineq sukkasuumik ingerlanneqartarpoq aalajangiinerillu pereeraangata sukkaanngitsumik piviusunngortinneqartarput.
Kikkuuvugut
Digitalimik Sullissinermut Aqutsisoqarfiup anguniarpaa inuiaqatigiit it-mik digitalinngorsaanermillu atuinerulernissaat siuarsassallugu, matumani pisortani allaffeqarfiup naammassiuminarsarnissaa ilanngullugu. Ukioq 2020-mi it-mik atortut aaqqissuussaanerullu ineriartortinnissaata siuarsarneqarnissaat anguniarneqarput, taakkulu naapertorlugit kalaallit inuiaqatigiinni aaqqissuusseqqinnernut angisuunut ikorfartuutaasussaapput.
Digitalimik Sullissinermut Aqutsisoqarfimmi sulisut maannakkut 27-upput.
Neqeroorutigaarput
Atorfik tamatigoortoq, namminersorfiusoq unamminartulik sulisutut inuttullu ineriartornissamut periarfissalik neqeroorutigaarput. Sulisut pikkorissut kajumissuseqarluartullu suleqatigalugit suliffimmi qeratanartuunngitsumi suleqataassaatit.
Pingaartipparput Digitalimik Sullissinermut Aqutsisoqarfimmi sulisut suliamik ilisimaarinninneq misilittakkallu aqqutigalugit imminnut ikorfartoqatigiissinnaanissaat, immikkulli pingaartipparput aqutsisoqarfïup tunaartassaanik anguniagaanillu suliaqartarnerni maligassiuissuunissat aammalu Digitalimik Sullissinermut Aqutsisoqarfiup pingaartitaasa malinneqarnissaat: Angusaqarusussuseq, Suleqatigiinneq, Akisussaaffeqarneq Ilisimasanillu paarlaasseqatigiittarneq..
Paasissutissat allat
Atorfik pillugu paasissutissat allat Immikkoortortaqarfimmi aqutsisumtu Tony Ditlevsdalimut todi@nanoq.gl-imut imaluunniit oqarasuaatikkut +299 555812-imut saaffiginnissuteqarnikkut pissarsiarineqarsinnaapput. Qinnuteqaatit ataavartumik suliarineqartussaapput, kisianni kingusinnerpaamik 6. april 2020-mi tigoreerneqarsimassapput.
Akissarsiat atorfinitsitaanerlu
Akissarsianut atorfinitsitaanermullu tunngasut Akissarsiat atorfinitsitaanermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit.ingerlanneqassapput..
Ineqarneq
Atorfimmut sulisutut inissiamik innersuussisoqarsinnaanngilaq. Qinnuteqartoq Namminersorlutik Oqartussat aqqutigalugit sulisutut inissiamik atuisooriissappat, inissiaq atorfimmut ingerlateqqinneqarsinnaavoq.

Suliffik uaniippoq Digitalimik Sullissinermut Aqutsisoqarfik, Imaneq 4, 3900 Nuuk.
Qinnuteqarnissamut killigititaavoq 6. april 2020.
Digitalimik Sullissinermut Aqutsisoqarfimmi kissaatigaarput sulisunik katiterinissaq, inuiaqatigiit avatangiisigineqartut ersersillugit, aamma uagut qinnuteqartut piginnaasaat pisinnaasaallu tunngaviliullugit nalilersussagatsigit.
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia