sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

It-supporteri Digitalimik sullissinermut aqutsisoqarfik

Namminersorlutik Oqartussat

Nuuk
Ikkunneqarpoq: 15-07-2020
Piffissaq atuuffissaa naassaaq: 07-08-2020
Suliffissamut ID normut: LJA-80666055
Atorfeqarnermi atugassarititaasut: Tamakkiisoq
Suliassaqarfik: IT & tusagassiuutit

It-supporteri Digitalimik sullissinermut aqutsisoqarfik
Kiffartuussineq pitsaassuserlu pingaartippigit? Kiffartuusserusussuseqarpit aamma atuisut arlallit ataatsikkut kiffartuussinnaasarpigit? Taamaappat IT-supportimi Kalaallit Nunaanni Namminersorlutik Oqartussani atorfilinnik kiffartuussisinnaasoq illiussaaq pisariaqartitarput. Aamma qarasaasianik atortut Apple-inik atuisunut siunnersuisinnaaguit tassaasimassaatit pisariaqartilluinnagarput.

Suliassariligassatit ilaatigut tassaalissapput:

  • It-supportimi 1nd line-it atuisup allaffianiinngikkaluarluni aamma allaffianut ornigulluni isumagalugit
  • Atuisut oqarasuaatikkut ikiorlugit siunnersorlugillu
  • Atuisut atugaannik aqutsisinnaaneq piginnittussaatitaanernillu aqutsineq
  • Softwarenik nutarsaaneq kiisalu atuisut eqqarsaatigalugit tamakkuninnga nassiussuineq
  • Qarasaasianik piareersaaneq, ikkussuineq atulernissaannullu ikiterineq
  • Nioqqutinut toqqorsivimmik aqutsineq webshoppikkullu inniminnikkanik isumaginninneq
  • Teknikkikkut ajornakusoornerusunik ajoqutinik iluarsiissutissarsiornermi peqataaneq
  • VIP-mi pigaartoqarnerani aaqqiissummi peqataaneq

It-supportitut ilinniagaqarsimaguit suliffimmilu sulinermik misilittagaqarfigalugu, aamma ITIL-imi akuersissuteqaruit, matumani atorfeqalernissamut piukkunnaateqarsimassaatit.
Atorfimmik unammillernartortaqarluartumik pissanganartumillu suliffeqarfimmi assigiinngisitaartumi nutaajusumilu sulinissamik neqeroorfigisinnaavatsigit, ilaatigullu sulinerit sukkasuumik ingerlanneqartariaqartarlutik aalajangiinerillu sivikitsuinnaq atorlugu piviusunngortinneqartarlutik.

Uagut pilluta
Inuiaqatigiinni it-mik digitalinngorsaanermillu atuinerunikkut digitalimik ineriartornerup siuarsarneqarnissaa Digitalimik Sullissinermut Aqutsisoqarfimmit siunertarineqarpoq, matumani pisortani allaffissornerup eqaallisarneqarnerunissaa ilanngullugu. Kalaallit inuiaqatigiivini aaqqissuusseqqinnernut angisuunut ikorfartuutaasinnaasunik it-mi atortunut aaqqissuussaanerullu ineriartortinneranut tunngasunik siuarsaaniarneq 2019-imi ingerlanneqarpoq. Ullumikkut Digitalimik Sullissinermut Aqutsisoqarfimmi 35-nik sulisoqarpugut.

Neqeroorutivut
Suliffimmik qaqutigoortumik, namminersorfiusumik unammillernartortalimmillu sulianut tunngatillugu inuttullu ineriartornissamut periarfissaqarluartumik neqerooruteqarpugut. Suliffimmi avatangiisit eqqarsaatigalugit qeratanngitsumik suliffiusumi suleqatit pikkorissut kajumissuseqarluartullu suleqatigilissavatit.
Suliat misilittakkallu eqqarsaatigalugit sulisut imminnut siunersiueqatigiissinnaanerat Digitalimik Sullissinermut Aqutsisoqarfimmi pingaartipparput, kisianni aqutsisoqarfiup anguniagai ornitaalu pillugit sulinermi maligassiuisuunissat pingaartumik pingaartipparput taavalu Digitalimik Sullissinermut Aqutsisoqarfiup naleqartitaanik malinnissinnaaneq ilanngullugu, makkuusunik: Eqaassuseq, Suleqatigiinneq, Akisussaassuseq aamma Ilisimasanik avitseqatigiinneq.

Paasissutissat allat
Atorfik pillugu paasissutissat annertunerusut pissarsiarineqarsinnaapput Immikkoortortaqarfimmi aqutsisumut Tony Ditlevsdalimut uunga attaveqarnikkut todi@nanoq.gl imaluunniit oqarasuaat +299 555812. Qinnuteqaatit ataavartumik suliarineqartassapput, kisianni kingusinnerpaamik  7. august 2020-imi tigoreerneqarsimassapput.

Sulinermi sumiiffik tassaavoq Digitalimik Sullissinermut Aqutsisoqarfik, Imaneq 4, 3900 Nuuk.

Qinnuteqarnissamut killiliunneqarpoq 7. august 2020
Digitalimik Sullissinermut Aqutsisoqarfimmi sulisunik inuiaqatigiit avatangiiserisanut tarrarsorsinnaasunik ataqatigiisitsisoqarnissaa anguniarparput, aamma qinnuteqartut piukkunnassusaat piginnaasaallu tunngavigalugit naliliissaagut.
Digitalimik Sullissinermut Aqutsisoqarfik aaqqissuussaanikkut Ilinniartitaanermut, Kultureqarnermut Ilageeqarnermullu Naalakkersuisoqarfimmiippoq. Uagut pilluta paasissutissat allat uani atuarsinnaavatit Digitalimik.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Avannaata Kommunia
Grønlands Selvstyre
Nuuk
Kommune Kujalleq
Qaqortoq