sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kultur & Fritidsleder Narsaq

Kommune Kujalleq

Narsaq
Ikkunneqarpoq: 28-09-2021
Piffissaq atuuffissaa naassaaq: 20-10-2021
Suliffissamut ID normut: LJA-82725979
Atorfeqarnermi atugassarititaasut: Tamakkiisoq
Suliassaqarfik: Allat, Allaffik & allaffissorneq, Aqutsineq, Eqqumiitsuliorneq, kulturi & timersorneq

Narsami Kulturimut- sunngiffimmullu aqutsisussarsiorpoq


01. november 2021 atorfinittussamik imaluunniit isumaqatigiissuteqarnikkut.

Atorfik Narsami Kulturimut, sunngiffimmut pitsaaliuinermullu ingerlatsiviup ataani inissisimavoq.

Narsami Kulturimut sunngiffummullu aqutsisup qullersaraa ingerlatsivimmi pisortaq, Qaqortumi inissisimasoq. Atorfik Narsami Innuttaasut illuanni inissisimavoq.


Pingaarnertut suliassat:

·Narsami meeqqanut, inuusuttunut inersimasunullu sunngiffimmi atuartitsineq piareersarlugulu nakkutiginera

·Nunaqarfinni meeqqanut, inuusuttunut inersimasunullu sunngiffimmi atuartitsineq nakkutigalugu.

·Inuusuttut sukisaarsartarfiat nakkutigalugu

·Atuakkanik atorniartarfeqarneq nakkutigalugu

·Suliassaqarfinni qulaani taaneqartuni aqutsisutut atorfinitsitassanik inassuteqaateqarneq, aammalu taakkununnga qaninnerpaatut qullersaaneq.

·Sunngiffimmi ilinniartitsisunik atorfinitsitsinerit.

·Innuttaasut illuata ingerlanneqarnera aaqqissuussallu akisussaaffigalugit

·Nipilersornermik sungiusartarfik, sanaluttarfik illutaatalu ingerlannera akisussaaffigalugit

·Narsami eqqaanilu sunngiffeqarnermut, kulturimut, innuttaasunullu paasissutissiisarnermut tunngasunik pilersaarusiorneq ingerlatsinerlu.

·Narsami eqqaanilu pitsaaliuinermut siunnersorti peqatigalugu pitsaaliuinermut tunngasunik pilersaarusiornerit

·Ullortunersiornermi inuiattullu ullorsiorfinnik pilersaarusiorneq ingerlatsinerlu.

·Kulturikkut qaammarsaanikkullu aaqqissuussanut akisussaasutut pilersaarusiorneq ingerlatsinerlu

·Peqatigiiffilerineq kajumissutsimillu suliaqarneq siuarsarlugu, timersornerup allatullu peqatigiiffeqarup iluani.

·Peqatigiiffinnik nalunaarsuineq, peqatigiiffiit naatsorsuutaannik suliareriikkanik tunniussisarnernik nakkutiginninneq il.il.

·Peqatigiiffinnut nutaanut pioreersunullu siunnersuineq

·Peqatigiiffilerinermut kajumissutsimillu suliaqarnermut pikkorissartoqartarnissaa qulakkeerlugu il.il.

·Tapiisarnermut maleruagassanut nutartigassanut siunnersuuteqartarneq

·Timersornerup peqatigiiffeqarnerullu inerisarnissaanut akisussaaneq

·Ingerlatsivimmi suleqatinik allanik avitseqateqarneq suleqateqarnerlu

·Tapiissutinik allanillu qinnuteqaatinik suliaqarneq

·Suliassaqarfiup iluani missingersuutinik suliaqarneq nakkutilliinerlu.

·Qulaani pineqartuni kommunip karseqarnermut naatsorsuusiornermullu maleruaqqusai malillugit uppernarsaasutut innersuuteqartutullu piginnaatitaaffinni suliaqarneq

·Suliassanik immikkuullarissunik qullersanit suliakkiissutaasunik sulieqarneq


Atorfimmut piginnaasatigut naatsorsuutigaarput:

·Atorfimmut tulluartumik bacheloritut, allatulluunniit assingusumik piginnaasaqarneq

·Kulturikkut, timersornikkullu aaqqissuussanut assigiinngitsunut ingerlatanut misilittagaqarluartoq

·Peqatigiiffilerinermik misilittagaqarluarneq

·Sulianut pilersaarutinut, qinnuteqaatinullu tunngassutilinnut aningaasaqarnikkut naatsorsuutitigut siunnersuisinnaassuseqarneq

·Qarasaasiamik atuilluarsinnaaneq, pingaarnertut microsoft office pakke

·Nammineersinnaassusilik, sulianik kusanartumik naammassinnilluarsinnaasoq pingaartitsisorlu

·Akunnaatsoq suleqatikkuminartorlu

·Pisariaqartitsineq aallaavigalugu suliassanik nutaanik tigusisinnaassusilik

·Minnerpaamik marluinnik oqaasilik, kalaallisut qallunaatullu


Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.


Aningaasarsiat atorfinitsitaanermilu atugassat IMAK-ip Namminersornerullutillu Oqartussat isumaqatigiissutaat malillugit ingerlanneqassapput.


Atorfik pillugu paasissutissat sukumiinerusut saaffiginnissutigineqarsinnaapput Kultureqarnermut, sunngiffimmut pitsaaliuinermullu ingerlatsiviup pisortaanut Mikael Mansi Rasmussen-imut, oqarasuaat: 64 53 18. E-mail: mira@kujalleq.gl


Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik oktobarip ulluisa 20—iat 2021 nittartagarput aqqutigalugu.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia