sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ledende Skoleinspektør til Nanortallip Atuarfia

Kommune Kujalleq

Nanortalik
Ikkunneqarpoq: 29-11-2021
Piffissaq atuuffissaa naassaaq: 20-12-2021
Suliffissamut ID normut: LJA-83028226
Atorfeqarnermi atugassarititaasut: Tamakkiisoq
Suliassaqarfik: Allat

Atuarfiup pisortaanertut ukiuni aalajangersimasuni atorfeqartussamik atorfik inuttalerneqassaaq januaarip aallaqqaataani 2022-mi isumaqagiissuteqarnikkulluunniit.


Nanortallip Atuarfiani sulisut, atuartut minnerunngitsumillu angajoqqaat aalajangersimasumik siumullu isigisumik pisortartaarusupput, aqutsisut allat atuarfiullu sulisui allat peqatigalugit atuarfimmik kivitsisinnaasumik, perorsaanerup aamma inerititaqarsinnaanerup tungaatigut siuariariartortitsisinnaasumik.


Nanortallip atuarfia pillugu paasissutissat

·Atuartut 173-it missaaniipput.

·Ilinniartitsisutut atorfiit 28-inut amerlassusiligaapput.

·Atuarfik immikkoortortaqarfinnut pingasunut agguarsimavoq.

·Ilinniartitsisut suleqatigiilluartartuupput suleqatinullu nutaanut tikilluaqqusisuullutik.

·Inersuarmik angisuumik peqarpoq ilinniartitsisut atuartullu katersuuffigisinnaasaanik.

·Isiginnaartitsisarfeqarpoq nipilersortarfeqarlunilu.

·Ilinniartitsisunut sulliveqarpoq.

·Init atuartitsiviusut tamarmik smartboards-eqarput.

·Atuartut tamarmik iPads-eqarput atuartitsinermi atorneqartartunik.

·Ilinniartitsisut Lærerintra atorluartarpaat angajoqqaanullu Forældreintra atulersinneqarnikuuvoq.

·Atuarfik atuartut angusaannik qaffassaaniarluni pilersaarusiulerpoq.

·Ilinniartitsisut trinninut pituttugaanngillat. Kisianni klassini sulisarput.

·Pisortap aamma nunaqarfit sisamat savaateqarfiillu marluk akisussaaffigissavaai.

Kissaatigaarput pisortaq:

  • Aqutsinissamik, siunnersuinissamik, ilitsersuinissamik aamma nakkutilliinissamik piginnaasaqassasoq
  • Aningaasaqarnermut paasisimasaqassasoq missingersuutinillu annertuumik suliaqarsinnaassasoq
  • Angusaqarusuttuussasoq aamma aaqqissuussinerup iluani eqimattat assigiingitsut ataqqillugit qaffasinnerusumiittunik appasinnerusumiittunillu suleqateqarsinnaassasoq.


Pingaartipparput:


  • Ilinniartitsisunik, suleqatinik aamma qullersarisannik suleqatiginnilluarsinnaanissat
  • Pisortatut inissisimaninnut tassanilu akisussaaffimmut paasinnissinnaanissat.
  • Attaveqartarninni allattariarsornikkut oqaluttariarsornikkullu ersarissuusarnissat.
  • Ulluinnarni sulininni ulapaarsinnaanissannut sapertuunnginnissat
  • Sulisitsisunnut tunniusimanissat
  • Kalaallisut qallunaatullu oqaatsinik atuilluarsinnaanissat, aqutsinissalli pingaaruteqarnerpaassaaq.


Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.


Piumasaqaatit uku naammassisinnaasorigukkit qinnuteqaasiussaatit.

 

Atuarfiup pisortaata qullersaa qaninneq tassaavoq Kommune Kujallermi Atuarfeqarnermut Meeqqeriveqarnermut Nutaaliornermullu Ingerlatsiviup pisortaa Nanortalimmi kommunip allaffeqarfiani inissisimasoq.


Atorfinitsitaanermi atugassarititaasut:

Atorfininnermi tunngaviusumik isumaqatigiissut 28.10. 1998-meersoq Naalakkersuisut aamma Ilinniartitsisut Meeqqat Atuarfianneersut Kattuffiat - IMAK akornanni atuuppoq maj 25-ani, 2021-imi Naalakkersuisut aamma IMAK akornanni isumaqatigiissuut, Kalaallit Nunaanni meeqqat atuarfianni ilinniartitsisuinut il.il. atuuppoq. aamma februaarip 16-ianni 2007-imeersoq immikkut ukiunut aalajangersimasunut atorfinitsitsinermi isumaqatigiissut atuuppoq.


Atorfimmut tunngatillugu inissaqartitsisoqassaaq, taanna maleruagassat atuuttut naapertorlugit akilerneqartassaaq. Inissamullu utaqqineq pisinnaavoq. Utaqqinermi kommune utaqqiisaasumik ineqartitsisinnaavoq, maleruagassallu atuuttut naapertorlugit akiliisoqartassaaq.


Atorfik pillugu paasisaqarnerorusukkuit Atuarfeqarnermut Meeqqeriveqarnermut Nutaliornermullu pisortamut Jesper Ryttorv toqqaanaq oqarasuaataanut: + 299 64 54 61 e-mailia-nut jert@kujalleq.gl attavigalugu pissarsiarineqarsinnaapput.


Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik December 20-ani 2021 nittartagarput aqqutigalugu.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat