Kommune Qeqertalik søger en bychef til Qasigiannguit

Kommune Qeqertalik Qasigiannguani illoqarfimmi pisortassarsiorpoq

Qasigiannguani kommunimi ingerlatsineq illit illoqarfimmi pisortatut akisussaaffigissavat. Aammattaaq Qasigiannguani allaffissornikkut aqutsinermut missingersuutinut akisussaasuussaatit.

Atorfik INUAni inissisimavoq aamma illit qaninnertut pisortat tassaavoq pisortaaneq.

Qaninnerpaamik suleqatigisassatit tassaapput Aasianni, Qeqertarsuami aamma Kangaatsiami illoqarfimmi pisortat, suliassaqarfinni ataqatigiissaarisut kiisalu suliassaqarfimmi susassaqartut avataaneersut soqutigisaqaqatigiit allat.

Atorfinittussamik ulloq 01. marts 2022 imaluunniit isumaqatigiinnikkut sulilertussamik.

Missingersuutit avataasigut aamma makku pingaarnertut akisussaaffigaatit:

• Ulluunerani neqeroorutit Atuartitsineq. Ilinniartitaaneq. Meeqqanut neqeroorutit. Ilaqutariit immikkut ittumik pisariaqartitsisut (inersimasut aamma meeqqat) Innarluutilinnut neqeroorutit Utoqqarnut neqeroorutit
• Tarnilu - Timersorneq Kulturi. Sunngiffik Peqqissuseq aamma Pinaveersaartitsineq
• Oqartussat atuuffii/ Innuttaasunik sullissineq Inuussutissarsiuteqarneq Illoqarfiup ineriartornera, inissiat avatangiisillu Angallanneq attaveqaatillu Pilersorneqarneq. Suliffeqarniarneq.

Illit makku suliarissavatit aamma ulluinnaat ima imaqassapput:

-255-inik sulisoqarputit

-Illoqarfimmut 1086-inik innuttalimmut (kisitsisit 2018-imeersut)

-Sumiiffimmi ineriartorneq aamma allannguutit pillugit pisortaanerup ilisimatinneqartarnissaanut akisussaaneq

-Sullissinernut inatsisinut aamma ileqqunut atuuttunut atatillugu nalinginnaasumik nakkutilliineq

-Suliniutit aamma missingersuutit akornanni ataqatigiissutsip paasineqarnissaanut qulakkeerinneqataaneq

-Sullissinerup/malitseqartitsinerup, qarasaasiaqarnerup aamma aningaasaqarnerup inatsisitigut pituttugaasup aaqatigiinnerannut ilisimasaqarneq

-Kommunip isumalluutaasa sunniuteqarnerpaamik atuutsinneqarnissaanut suliniuteqarneq

-Suliat innuttaasumut tunngassuteqartut paasissutissartaasa attuumassutillit tamarmik assilineqarnissaat, aamma eqqortumik toqqorterinissamut kommunip qarasaasiaqarnikkut periusissiaa qulakkiissallugu.

-Suleriaatsinik nalimmassaaneq aamma nutarsaaneq

-Aalajangernerit, pilersaarutit aamma suliniutit pillugit suliassaqarfimmi qaffasissusissaanik pilersitsinermik qulakkeerinninneq, Inatsisit imaluunniit ingerlatsinermi ineriartortitsinermi pilersaarutit suliassaqarfimmi siunnersuisoqatigiinnut attuumassutilinnut, aqutsisunut kiisalu immikkoortortaqarfinnut allanut (qarasaasiaqarneq aamma aningaasaqarnikkut siunnersortit) qitiusoqarfinnut imaluunniit avataaneersunut suleqatinut ataqatigiissarnissaa qulakkiissallugu

-Naalakkersuinermik suliallit anguniagaasa qulakkeerneqarnerini akisussaaqataaneq

Ilinniakkat imaattuussasoq naatsorsuutigaarput:

-Attuumassutilimmik ilinniagaqartutit/ ingerlaqqiffiusumik ilinniagaqartutit imaluunniit pisortani aqutsineq pillugu pikkorissarsimasutit imaluunniit misilittagaqartutit

-Pisortat ingerlatsineranni tunngaviusumik malittarisassanik aamma kommunit aqunneqarneranut inatsimmut attuumassuteqartunik ilisimasaqartutit

Inuk imaattuusutit aamma naatsorsuutigaarput:

-Suleqatigiinnissamut aamma atassuteqaqatigiinnissamut pitsaasumik piginnaasaqartutit.

-Takunnissinnaalernissamut piginnaasaqartutit kiisalu ulluinnarnik ulapaarfiusunik passussisinnaaneq.

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Inissaq

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfik pillugu paasissutissat sukumiinerusut Illoqarfiit sullissiviini pisortaq Hans Inûsugtok' mut e-mailikkut hain@qeqertalik.gl attavigiuk.

KOMMUNE QEQERTALIK PILLUGU

Kommune Qeqertalik 6.500-t missaanni innuttaqarpoq, taakkua kommunip iluani illoqarfinnut nunaqarfinnullu siammarlutik najugaqarput. Kommune sisamanik (4) illoqarfeqarpoq arfineq-pingasunillu (8) nunaqarfeqarluni. Illoqarfiit: Aasiaat, Qasigiannguit, Qeqertarsuaq, Kangaatsiaq. Nunaqarfiit: Niaqornaarsuk, Attu, Ikerasaarsuk, Akunnaaq, Iginniarfik, Ikamiut, Kitsissuarsuit, Kangerluk.

Qasigiannguit pillugu:

2009-mi aggustiugaa Kalaallit Nunaanni efterskolit ataavartut siullersaat Villads Villadsenip efterskolia Qasigiannguani ammarneqarpoq. Kalaallit Nunaanni illut pisoqaanersaat 1743-meersoq, maanna katersugaasiviusoq illoqarfimmiippoq. "Suliniut Nunaqarfik Uumassusilik"-mi najukkami inuutaasunut katersugaasivik akuutitsivoq.

MALINNAAVIGITIGUT

Kommunip nittartagaatigut: www.qeqertalik.gl

Facebookimi quppernerput aqqutigalugu: https://www.facebook.com/Kommune-Qeqertalik-243043503252446

LinkedIn-imi quppernerput aqqutigalugu https://www.linkedin.com/company/kommune-qeqertalik/ 

Qasigiannguit https://www.linkedin.com/showcase/qasigiannguit/

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut –

pikkorissarsimanermut uppernarsaatit, kiisalu oqaaseqaatit assigisaallu,

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.