sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kangaatsiaq - Social afdeling søger en afdelingsleder

Kommune Qeqertalik

Kangaatsiaq
Ikkunneqarpoq: 15-09-2023
Piffissaq atuuffissaa naassaaq: 06-10-2023
Suliffissamut ID normut: LJA-85076844
Atorfeqarnermi atugassarititaasut: Tamakkiisoq
Suliassaqarfik: Aqutsineq, Allaffik & allaffissorneq

Atorfik allaffissornikkut Kangaatsiap illoqarfiani inississimavoq tassanilu Kangaatsiaq, Attu, Niaqornaarsuk Ikerasaarsullu  Inunnik isumaginninneq akisussaaffigissallugit.
Inunnik isumaginnittoqarfimmi aqutsisutut Kommune Qeqertalik Kangaatsiaq immikkoortortami INUIT aqutsisoq qaninnertut pisortarissavat.

Aqutsisup suliassai pingaarnerit ukuupput:

-Inunnik isumaginnittoqarfiup ulluinnarni ingerlanneqarnerata aqunneqarneratalu innuttaasunik sullissilluarnikkut pitsaassutsimigullu nukittorsartuarnerata qulakkeernissaa siuttuuffigalugit

-Isumaginnittoqarfimmi suliassat aqullugit agguataarlugillu makkuusut; meeqqanik inuusuttuaqqanillu isumaginninneq, pisortatigut ikiorsiissutit, siusinaartumik pensionit, utoqqarnik isumaginninneq innarluutilinnillu isumaginninneq

-Isumaginninnikkut siunnersuineq ilitsersuinerlu.


Suliassat akisussaaffiillu agguataarneri:

-Innuttaasut ikiorserneqarnissamik pisariaqartitsisut pitsaasumik sullinneqarnissaat

-Inatsisit malittarisassallu atuuttut malillugit isumaginnittoqarfik aqullugu

-Isumaginnittoqarfiup missingersuutaanik ukiumoortunik suliaqarneq

-Periutsit sungiusimasat isumaginnittoqarfimmilu suleriaatsit aaqqissuuttuarlugit allanngutsaalillugillu

-Suliffeqarfiup iluani avataanilu suleqatinik suleqatigiilluarnissap qulakkeernissaa

-Inunnut ataasiakkaanut suliat eqqortumik aaqqissuunneqarneri uppernarsaasersornerilu qulakkiissallugit

-Isumaginnittoqarfiup iluani paasissutissanik aaqqissuussinerup qularnaarneqarnissaa suleqatigiit paasissutissanik nalunaarsuutinillu pissarsiuarnissaannik, suliat naammaginartumik suliarineqarnissaannut pisariaqartinneqartunik qulakkeerinnittumik.

-Suleqataasut atugarissaarnerat suliamikkullu ineriartornerat qulakkiissallugu ilitsersuineq aammalu suliffeqarfiup iluani ilinniaqqinnerit pikkorissarnerillu naapertuuttut aqqutigalugit.


Pisinnaasat:

-Socialrådgiveritut assingusumilluunniit ilinniagalik.

-Aqutsisoq ersarissoq.

-Akisussaassusilik.

-Suleqatikkuminartoq.

-Aalajangiisinnaasoq.  

-Suleqatinik kaammattuisinnaasoq.  

-Sulianut tunngasuni suliaqarfiit akimorlugit suleqataasinnaassusilik.

-Pisuni sakkortuuni eqqissisimasinnaaneq.

-Naatsorsuutit missingersuutillu aqutsinermut atorsinnaallugit.


Akissarsiat atorfininnermilu atugassarititat:

Akissarsiaqartitaaneq atorfininnermilu atugassarititaasut kattuffik isumaqatiginninniarsinnatitaasumut  isumaqatigiissutit atuuttut naapertorlugit atorfinitsitsineq pissaaq.


Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Atorfik pillugu annertunerusumik paasisaqartoqarsinnaavoq INUIT-imi aqutsisoq Susan Filemonsen telefon 701900–mut imaluunniit mail aqqutigalugu susa@qeqertalik.gl saaffiginninnikkut.


Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia