Koordinator

Isumaginninnermut Ingerlatsivik  Siusinaartumik iliuuseqanerup pitsanngorsarneqarneranik ataqatigiissaarisoq

Ulloq atorfiniffissaq november ulluisa aallaqqaataat 2023 imaluunniit isumaqatigiissuteqarnikkut piaarnerpaamik.  Assigiinngitsunik suliallit suleqatigiinnerisa ataqatigiissaarneqarnerata nukittorsarneqarneranik kiisalu angajoqqaanngortussanut angajoqqaanngorlaanullu siusinaartumik iliuusissanik ineriartortitsinermik ilisimasaqartumik misilittagaqartumillu Kommune Kujalleq ataqatigiissaarisussarsiorpoq.

Sapaatip akunneranut akunnerit 40-t suliffiusarput.

Atorfik pillugu

Angajoqqaanngortussanut angajoqqaanngorlaanullu siusinaartumik suliniutinik ataqatigiissaarinermut ineriartortitsinermullu ataqatigiissaarisuullutillu ulluinnarni akisussaassaatit. Kommune Kujalleq illoqarfinni pingasuni; Nanortalimmi Qaqortumi aamma Narsami siusinaartumik iliuuseqarnerup annertusarneqarnissaanik pitsanngorsarneqarnissaanillu kissaateqarpoq, suliniarnerullu najukkamit aallaaveqarnerulernissaa kiisalu kommunimi naartusunut ilaqutariinnullu suleriaatsit neqeroorutillu assigiiaarnerulernissaat kissaatigineqarpoq.

Siusinaartumik iliuuseqarnerup ataqatigiissaarneqarneranut atasut ilaatigut tassaapput illoqarfinni tamani assigiinngitsunik suliallit suleqatigiinnerannik ataqatigiissaarineq, tassanilu suliaqartut assigiinngitsutut naartusut ilaqutariillu siunaartumik iliuuseqarnermut ilaasut pillugit anguniakkanik naammassinninnissaat ataqatigiissaarisumit qularnaarneqassalluni. Tamatumunnga ilanngullugu ataqatigiissaarisoq suliamut ilisimasaqassutsi atorlugu ilaqutariit sanngiitsut ilaqutariittut inuunermi pitsaanerpaamik aallarteriarfeqarnissaannut peqataassaaq.

Assigiinngitsunik tunuliaqutallit sulineranni ataqatigiissaarinerup imarai pilersaarusiorneq, ataatsimiinnissanik pikkorissaanissanillu aaqqissuinerit, aammattaaq ilisimasanik avitseqatigiinneq, susassaqarfiillu akimut suleqatigiinnerisa ingerlaartumik ineriartortinnissaat. Siunnersortip ilaatigut suliffeqarfiup avataani iluanilu suleqatigisartakkat ataatsimiititaliallu, sullinniakkat pillugit suliaqarfiit assigiinngitsut suleqatigiillutik sulinerisa pitsaasumik ataqatigiissarneqarnissaat qulakkeerniarlugu suleqatigisassavai - nunap immikkoortuini najukkamilu sulisoqartassalluni.

Siunnersortip katsorsaanermi aqutsisoq kiisalu ilaqutariinnik sulliissivimmi akisussaasoq suleqatigalugit Siusissukkut Iliuuseqartarnermut pilersaarut, naalakkersuinermik suliallit piumasaqaataat aamma aningaasatigut sinaakkutit iluini atuutilersinneqarnissaat akisussaaffigissavai kiisalu pilersaarummi suliatigut piumasaqaatit naapertorlugit suliarineqarnissaa isumagissallugit. Ilaqutariinngorlaat tamarmik inuunerminni pitsaasumik aallartinnissaat pillugu suliaqartut tamarmik suleqatigiinnissaat pingaartumik siunnersortip sulianut ilisimasani atorlugit qulakkiissavaa.
Suliassat aalajangersimasut:

• Siusinaartumik iliuuseqarnermutpitsanngorsaataasumik suleriaasissiorneq politikkikkut anguniakkat pitsaasumik naleqquttumillu anguneqartussanngorlugit malinneqartussanngorlugillu.
• Siusinaartumik nassaarniarlunilu suliniarnerup pingaaruteqassusianik ilisimasat siammarternissaat qitiutillugu najukkami sulisunik piginnaanngorsaaneq kiisalu peqataatitsinermik pingaartitsineq ineriartortitsinermullu ilanngussaqartarneq.
• Siusinaartumik iliuuseqarinerup ingerlaavartumik ataqatigiissaarneqarnera piviusunngortinneqarneralu.
• Assigiinngitsunik suliallit suleqatigiinnerannik ataqatigiissaarineq, soorlu siusinaartumik suliaqartut suleqatigineqarnerannik.
• Atortussanik allassimasuink, soorlu suliniutinut nassuiaatinik naleqqussaanernik / malitseqartitsinernik, allakkianik nalunaarusianillu katsorsaanermut aqutsisumik ilaqutariinnillu sullissivimmi pisortamik suleqateqarluni suliaqarneq.
• Suliassaqarfimmi tamatumani suliniutinik nutaanik ineriartortitsineq
• Ataatsimiinnissanik, sammisaqartitsinernik il.il. pilersaarusiorneq ingerlatsinerlu

Suleqatissarsiorpugut makkuninnga piginnaasalimmik,

• Iluaqutaassaaq naleqquttumik peqqissaanermut ilinniagaqarsimaguit, soorlu peqqissaasutut, sundhedsplejerskitut, isumaginninnermi siunnersortitut, perorsaasutut qaffassarsimasutut assigisaanilluunniit
• MANU-mik aamma Siusikkut Iliuuseqartarnermik ilisimasaqarluartoq
• Suliniutinik suliaqarnermik misilittagalik
• Sulianik ineriartortitsinermut, atuutitsilernermut, nakkutiginninnermut nalilersuinermullu tunngatillugu soqutiginnittoq, aallussilluartoq aaqqissuussamillu suleriaasilik
• Aaqqissuussaasumik suleriaasilik angusaqarluarnissamillu pingaartitsisoq
• Eqinnaatsoq suliassanillu naammassiniagassanik ujartuisartoq
• Allattariarsornikkut oqaluttariarsornikkullu ersarissumik attaveqartarnermut pikkorissoq
• Suliassaqarfinni assigiinngitsuni suliassani suleqatiginnillaqqissoq
• Angalasarnissamut piumassusilik
• Pitsaassaaq sulilertussaq kalaallisut qallunaatullu oqaaseqaruni 

Neqeroorutigaavut:

• Suliffik pissanganartoq, pikkunartoq ineriartortitassaqarluartorlu.
• Suliffik pitsaasumik illutalik atugarissaarfiusorlu.
• Suleqatit pikkorissut tunniusimasullu.
• Oqaloqatiginnilluni oqilisaassineq
• Piginnaasanik ineriartortitsineq

Aningaasarsiat atorfinitsitaanermilu atugassarititaasutAkissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Avataaniit tikittunut inissaqartitsineq atorfimmut atatillugu malittarisassat sukkulluunniit atuutsinneqartut naapertorlugit sulisunut inissiamik pequsersoringaanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Paasissutissat sukumiinerusut
Atorfik pillugu sukumiinerusumik paasisaqarumaguit attavigisinnaavatit ilaqutariinnik sullissiviup pisortaa Jakob Noahsen jano@kujalleq.gl imaluunniit katsorsaanermut aqutsisoq Najanguak Knudsen nakn@kujalleq.gl  

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik oktobarip ulluisa arfineq pingajuat 2023 nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”