Greenland Airports ingerlatsinermut suleqatissarsiorpoq teknikkikkut immikkoortumut

Mittarfeqarfiit

Narsaq

Ikkunneqarpoq: 07-11-2024

Piffissaq atuuffissaa naassaaq: 22-11-2024

Suliffissamut ID normut: LJA-85787437

Atorfeqarnermi atugassarititaasut: Tamakkiisoq

Suliassaqarfik: Allat

Ikummatissalerinermut immikkoortortami gasuuliamik tunioraasarput tankvogn`imiit, benzina aamma dieseli solarersiniartarfimmit nammineq passuttakkamit, kiisalu JET-A1´mik, solarimik benzinamillu toqqorsiviulluni.

Timmisartunut ikummatissamik passusseriaratta, taava suliaq peqqissaarullugu suliassaavoq, fagimik paasinninneq ajunngitsuusariaqarpoq aamma suleqatissarput uppernassuseqarpasittariaqarpoq atuisutta suleqatittalu tungaanut.

Ikummatissamik qaammammoortumik naatsorsuutinik sanasoqassaaq tamannalu pissutigalugu qarasaasiakkut kisitsinermut passuttagaq Excel regneark atuisutut naliginnartut ilisimallugulu atorsinnaasariaqarpat kiisalu suliassamut tulluartumik kisitsisilerisinnaasariaqarlutit.

Teknikkeqarnermut immikkoortortami suleqatitut naatsorsuutigisariaqarpat mittarfeqarfiup immikkoortortaqarfiini allani aamma suliassanik naammassiniagassanut peqataasarnissat.

Suliassat:

• Ikummatissanut toqqorsivimmullu tunngasunut ingerlatsinermut aserfallatsaaliinermullu suliassat
• Naatsorsuutit qaammammoortut najoqqutassatut suliarineqartussat
• Ikummatissamik toqqorsivimmiititanik allattuivimmut immersukkat
• Solarimik pajuttuineq kiisalu dieseli solarersiniartarfimmit nammineq passutakkap nakkutiginissaa
• Timmisartunik tikittoqartillugu suliassaasartunut peqataanissaq.
• Mittarfeqarfiup immikkoortortaqarfii akimorlugit tamalaamik suliassaasartut.

Makkuninnga piumasaqarpugut:                         

• Torersaallaqqissoq, inuttut saaffigiuminartoq suleqatigiinnullu peqataasinnaasoq.
• Nutaaliullaqqissoq suliassaasunut sulinermilu piffissarititaasumut aamma suliffiup naliginnaasup avataatigut suliassaqartassasoq piareersimaffigissavat.
• Kørekort angineq pigissavat.
• Pinerluuteqarsimannginnermut uppernarsaat.

·Kalaallisut qallunaatullu oqalussinnaasoq.

Pitsaaqutaasinnaavoq:                         

• Siusinnerusukkut ikummatissalerivimmi sulereersimaguit, innaallagissiorfimmi sulisimaguit imaluunniit umiarsuarmimotoorilerisartutut suliaqartarsimaguit.
• Mekaniker`itut, skibsmontør`itut, saffiuutut imaluunniit allatigut naleqquttumik ilinniar-simaguit.
• Piffissap ilaatigut qatserisartutut aaqqissuussinermut peqataarusunneq.

Greenland Airports neqeroorutigivaa:

Suliffeqarfik pissanganartoq ineriartortorlu Nunatsinni suliffeqarfitsialattut pilerigineqarnerpaattut inissinnissaannut suliniuteqarpugut. Ulluinnarni sulininni inuppalaartumik sulinermik avatangiiseqarpoq, ajunngitsumik sullissineq, pitsaassuseq qaffasissoq aamma suliamut tunniusimanissaq pingaarnerpaattut inissinneqarluni. Atorfigisassat nikerartuartuuvoq unamminartunik assigiigiinngitsunik nuannersunillu ulluinnarni naammattuugassaqarluni.

Isumannaallisaanermi akuerineqarneq:

Atorfeqalersinnaanermut politiiniit isumannaallisaanermi akuerineqarnissaq piumasaqaataavoq. Taamaammat pinerluuteqarsimasunik nalunaarsuivimmit nalunaarut ilanngullugu nassiuguk. Taanna najukkami politiinit pissarsiarineqarsinnaavoq.

Atorfinninnissamik piumasaqaataasut:

Akissarsianut atorfininnissamullu tunngasut sulinermik kattuffiusoq naleqquttoq naapertorlugu ingerlanneqartarput.

Kattuffeqartinnagu immikkut ittumik isumaqatigiissusiornikkut atorfeqarneq pillugu atsiugassamik isumaqatigiissut sananeqarsinnaavoq, tamatumani atorfimmut makkuninnga ilanngullugu piumasaqaateqartoqarluni:

·Malittarisassat atuuttut naapertorlugit sulilernermi soraarnermilu akeqanngitsumik angalatitaaneq 

·75 kg. tungaanut nassatanut ajunngitsorsiassaqassaaq. Timmisartukkut nassiussat imaluunniit 200 kg. Atorfinninnermi soraarnermilu umiarsuakkut nassatanik akiliussisoqarsinnaavoq

·Malittarisassat atuuttut malillugit qaammatini 12-ni sulereernermi ukiumoortumik sulinngiffeqanermi akeqanngitsumik angalasinnaatitaaneq

• Sapaatip akunneranut suliffigisassaq tassaavoq akunnerit 40`ut

Paasisaqarnerorusukkuit

Atorfigiligassatut periarfissaasumut paasisaqarnerorusukkuit imaluunniit apeqqutissaqaruit taava tikilluaqquneqarputit attaveqarfigissallugu formand Jenseraq Frederiksen e-mail`ikkut jfr@airports.gl imaluunniit oqarasuaatikkut +299 58 25 81. Apeqqutit naliginnaanerusut HR-ip immikkoortortaqarfianut mail-mut: HR@airports.gl

Qinnuteqaat

Atorfimmut atorfininnissannut naatsorsuutigineqassaguit, qinnuteqaatit, cv aamma ilinniarsimaninnut uppernarsaatitit toqqaannartumik nittartakkakkut uunga link-mut nassiunneqassapput kingusinnerpaamik d. 22. november 2024. Atorfik pillugu ingerlaavartumik oqaloqatiginnittoqassaaq.

Mittarfeqarfiit Kalaallit Nunaanni mittarfinnik 13-inik qulimiguullillu mittarfiinik 46-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.