sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Atuarfinnut siunnersortimik pisortaq Ilinniusiorfimmi

Namminersorlutik Oqartussat

Nuuk
Ikkunneqarpoq: 13-05-2019
Piffissaq atuuffissaa naassaaq: 27-05-2019
Suliffissamut ID normut: LJA-73345165
Atorfeqarnermi atugassarititaasut: Tamakkiisoq
Suliassaqarfik: Atuartitsineq

Ilinniartitaanermut Aqutsisoqarfik ilinniutinik ineriartortitsinerni Atuarfinnut Siunnersortimik, suleqatigiinni/immikkoortortami pisortatut inissisimasussamik suleqatissarsiorpoq. Ilinniartitaanermut Aqutsisoqarfimmi Atuarfinnut siunnersortitut atorfik, immikkut ilinniutinik saqqummersitsisarnernik suleqatinillu aqutsisuusussamik sapinngisamik piaartumik isumaqatigiissuteqarnikkulluunniit inuttalerneqartussamik suleqatissarsiorpoq. Atuarfinnut siunnersorti ulluinnarni Ilinniusiorfimmi/ilinniutissanik saqqummersitsivimmi pisortaassaaq. Atorfik pineqartoq saqqummersitsivimmi Ilinniusiorfimmi Ingerlatsinermut Attaveqaateqarnermilu immikkoortortaqaqarfimmi inissisimasuuvoq, atorfillu Ingerlatsinermut Attaveqaateqarnermullu immikkoortortaqarfiup pisortaata ataani inissisimasuulluni. Ilinniusiorfik nutarsarneqaleruttorpoq, ilaatigut saqqummersitsisarnerni suliniutinik nutaanik ineriartortitsiviulluni, tamatumani fagi kalaallisut digitaliusunik atortoqarluni nutaanik suleriaaseqarluni suleqateqarlunilu ineriartortitsinerit ingerlanniarneqarlutik. Taamaattumik suleqatissarsiorpugut nutaaliornissani aqqutissiuussinissani siuttorisinnaasatsinnik. Atuarfinnut siunnersortip suliassai makkuussapput: • Aaqqissueqatigiinni akisussaalluni aqutsisoq, tamatumani meeqqat atuarfiini oqaatsitigut atugassanik analogiusut digital-iusunillu suliaqarnerit ineriartortitsinerillu isumagalugit suliniuteqarnerni. • Saqqummersitsisarni ineriartortitsillunilu nutaaliornerit • Suliniuteqarnerni pilersaarusiornerit, aqutsinerit missingersuusiornerillu • Ilinniusiorfiup Ilinniartitaanermullu Aqutsisoqarfiup immikkoortortaasalu akornanni suleqatigiinnerup qulakkeerniarnissaa • Avataani suleqatigineqartartut ineriartortitsilluni suliniuteqarnerni suleqatigineqartarnissaat qulakkiissallugu • Saqqummersitassatut suliat pitsaasuullutillu inatsisinut naapertuuttuunissaat qulakkeerniartassallugit • Atuarfinni qarasaasiatigut ingerlatsinerit ineriartortinneqarneranni peqataasarnissaq • Nalunaarusiat, akissuteqaatit, nassuiaatit takoqqusaarutillu suliarisassallugit • Soqutigisaqarfiit allat peqatigalugit suliniuteqarnerit – atuarfinnut siunnersortit immikkoortortaqarfiillu avataanilu suleqatigisartakkat allat suleqatigisassallugit. Illit pillutit: Qinnuteqaateqartoq piukkunnarluartoq: • Naapertuuttumik ilinniagaqarsimanissaq, sapinngisamik pisortassatut ilinniarsimasuuneq • Meeqqat atuarfianni ilinniartitsisutut misilittagaqarneq, taamatullu ilinniusiortarsimaneq • Nunatsinni atuarfeqarfimmik, kulturimik inuiaqatigiinnillu ilisimaarinnilluarneq • Qarasaasialerinermi assigiinngitsunik atortoqarluni sulisinnaaneq aammalu suliniuteqarnerni aqutsillaqqissuuneq • Perorsaanerup, ilinniartitaanerup ilinniusiornerullu silarsuaanik ilisimaarinnilluarlunilu ineriartornernik qaammaasaqarluarneq • Sapinngisamik kalaallisut danskisullu allattariarsornikkut oqaatsisigullu piginnaaffeqarluarneq • Torersumik, akisussaassuseqartumik ineriartortitsiffiulluartumillu suleriaaseqartuuneq • Tamatigoortuullunilu assigiinngitsunik suliaqarsinnaassuseqarneq Ilinniartitaanermut Aqutsisoqarfik Ilinniartitaanikkut Aqutsisoqarfik politikkikkut ingerlatsiviup ataani inissisimasuuvoq, Naalakkersuisoqarfimmik politikkikkullu ingerlatsiveqarfinnik suleqataasarnermi saniatigut ineriartortitsinermik nutaaliornermillu suliaqartuulluni. Ilinniartitaanikkut Aqutsisoqarfik suliassat periutsillu tungaasigut maannakkorpiaq nutarsaavigineqarpoq. Tamatumanilu illit aqqutissiueqataassaatit. Suliffeqarfik tamatigoortuuvugut, aqutsisoqarfittullu suliassatta saniatigut assigiinngitsorpassuarnik isumagisaqartuulluta, soorlu atuakkanik saqqummersitsiveqarpugut, naqiteriveqarpugut taamatullu paasititsiniaaffeqarlutalu atukkiuttakkanik katersaqarluta. Aqutsisoqarfimmit annertunerusumik atualertussanik atuartunik, efterskolertunik atuarfinnillu namminerisamittut ingerlanneqartunik sullissisartuulluta. Suleqatigiit katilluta 50-t missaanik amerlassuseqarpugut, anguniartuartarparpullu persuarsiornartumik ingerlatsinngikkaluarluta ilisimasatigut qaffasissumik inissisimasuunissarput. Akissarsiat atorfeqarnermilu aalajangersakkat Atorfik pineqartoq akissaasersorneqarnikkut isumaqatigiissutit naapertorlugit inissisimasuuvoq. Qinnuteqaateqartoq atorfilittut atorfeqareersimasuuppat, taava Nunatsinni atorfilittut aalajangersakkat naapertorlugit atorfinittitsisoqarsinnaavoq. Akissarsiat atorfeqarnikkullu aalajangersakkat, ilanngullugit atorfininnermi soraarnermilu nuunerni aningaasartuutit, pineqartup isumaqatigiinniartarnikkut tunuliaqutaata taamatullu Namminersorlutik Oqartussat akornanni isumaqatigiissutigineqarsimasut naapertorlugit isumagineqassapput. Atorfik akissaasersueriaatsit 39-ni inissisimasuuvoq. Utoqqalinissamut akiliutigineqartussat saniatigut akissarsiat 1. april 2017-mi aalajangersakkat qaammammut 38.770,- kr./ukiumut 465.000 kr.-nit miss. annertussuseqarput. Ineqarneq Atorfimmut pineqartumut immikkut inissaqartitsisoqanngilaq. Taamaattorli qinnuteqaateqartoq atorfigisani naapertorlugu Namminersornerusunit inissaqartinneqareersimappat, inigisani najugaqarfigiinnarneqarsinnaassaaq. Atorfeqarnermi inigisaq atorfeqarnermut tunngatillugu attartugaavoq, atorfigisamiillu soraaraani qimanneqartussaalluni. Qinnuteqaat Kajumissuseqarluni qinnuteqaat, CV-nik nutarsakkanik paasissutissanillu allanik ilaqartinneqartoq, ataani allaqqasumut nassiunneqassaaq. Qinnuteqarnissamut killigititaq tassaavoq: 27. maj 2019 Paasisisaqarnerorusukkaani saaffigisassaq: Atorfik pillugu paasisisaqarnerorusukkuit uunga saaffiginnissuteqassaatit: Immikkoortortami pisortaq Lone Hindby lohi@nanoq.gl +299 346273 Nunarput Namminersornerusullu pillugit suli paasisaqarnerorusukkuit ugguuna paasiniaasinnaavutit: www.nanoq.gl, atorfiit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia