sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Leder til Familiecenter

Kommune Kujalleq

Qaqortoq
Ikkunneqarpoq: 23-03-2021
Piffissaq atuuffissaa naassaaq: 13-04-2021
Suliffissamut ID normut: LJA-81865057
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Allaffik & allaffissorneq, Isumaginnittoqarfik, Aqutsineq, Peqqinnissaq

Kommune Kujalleq Qaqortumi Ilaqutariinnut Sullissivimmut pisortassarsiorpoq

ALLAGARSIUTEQQITAQ:

 

Kommune Kujallermi Iluaqutariinnut Sullissivik pisortamik juunip aallaqqaataani 2021-mi isumaqatigiissuteqarnikkulluunniit sulilersinnaasumik pissarsiorpoq. Atorfik Qaqortumi inissisimavoq.

 

Ilaqutariinnut Sullissivik tallimanik immikkoortoqarpoq: Ilaqutariinnut Sullissivik Qaqortumi inissisimasoq, ilaqutariillu illui marluk Narsami Nanortalimmilu inissisimasut. Tamatuma saniatigut meeqqat inuusuttullu ornittagaat "Neriusaaq" Qaqortumiippoq, tassani inuusuttunut siunnersortit marluupput, kiisalu Qaqortumi aamma angerlarsimaffik siusinaartumik iliuuseqarfik "Apisseq" pilersinneqaqqammerluni.

 

Sulisut amerlassulerneqarnerat:

Ilaqutariinnut Sullissivimmi pisortap saniatigut Qaqortumi Ilaqutariinnut Sullissivik tullersorteqarpoq/ilaqutariinnut siunnersorti, psykologit sisamat, psykoterapeutilu ataaseq. Ilaqutariinnut siunnersortit marluk (aappaa inuttaqanngilaq), siusinaartumik iliuuseqarnermi sulisoq, kiisalu inuusuttunut siunnersortit pingasut (pingajuat inuttaqanngilaq).

 

Nanortalimmi Ilaqutariit Illuat immikkoortortami aqutsisoqarpoq, taassumalu ulluinnarni ingerlatsineq Ilaqutariinni Sullissivimmi pisortaq peqatigalugu akisussaaffigaa, ilaqutariinnut siunnersorti ataaseq, siusinaarluni iliuuseqarnermi sulisoq ataaseq kiisalu inuusuttunut siunnersortit marluk.

 

Narsami Ilaqutariit Illuat immikkoortortami aqutsisoqarpoq, taassumalu ulluinnarni ingerlatsineq Ilaqutariinni Sullissivimmi pisortaq peqatigalugu akisussaaffigaa, ilaqutariinnut siunnersorti ataaseq, siusinaarluni iliuuseqarnermi sulisoq ataaseq kiisalu inuusuttunut siunnersorti ataaseq.

 

Ukiumi ingerlatat:

Qaqortumi Ilaqutariinnut Sullissivik aammalu Narsami Nanortalimmilu ilaqutariit illui aqutsisut akuerisaannik immikkoorlutik namminneq ingerlataqartarput. Sulisut sammisassat pilersaarusiorlugillu ingerlattarpaat. Katsorsaanerit Qaqortumi Ilaqutariinnik Sullissivimmi psykologit pilersaarusiortarpaat, taakkulu aamma atorfimmut atatillugu Narsamut Nanortalimmullu angalasarput. Oqaloqatigiinnikkut katsorsaariaatsit assigiinngitsut, ilaqutariinnut attuumassutillit ataatsimiinneri, sullissisut allallu suliamut attuumassutillit oqaloqatigineri ingerlanneqartarput.

Sammisassat pilersaarusiorneqarsimasut saniatigut pisortap tulliata aammalu isumaginnittoqarfimmi pisortaq peqatigalugu kommunimi sakkortuumik nalaataqarnermi upalungaarsimasut akisussaaffigai. Ilaqutariinni Sullissiviup pisortaa ilaqutariit sullissivianni/illuanni suleqatit peqatigalugit qaqugukkulluunniit sakkortuumik nalaataqartoqassagaluarpat piaartumik ikiuiartussaaq/iliuuseqassaaq.  Atorfimmi psykologitut ilisimasat pingaarlutillu pisariaqarluinnarput.

 

Suliassat:

  • Siuliani taaneqartut saniatigut atorfik manna aqutsinermik kiisalu ilaqutariit illuinut tamanut suliassiisarnermik nassataqarpoq, ilaqutariillu illuini illoqarfinni tamanik katsorsaariaatsip assigiissuunissaa anguniarneqarpoq. Tamanna ilungersunartoqarsinnaavoq illoqarfinni ilinniakkat nukissallu assigiinngissinnaaqimmata. Taamaammat aqutsisup illoqarfinni immikkoortortami aqutsisunik suliat pillugit isummersoqateqartarnissaa suleqateqarnissaalu pingaarutilerujussuuvoq.  
  • Tassa sulisut suliassaanni pingaarnerpaat, soorlu tulleriiaarilluni ataatsimiinnerit, killiffissiornerit allallu pissusissamissut ingerlanissaat qularnaassallugu aqutsisup pisussaaffigaa.
  • Ukiumut ataasiarluni ilaqutariit illuini suliat amerlassusii pillugit kommunimi aqutsisunut isumaginninnermilu ataatsimiititaliamut kommunalbestyrelsimut qinikkanik inuttaqartumut saqqummiisoqartarpoq.  Kisitsisit taakku suliarinissaat saqqummiunnissaallu aqutsisup isumagisassaraa.   
  • Sullissanik innersuunneqartunik katsorsaaneq.
  • Sulisunik imaajaalluni oqaloqateqarneq ilinniartitseqqinnermullu peqataaneq.
  • Sulisunik kommunillu sulisuinik allanik ilinniartitsinermik pilersaarusiorneq ingerlatsinerlu.

 

Sakkortuumik nalaataqarsimasunik misissuisarneq pillugu SDU-mik (Syddansk Universitet) suleqateqarneq aamma ingerlavoq. Ilaqutariit illuini psykologit SDU-mik suleqateqarlutik kalaallinik misissuinermut atortunik ineriartortitsisimapput misileraallutillu.  Maanna taakku meeqqanik inuusuttuaqqanillu ulluinnarni sullissinermi atorneqartarput. SDU qanimut suleqatigalugu 2021-mi misissuisarnerit taakku pillugit paasissutissanik katersuisoqassaaq sakkut atorsinnaassusiat takussutissiorumallugu.  Aqutsisoq nutaaq aamma taakkununnga peqataassaaq.

 

Akisussaaffeqarfiit:

Missingersuutinik aqutsineq, skemaliorneq, sulisunik isumaginninneq, suliffeqarfiup ingerlatsinera, suliffeqarfiup peqqissaartumik eqqortumillu pilersaarusiornera suliarineqarneralu, illup sulisuinik suleqateqarneq kommunimilu ingerlatsiviup suleqatigisarnissaa. Ilaqutariinnik sullissiviup ilaqutariillu illuisa ingerlaneqarerannut immikkortitani missingersuutitigut killiliussat eqqarsaatigalugit aningaasatigut akisussaaneq.

 

Ilinniagaqarsimanermut piumasaqaatit:

Naleqquttumik ilinniagaqartutit, ajornanngipat psykologimik tunuliaqutaqarlutit. Pingaartineqarput aqutsisutut misilittagaqarnissaq, kiisalu inuit ilungersunartorsiortut pillugit ilisimasaqarneq, ilaqutariit, meeqqat inuusuttuaqqallu immikkut qitiutillugit.  Marluinnik kalaallisut/danskisullu oqaaseqarneq iluaqutaassaqaaq piumasaqaataanngilarli.

 

Piginnaasatit:

  • Ilaqutariinnut Sullivimmi/ilaqutariit illuini suliniutit ataatsimoorussaapput, taamaammat nukissat isigalugit ataatsimut isiginninneq aallaavigalugu sulisassaatit.
  • Qajannaatsuussaatit, taamaasillutit suleqativit ilaqutariinnik immikkut ikiortariaqartunut tunngatillugu suliaannut siunnersuillutillu aqqutissiuussisinnaassallutit.
  • Suleqatiginnillaqqissuussaatit suliassaqarfiillu akimorlugit sulineq tapersersorsinnaassallugu.
  • Ersarissumik aqutsisuussaatit tatiginnilluni aqutseriaatsip pitsaassusianik takunnissinnaasoq suliffiullu iluani suliassat naammasinissaannut suleqatit suleqataassallutik.
  • Aningaasaqarnermut suliassaqarfimmullu  tunngasunik ingerlatsinermut paasisimasaqarluarlutillu suliaqarsinnaassaatit.
  • Qanoq iliorsinnaassuseqarluassaatit allannguinissamullu piareersimassallutit.
  • Naggataatigullu, nutaanik ilikkagaqarnissamut alapernaatsuussaatit nutaaliaasumillu eqqarsarsinnaassuseqarlutit.

 

Akissarsiat – atorfinitsinneqarnermullu tunngasut:

Isumaqatigiissutit atuuttut aamma inuttut piginnaaneqarneq naapertorlugu atuutissapput. Angalanermi aningaasartuutit pequtinillu nuunnermut atatillugu aningaasartuutit akilerneqassapput. Kommune inissiamik naapertuuttumik pissarsinissamut ikiuussinnaavoq, kommunip sulinermut tunngatillugu inissaqartitsinermut aningaasaateqarfianit.

 

Meeqqanik pinerliisimannginnermut uppernarsaammik:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Sukumiinerusumik paasisaqarusukkuit pisortap tyullia Sofie Hoffmeyer attavigiuk, oqar. 64 54 20 imaluunniit e-mailikkut: soho@kujalleq.gl imaluunniit suliassaqarfimmi pisortaq Ivalu Lund oqar. 64 53 74 eller e-mail ivlu@kujalleq.gl

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunimut tunniunneqariissapput kingusinnerpaamik apriilip ulluisa 13-at 2021 uunga:

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia