sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kommunaldirektør til Kommune Kujalleq

Kommune Kujalleq

Qaqortoq
Ikkunneqarpoq: 19-03-2021
Piffissaq atuuffissaa naassaaq: 28-04-2021
Suliffissamut ID normut: LJA-81851149
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Aqutsineq

Kommune Kujalleq pisortaanissarsiorpoq

 

Najukkamut nunatsinni pimoorissinerpaat ilaanniittumut nassaassarsiullaqqissumik marluinnillu oqaasilimmik pisortaanissarsiorpugut , taassumalu borgmesteri kommunalbestyrelsilu qanimut suleqatigalugit aaqqissuussaanikkut allannguinerit ineriartoqqinnissaat peqataaffigissavaa. Ulloq juunip ulluisa aallaqqaataat imaluunniit isumaqatigiissuteqarnikkut atorfinittussamik.

 

Kommunimi kulturi persuarsiornartuunngilaq naalagarsiorfiortuunanilu, ineriartornerlu suleqatigiinnikkut oqaloqatigiinnikkullu ingerlanneqartarpoq.

 

Pisortaanertut ineriartorneq ilungersuutigerusuppat, inooqatigiinnilu pisortat suleqatigiillu akornanni, kommunimi ingerlatsiviit immikkoortortaqarfiillu akimorlugit aamma kommunip innuttaasorpassuillu namminneq piumassutsiminnik suliniuteqartut akornanni ataqqeqatigiilluni, tunngavilersorluakkamik eqaatsumillu suleqatigiinnerup pingaaruteqassusia paasisimassallugu, taakkuummatami ullut tamaasa kujataata najoruminartuunissaanik suliffigiuminartuunissaanillu qulakkeerinneqataasut.

Ukununnga imminut nallersuussinnaassaatit:

  • inuiaqatigiit ineriartupiloortut pissanganartorpassuarnillu suliniuteqarfiusuni peqataanissaq.
  • siuariartorneq atugarissaarnerlu innuttaasunut suliffeqarfinnullu iluaqutissat qitiutillugit aallunneqarnissaat.
  • kommunimi ineriartornissamut ilippanarluartut ineriartornissamullu periarfissat tappiffiginissaat.
  • susassaqarfiit akimorlugit ataatsimoorussanik aaqqiissutissanillu aallartitsisarnissaq.
  • kommunimi susassaqarfiit akimorlugit suleqatigiinnissamut aqqutissiuisarnissaq kaammattuisarnissarlu.
  • ataqatigiilersitsinissamik pissusissamisoortumik soqutigisaqarneq inooqatigiillu akornanni saqqumilaarnissaq, aamma innuttaasut, suliffeqarfiit kommunillu akornanni sunniivigeqatigiinneq salliutissallugu.

 

Aaqqissugaanerup iluani pisortaqarfimmi qullersaasussaavutit, matumanilu aqutsisut sulisullu 1100-t sinnerlugit pineqarput.

Pisortaanertut toqqaannartumik borgmesteri pisortarissavat.

 

Pingaarnertut suliassatit:

  • Politikkikkut saqqummiussassani sulianut tunngasutigut pilersaarusiornermilu ataqatigiissaarinermi qaffasissumik pitsaassuseqartumik tunniussaqarsinnaanissat.
  • Kommunalbestyrelsimut, Aningaasaqarnermut Ataatsimiititaliamut, ataatsimiititalianut susassaqarfiusunut borgmesterimullu qaninnertut siunnersortaanissaq.
  • politikkikkut aalajangikkat kommunimut ersarissunngorlugit anguniagassanngortinnissaat.
  • pingaarnertut suliassat isumalluutillu sallinngortinneqarnissaat.

 

Immikkut ilisarnaatitit:

  • pisortaqarfinni aqutsinermik tunngaviusumik paasinninneq misilittagaqarnerlu.
  • nutaaliornermik eqqarsartaaseqarneq illillu aqutsinerit aqqutigalugu suliniutinik nutaanik piumasanik iliorsinnaaffissarsioqataaneq.
  • aaqqissuussaanermi politikkikkut aqutaasumi sulinermik misilittagaqartuutit.
  • qallunaat kalaallillu oqaasii atorlugit avataaneersunut susassaqarfiillu iluanni attaveqaqatigiinnikkut piginnaaneqarluartutit.
  • Tamatuma saniatigut qaffasissumik isumaqatigiinniarnernut atatillugu tuluit oqaasiinik atuisinnaanissat pingaaruteqarpoq.
  • inuk ilakkuminartoq tatiginnissusilik tutsuiginartorlu ilisimaarinnittutut pissusilik.

 

Piginnaasatit:

Piginnaasatit ilinniartitaanikkullu tunuliaqutatit aalajangiisuunngillat, kisianni taakku pisortaanertut suliassannut tulluartuussapput, tunuliaquttavillu takutissavaa politikkikkut suliniaqatigiiffimmi iluarusullutit atorfeqarsinnaasutit atorfininnerillu paasillugu. Taamaalillutit Kommune Kujallermi pisortaanertut nutaatut suliassatit piaartumik isasuujaatsumillu aallartissinnaanngussavatit.

 

Akissarsiat – atorfinitsinneqarnermullu tunngasut:

Atorfik aallaavittut akissaateqarfimmut 39/40-mut immikkoortinneqarpoq pension ilanngullugu. Tamatuma saniatigut inatsisit atuuttut najoqqutaralugit nammineq akilertagassaasumik atorfimmut atatillugu inissaqartitsisoqassaaq kiisalu angalanermut aningaasartuutit aamma pisattat assartorneqarnerat akilerneqassalluni.

 

Kommune Kujalleq pillugu annertunerusumik uani paasisaqarsinnaavutit:

https://www.kujalleq.gl/Emner/Om kommunen?sc_lang=kl-GL

 

Soqutiginnippit?

Atorfik pillugu qinnuteqarfissaq toorlugu qinnuteqarit, tassunga qinnuteqaatit inuunermilu taasassat ilisinnaavatit.

Atorfimmut tunngatillugu apeqqutaasinnaasut tamarmik ukununnga apeqqutigineqarsinnaapput: Dorthe Flies, Flies HR Consulting, oqarasuaat +45 6083 3117, +299 583117 imaluunniit dorthe@flieshr.dk

 

Flies HR Consultingip atorfinititsinissamut suliaq tigummivaa, taamaammat saaffiginninnerit tamarmik tassunga ingerlateqquneqarput.

 

Qinnuteqarfissaq kingulleq apriilip 28-at 2021

 

Qinnuteqartut tulleriissaarlugit oqaloqatigiinninnissamut qaaqqujumaarpavut.

 

Tusarfiginissat qilanaaraarput!

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia