Seernaq perorsaasumik imaluunniit ikorfartortitut ilinniarsimasumik pissarsiorpoq / Boenhed Seernaq søger en pædagog eller socialpædagog

Kommuneqarfik Sermersooq

Nuuk

Ikkunneqarpoq: 31-08-2023

Piffissaq atuuffissaa naassaaq: 21-09-2023

Suliffissamut ID normut: 331576443

Atorfeqarnermi atugassarititaasut: Tamakkiisoq

Suliassaqarfik: Isumaginnittoqarfik

Atorfiup taaguutaa: Pædagog

Misilittakkat - Annertunerusumik: Ikke angivet (Pleje og omsorg)

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Najugaqatigiiffik Seernaq perorsaatut imaluunniit ikorfartortitut ilinniarsimasumik sulisussarsiorpoq

Inunnut Innarluutilinnut Tarnimikkullu Nappaatilinnut immikkoortortaqarfik tunniusimasumik isumassuisumillu perorsaasumik ikorfartortimilluunniit Najugaqatigiiffik Seernami pissarsiorpoq. Inulerinermik sulinissaq uummateqarfigiviuk aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

Atorfik piffissaq tamakkerlugu suliffiuvoq sap. ak. 40 tiimit annerusumik ullukkut unnukkullu aamma sapaatip akunnerata naanerani sulisoqarsinnaassalluni. Najugaqartuutitta ineriartornissaannut tapersersuinermi suleqatitit qanimut suleqatigissavatit.

Najugaqatigiiffik Seernaq Nuummi najugaqatigiiffitsinni annerit ilagaat. Najugaqatigiiffik 18-inik inisimasoqarpoq taakkulu tarnimikkut timikkullu piginnaasaat annikillisimasuupput. Najugaqatigiiffik inini sisamanik quleriilinniippoq, quleriit tamarmik immikkut najugaqartoqarlutillu sulisoqarput. Najugaqartut namminerisamik ineqarput, ini iggavillu najugaqatigiinni etage-qatigiinni ataatsimoorussaavoq. Illit pingaarnertut suliassarissavat najugaqartut eqqarsartaatsimikkut, inooqataanikkut aamma nalinginnaasunik piginnaasassanik inerisaaviginissaat, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Najugaqartut 18-it saniatigut najugaqatigiiffik 25-t missaanik sulisoqarpoq, peqqinnissamut tunngasunik ilinniagallit, perorsaasut ilaalu ilinniagaqartuunatik.

Suliassatit:

·Najugaqartunut attaveqaataassuutit attaveqaataanerlu sulisunut tamanut agguataarneqarnikuuvoq najugaqartullu ulluinnarni namminiilersinnaaneranut inuulluataarnissaanullu siuarsaaqataallutit

·Ilinniakkat aallaavigalugu najugaqartup sinnattui kissaataalu aallaavigalugit iliuusissatut pilersaarusiorneq

·Najugaqartut namminiilernissaannut ineriartuutaasunik suliaqarneq aammalu inuulluataarnissaat anguniarlugu suliaqarneq soorlu iliuusissatut pilersaarutit malillugit anguniakkanik suliaqarneq

·Najugaqartut ulluinnarni sammisaqarnissaanut kaammattuineq tapersersuinerlu soorlu pisuttuarneq, pisiniarneq, iganeq aammalu nakorsiartitsineq

·Suleqatinut, aqutsisumut najugaqartunullu suleqatigiinnermut ataatsimuualaarnermut nukittorsaaneq

Suliassaq najugaqatigiiffimmi suleqatit najugaqatigiiffiup iluani avataanilu suleqatigisartakkat peqatigalugit suliarineqartarput, tassa inunnik sullissisut, Ikaarsaarfik, Dronning Ingrid Napparsimavissua aammalu Pinerluttunik Isumaginnittut.

Ilinnut naatsorsuutigut:

·Perorsaasutut imaluunniit perorsaasutut sammivilimmik ilinniagalik

·Isumassuisoq inussiarnersorlu, takusinnaassuallu tamanna suliffigissaarnermut aqqutaasoq

·Ineriartornissamik immikkoortortattalu ineriartornissaanik soqutiginnittoq, taamaasillutit annertuumik najugaqartunut allannguisinnaaneq anguniassagakku

·Ulluinnarni ullut ilaanni ulapaarfiusinnaasuni anguniagaqarlutit ilusilersueqataallutillu sulisinnaasutit

·Ilinniarsimassutsit assigiinngitsut suleqatigisinnaavatit

Uagut:

Uani atorfimmi annertuumik ataatsimoorfiusumut peqataalissuutit: Immikkoortortaavugut najugaqatigiiffiit arfineq-pingasuutut, tallimat najugaqatigiiffik ataatsimoorussat, sammisassaqartitsiviit marluk aammalu ikorfartortitut sulissiit pingasut taakkualu Nuummi, Tasiilami Paamiunilu agguataarneqarput.

Immikkoortortami ineriartortumi atorfik pissaganartoq neqeroorutigaarput. Ineriartortitsinerup ilagiinnagaasa ilagisaat tassaavoq pitsaasumik illit sulisutut nutaatut suliffimmut isertinneqariartuaarnissat, oqaloqatigiinnerit ilinniarsimassutsinilu assigiinngitsuusuni ataatsimoorfeqarneq.

Qinnuteqartunik aggersaalluni oqaloqatiginninnissaq pissaaq uge 38

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Najugaqatigiiffik Seernami aqutsisoq Signe Petersen ukunani attavigissallugu spet@sermersooq.gl imal. 547846 aammalu Najugaqatigiifik Seernami tullersorti Karen Zeeb ukunani attavigissallugu zeeb@sermersooq.gl imal. 278213.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 752-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 21.-at, 2023