sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Familiecenter leder

Kommune Kujalleq

Qaqortoq
Ikkunneqarpoq: 29-06-2021
Piffissaq atuuffissaa naassaaq: 02-08-2021
Suliffissamut ID normut: LJA-82318646
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik, Allaffik & allaffissorneq, Aqutsineq, Meeqqat & inuusuttut, Atuartitsineq & Meeqqerineq

Qaqortumi Ilaqutariinnut Sullissivimmut pisortassarsiorpoq

ALLAGARSIUTEQQITAQ:

 

Meeqqat inuusuttullu pisariaqartitsisut ilaqutaasalu suliniutigineqarnissaat ineriartortinniarlugu qulakkeerniarlugulu peqataaffigissallugu suliniutigilluinnarusuppiuk?

Kommune Kujallermi Ilaqutariinnut Sullissivik pisortamik Septembarip ulluisa aallaqqaataani 2021-mi isumaqatigiissuteqarnikkulluunniit sulilersinnaasumik pissarsiorpoq. Atorfik Qaqortumi inissisimavoq.

 

Ilaqutariinnik kiffartuussivik:

Ilaqutariinnut Sullissivik tallimanik immikkoortortaqarpoq: Ilaqutariinnut Sullissivik Qaqortumi inissisimasoq aallaaviussorlu, ilaqutariillu illui marluk Narsami Nanortalimmilu inissisimasut. Tamatuma saniatigut meeqqat inuusuttullu ornittagaat "Neriusaaq" Qaqortumiippoq, tassani inuusuttunut siunnersortit marluupput, kiisalu Qaqortumi aamma angerlarsimaffik siusinaartumik iliuuseqarfik "Apisseq" pilersinneqaqqammerluni. Narsami Nanortalimmilu ilaqutariit illui tamarmik immikkut immikkoortortami aqutsisoqarput, kisianni illit pisortatut illoqarfiit pingasut tamaasa pisortaaffigissavatit.

Ilaqutariinnut Sullissiviup Ilaqutariillu illuisa pingaarnertut kinguaassiutitigut innarliisoqarnerani, nakuusernermi, sumiginnaanermi imminut toquttoqartillugulu nalaassimasamik kingunerlutsitsineq suliassaraat. Ilaqutariinnut Sullissiviup suliassaa tassaavoq ilaqutariit tapersersorneqarnissaat qulakkiissallugu, taamatullu pisoqarsimatillugu ingerlariaqqinnissaannik ikiussallugit. Suliniutit assigiinngitsuupput, ilaat pinaveersaartitsinertaqarlutik, matumani naartulereernermiit ilaqutariit tapersersorneqartarlutik. Qaqortumi Ilaqutariinnut Sullissivimmi psykologit katsorsaanerit pilersaarusiortarpaat, taakkulu aamma atorfimmut atatillugu Narsamut Nanortalimmullu angalasarput. Oqaloqatigiinnikkut katsorsaariaatsit assigiinngitsut, ilaqutariinnut attuumassutillit ataatsimiinneri, sullissisut allallu suliamut attuumassutillit oqaloqatigineri ingerlanneqartarput.

Sammisassat pilersaarusiorneqarsimasut saniatigut pisortap suliami pisortaq aammalu isumaginnittoqarfimmi pisortaq peqatigalugit kommunimi sakkortuumik nalaataqarnermi upalungaarsimasut akisussaaffigai. Ilaqutariinni Sullissiviup pisortaa ilaqutariit sullissivianni/illuanni suleqatit peqatigalugit qaqugukkulluunniit sakkortuumik nalaataqartoqassagaluarpat piaartumik ikiuiartussaaq/iliuuseqassaaq.  Atorfimmi psykologitut ilisimasat pingaarlutillu pisariaqarluinnarput.

 

Suliarisartagassatit:

  • Aqutsineq kiisalu ilaqutariit illuinut tamanut suliakkiineq, peqqutigalugu illoqarfinni tamani assigiissaakkamik katsorsaariaaseqarnissaq anguniarneqarmat. Tamanna ilungersunartoqarsinnaavoq illoqarfinni ilinniakkat nukissallu assigiinngissinnaaqimmata. Taamaammat aqutsisup illoqarfinni immikkoortortami aqutsisunik suliat pillugit isummersoqateqartarnissaa suleqateqarnissaalu pingaarutilerujussuuvoq.
  • Ilaqutariinnik sullissiviup ilaqutariillu illuisa ingerlaneqarerannut immikkortitani missingersuutitigut killiliussat eqqarsaatigalugit aningaasatigut akisussaaneq.
  • Ilaqutariinnut Katsorsaaviup ukiumoortumik suliniutaasa misissorluarsimanissaat. Suliniutit nalunaarsorfiat suliarineqassaaq ukiumullu ataasiarlugu kommunimi aqutsisunut aamma Isumaginninnermut Ataatsimiititaliamut saqqummiunneqassalluni.  
  • Sullissanik innersuunneqartunik katsorsaaneq.
  • Sulisunik oqilisaalluni oqaloqateqarneq ilinniartitseqqinnermullu peqataaneq.
  • Sulisunik kommunillu sulisuinik allanik ilinniartitsinermik pilersaarusiorneq ingerlatsinerlu.

 

Ilinnut neqeroorutigisinnaasavut:

  • Suliassaqarfiit pingaartumik isumallit, allanngorartut pissanganartullu.
  • Suliffeqarfik illit pisortatut aalajangiinernut sunniuteqarfigisinnaasat suleriutsinullu kiisalu suliniutinut inerisaaqataaffigisinnaasat.
  • Piginnaasaqarnerulerneq aammalu atorfik suliassaqarfimmi ilinniaqqinnissamut periarfissalik, matumani oqaloqatigiinnikkut oqilisaavigitinneq.
  • Suliffik ulluinnarsiorpalaartoq qiimasaarfiusorlu.
  • Nalaassinerlussimanermi tarnikkut kingunerluutinik (psykologiske traumer) pillugit itinerusumik ilisimasaqalernissannut periarfissaqassaatit.
  • Psykologit, ilaqutariinnik siunnersortit kiisalu inuusuttunut siunnersortit suleqatigissavatit.

 

Pingaartipparput illit:

  • Naleqquttumik ilinniagaqartutit, ajornanngipat psykologimik tunuliaqutaqarlutit.
  • Pingaartineqarput aqutsisutut misilittagaqarnissaq, kiisalu inuit ilungersunartorsiortut pillugit ilisimasaqarneq, ilaqutariit, meeqqat inuusuttuaqqallu immikkut qitiutillugit.
  • Ilaqutariinnut Sullivimmi/ilaqutariit illuini suliniutit ataatsimoorussaapput, taamaammat nukissat isigalugit ataatsimut isiginninneq aallaavigalugu sulisassaatit.
  • Qajannaatsuussaatit, taamaasillutit suleqativit ilaqutariinnik immikkut ikiortariaqartunut tunngatillugu suliaannut siunnersuillutillu aqqutissiuussisinnaassallutit.
  • Suleqatiginnillaqqissuussaatit suliassaqarfiillu akimorlugit sulineq tapersersorsinnaassallugu.
  • Ersarissumik aqutsisuussaatit tatiginnilluni aqutseriaatsip pitsaassusianik takunnissinnaasoq suliffiullu iluani suliassat naammasinissaannut suleqatit suleqataassallutik.
  • Aningaasaqarnermut suliassaqarfimmullu tunngasunik ingerlatsinermut paasisimasaqarluarlutillu suliaqarsinnaassaatit.
  • Qanoq iliorsinnaassuseqarluassaatit allannguinissamullu piareersimassallutit.
  • Naggataatigullu, nutaanik ilikkagaqarnissamut alapernaatsuussaatit nutaaliaasumillu eqqarsarsinnaassuseqarlutit.

 

Kalaallisut/danskisut oqalussinnaasutit, tamannali piumasaqaataanngilaq.

 

Akissarsiat – atorfinitsinneqarnermullu tunngasut:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Akissarsiat atorfeqarnermilu atugassarititaasut, atorfeqarnermi soraarnermilu angalanissamut pisattallu nassiunneqarnerannut sulisitsisumit akilerneqarsinnaatitaanermut malittarisassat uani ilaapput, taakkua Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

 

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

 

Annertunerusumik paasisaqarusuppit?

Sukumiinerusumik paasisaqarusukkuit pisortap tyullia Sofie Hoffmeyer attavigiuk, oqar. 64 54 20 imaluunniit e-mailikkut: soho@kujalleq.gl imaluunniit Isumaginninnermi pisortaagallartoq Arnârak’ Dorph oqarasuaat 64 53 72 eller e-mail ardo@kujalleq.gl

 

Eqqaamallugu Danmarkimi nal. 12:00-inngoraangat nunatsinni 08:00-inngortarmat.

 

Oqaloqatiginninnerit sapaatip akunnerata 31-ianni pissaat.

 

Paasissutissat pisariallit:

Qinnuteqaat pinerlussimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut tunniunneqassaaq kingusinnerpaamik aggustip ulluisa aappaat 2021 imaluunniit uunga nassiunneqassalluni:

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat