sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Namminersorlutik Oqartussat sulisussarsiorput Aalisarnermik alapernaarsuisussanik Kalaallit Nunaanni Aalisarsinnaanermut Akuersissutinik Nakkutilliisoqarfimmut

Namminersorlutik Oqartussat

Nuuk
Ikkunneqarpoq: 21-07-2020
Piffissaq atuuffissaa naassaaq: 21-08-2020
Suliffissamut ID normut: LJA-80705538
Atorfeqarnermi atugassarititaasut: Tamakkiisoq
Suliassaqarfik: Aalisarneq & fabrikki

Kalaallit Nunaanni Aalisarsinnaanermut Akuersis-sutinik Nakkutilliisoqarfiup (KANUAANA´p), Aningaasaqarnermut Naalakkersuisoqarfimmi immik-koortortaqarfiusup, suliassaraa angallatit aalisarnermi killilersuinermut malittarisassat eqqortinneraat nakkutigissallugu.

Aalisarnermik alapernaarsuisut aalisariutini nunatsinneersunit aamma nunani allaneersunit nunatta imartaani aalisartuni sulisarput.

Suliassat
Inuussutissarsiutigalugu aalisarneq pillugu inatsisartut inatsisaat nalunaarutillu atuutilersinneqartut eqqortin-neqarnissaat siunertaralugu aalisariutini Kalaallit Nunaata imartaani aalisarsinnaanermut akuersissute-qartussaatitaasuni aalisarnermik alapernaarsuisut sulisarput.
Aalisarnermik alapernaarsuisut naatsorsuutigisaria-qarpaat aalisariutini nunatsinneersuni nunat tamalaat imartaanni aalisartoqartillugu sulisarnissaq.
Aalisarnermik alapernaarsuisut saniatigut naatsorsuutigisinnaavaat KANUAANA-mi aalisarner-mik nakkutilliisut aamma piniarnermik nakkutilliisut sulineranni ikiuutaasarnissartik.
Aalisarnermik alapernaarsuisoq ukiumut 189-ini sulisarpoq.

Alapernaarsuisut immikkut suliassarivaat
- angallatit ataasiakkaat aqunneqarnerat, aalisarnerat tunisassiornerallu, tassani ilanngullugu nalunaarsui-nerup nalunaaruteqartarnerullu malittarisassat atuuttut naapertorlugit ingerlanneqarnersut nakkutigissallugit.

Aalisarnermik alapernaarsuisoq naliginnaasumik sapaatip akunneri sisamat arfinillillu akornanni kisimiilluni sulisarpoq.

Angallammi sulereernerup kingorna tamatigut KANUAANA-mut allakkatigut nalunaarusiortoqar-tarpoq najoqqutassat aalajangersimasut naapertorlugit.

Piginnaasat
Aalisarnermik aamma imarsiornermik misilitta-gaqarneq ilisimasaqarnerluunniit iluaqutaassaaq, meeqqat atuarfianni atuarneq naammassisimassallugu kiisalu ilinniarnertuutut aasigisaanilluunniit ilinnia-gaqarnerup naammassisimanissaa kissaatiginarluni. Qarasaasialerinermik piginnaasaqarluarneq nammi-neerlunilu aaqqissugaalluartumik sulisinnaaneq.
Oqaatsitigut allannermik oqalunnermillu piginnaasaqarluarneq kalaallisut, danskisut aamma tuluttut.
Timikkut peqqissuuneq piginnaanerlu piumasaqaataavoq, taamaalillutit peqqissutsimut allagartamik angusisinnaallutit aamma silap qanorinnera apeqqutaatinnagu angallammi sulisinnaallutit.
Atorfeqarnerup nalaani pikkorissarnerit allatullu ilinnartitaanerit naatsorsuutigisariaqarput.

Atorfininnermi atugassarititat
Piffissaq misilinneqarfiusoq qaammatini arfinilinni sivisussuseqarpoq alapernaarsuisumillu misilittaga-limmik suleqateqarfiussalluni. Tamatuma kingorna atofinitsitaasoqarsinnaavoq piffissami atorfinitsitaa-nerup nalaani isumaqatigiissut atuuttoq malillugu. Qinnuteqartut Sisimiuni Nuummilu najugaqartut salliutinneqassapput.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia