VVS-Energimontør-itut ilinniartoq / VVS-Energimontørlærling

Inussuk A/S

Pituffik, Space Base

Ikkunneqarpoq: 23-11-2024

Piffissaq atuuffissaa naassaaq: 17-12-2024

Suliffissamut ID normut: 331600600

Atorfeqarnermi atugassarititaasut: Tamakkiisoq, Suliffimmi sungiusartoq/ Ilinniartoq

Suliassaqarfik: Assassorluni sulineq & sanaartorneq

Atorfiup taaguutaa: Lærling, VVS

Ilinniagaq: FA, Folkeskolens Afgangseksamen

Misilittakkat - Annertunerusumik: Bygge- og anlæg

Oqaatsit:

Danskisut

Atuarneq/ oqalunneq/ allanneq

Attaveqarfissamut paasissutissat

Inussuk A/S

Margrethe Poulsen

Bygningsnr. 274

3970 Pituffik

Oqarasuaat +299 594519

margrethe.poulsen@inussuk-group.com

Inussuk A/S Pituffik Space Basemi aserfallatsaaliinermik sulialik piginneqataasoq Vectrus Services sinnerlugu VVS-energimontøritut sungiusaammik sulisussarsiorpoq.

Soqutiginnikkuit qinnuteqaammik nassiussisinnaavutit ilinniartunut aqqutissiuisumut e-mail: margrethe.poulsen@inussuk-group.com

Aamma qinnuteqaatit allakkatigut nassiussinnaavat:

Inussuk A/S

Att. Lærlingevejleder

Postboks 1

3970 Pituffik

Pingaarpoq imminut ilisaritittissummik allagaqarnissat.

Taakku saniatigut ilanngullugit nassiutissavatit:

• Meeqqat atuarfiani assigisaanilluunniit naggataarutaasumik misilitsinnermi allagartat (prøvekarakterit)
• Majoriaq aqqutigalugu ilinniarnialernissamut akuersissut
• Ajornanngippat sulisitsisorisimasanit oqaaseqaatit
• CV / ilinniakkatigut sulisimanermilu misilittakkat allattorneri

   

  Sakkutooqarfimmi sulilissagaanni makku piumasaqaataapput:

• Aalajangersimasumik Kalaallit Nunaanni najugaqarnissaq – Kalaallit Nunaani ilinniarnermik suliallit aqqutigalugit ilinnialernissamut akuersissummik peqaruit assigiinnarpaa

• Namminersorlutik Oqartussat aqqutigalugit ilinniagaqarnersiuteqarsinnaatitaaneq

• Pinerlussimalluni pineqartissinneqanngitsutut allagartaqarneq – qinnuteqarnermi uppernarsaat ilanngunneqasssanngilaq 

Aammattaaq piumasaqaataavoq naammaginartumik qallunaatut attaveqaqatiginnissaanissat. Qinnuteqartup oqaatsitigut attaveqaqatiginnissinnaanera nalilerniarlugu oqaaseqartitsiniarluni oqaloqatigiinnermik ingerlatsisoqartarpoq 1 tiimip missaani sivisussuseqartartumik oqarasuaatikkut imaluunniit internet atorlugu.

Qinnuteqaatit tigoreerutsigu ilinniartunik aqqutissiuisumit attavigineqarumaarputit.

Akissarsiat

Naalakkersuisut, Finansmínisteriap aamma Sulinermik Inuussutissarsiuteqartut Kattuffiata akornanni ilinniartut pillugit isumaqatigiissutaa aammalu kattuffik Danske Virksomheder i Grønland (FADVIG) og BAT-Kartellet malillugit akissarsiaqartinneqartarput.

Sungiusaammik sulisut Pituffik Space Base-mi sulinermi nalinginnaasumik akunnerit 51,5 tiimit sulisarnerit malittarpaat. 40 tiimit aallaavigalugit nalinginnaasumik sulinertut tunniunneqartarput sinneruttullu 11,5 tiimit qaangiuttoornersiutitut, tiimermusiap qaavatigut 50%-imik ilallugit tunniunneqartarlutik.

Sulinngiffimmi akissarsiassat katersorneqarneq ajorput aningaasarsianut ilanngullugit tunniunneqartarmata, taamattumik sulinngiffeqarnerup nalaani aningaasarsiaqartoqarneq ajorpoq.

Angalanerit

Angalanerit siumut utimullu Pituffik Space Base-p illoqarfigisallu akornanni Inussuk A/S-ip akilertarpai.