sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

PI/SPS Perorsaasumut ikiortimut ataqatigiissaarisumik ilinniartitsisumillu pissarsiorpoq

Namminersorlutik Oqartussat

Ilulissat
Ikkunneqarpoq: 19-10-2021
Piffissaq atuuffissaa naassaaq: 05-11-2021
Suliffissamut ID normut: LJA-82839572
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

Kalaallit Nunaanni Perorsaanermik Ilinniarfik Perorsaasumut ikiortitut Inuutissarsiummik ilinniagartuut ilinniarnermut ataqatigiissaarisumik Ilinniartitsisumillu pissarsiorpoq

Unamminarsinnaasunik nutaanik sapiissuseqarpit, siuariartuutaasinnaasunillu takorluuisinnaassuseqarlutit, taava PI/SPS-imi Perorsaanermik Ilinniarfimmi Ilulissaniittumi ataqatigiissaarisutu ilinniartitsisutullu t atorfik soqutiginartoq inuttassarsiorneqarpoq. PI/SPS Kalaallit Nunaanni perorsaanermik seminariatuaavoq, nunarsuarmi kangerluit iigartartullit annersaat kusanarnerpaallu, nunarsuup kingornutaatut erligisassatut UNESCO-mit ilanngunneqarsimasup, qanittuani inissisimaffeqartoq.

Seminaria 300 missaanik ilinniartoqarpoq ilinniartitaanernut assigiinngitsunut arfineq marlunnut agguataarsimasut: isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq (maannakkut iluarsaanneqarpoq perorsaasumut ikiortitut), ulluunerani meeqqanik sullissinermi ikiortinngorniarneq, siunnersuinermi ikiortitut kiisalu isumaginninnerup iluani siunnersortitut. 40-nik sulisoqarpugut taakkunannga 20 missaat ilinniartitsisuullutik.

PI/SPS nuna tamakkerlugu suliassaqarfii pingaarutillit makkuupput:

  • Perorsaanilerinermi sulisussanik piukkunnartunik ilinniartitsineq
  • Perorsaanermik suliassaqarfik tamakkerlugu pikkorissarnernik ilinniagaqaqqinnernillu isumaginninneq
  • Perorsaanermik suliassaqarfimmi – suliatigut ilinniartitaanernullu tunngasutigut - ineriartortitsineq isumassarsiornerlu
2022-mi ukiaanerani atuarfiusoq aallarnerfigalugu, najugaq qimannagu perorsaasumut ikiortitut ilinniarneq neqeroorutigineqalissaaq, najugaq qimannagu perorsaanermik ilinniarnerup aaqqissuuteqqinneqarneraneersoq. Taamaattumik ilinniartitsisumik pissarsiorpugut, ataqatigiissaariutigisussamik; Perorsaasumut ikiortitut ilinniagartuutut inuutissarsiummik ilinniarnertut aamma / imaluunniit perorsaasumut ikiortitut ilinniagartuutut atuagarsorluni ilinniarnertut neqeroorutaasinnaasussamut.

Ilinniartitsisumik eqaatsumik ineriartortitserusuttumillu pissarsiorpugut, perorsaanermik suliassaqarfiup iluani pimoorussinermi saniatigut suleqammik suleqatiginnikkusuttumik, avatangiisiminut inussiarnersumik suliassaminullu ajunngitsumik suleriuseqartumik. Suleqatitsialaavutit, ajunngitsumik siunertaqarluni avatangiisiminik naapitsisartoq aamma suliassaminik tigusisartoq.
PI/SPS-ip qitiusumik immikoortortaqarfiani Ilulissaniittumi atorfinissaatit aammalu najugaq qimannagu perorsaasumut ikiortitut ilinniartitaanerup sinaakkutaanut tunngatillugu kiisalu ilinniartitsinermut atatillugu suliassanut pineqartillugit ataqatigiissaarisinnaassuseqassallutit.
Naatsorsuutigissavat sulinermut atatillugu angalasarnissaq, apeqqutaalluni ilinniartitsineq sumi ingerlanneqassanersoq.

Ilinniartitsisutut eqaatsoq ineriartortitsinissamut isumaliuteqarsinnaasoq, perorsaanermilu suliassaqarfiup iluani kajumissuseqarnerata saniatigut suleqatitut pitsaasoq, suleqatikkuminartorlu pissarsiarerusupparput, avatangiisiminut suliassaminullu ajunngitsumik isummertaaseqartoq.
PI/SPS-imi ilinniartitsisoqatigiinnut pikkorissorsuarnut ilaalissaatit, perorsaanilerinerup iluani suleqataallutit. Ataqatigiissaarisutullu Kalaallit Nunaanni perorsaanilerinermik suliassaqarfimmi allannguinernut sunniuteqaqataanissamik, ilinniarfiup takorluugaanut naapertuuttumik, ilinniartitsinerit sunniuteqarfiginissaannut ineriartortitseqataaffiginissaanullu periarfissaqassallutit.

Qinnuteqartuni ilinniakkamik atuilluarsinnaaneq piginnaasallu makku pingaartinneqarput:
  • Perorsaasutut ilinniagaqartoq Bachelorniveaumi, attuumassutilimmilluunniit ilinniagaqaqqissimasoq masteritut kandidatitulluunniit.
  • Inuussutissarsiutini perorsaanilerinermik suliassaqarfimmi aamma/imaluunniit inersimasunik ilinniartitsinermik misilittagaqarnerit iluaqutaassaaq.
  • Ilinniartitsinermik misilittagaqartoq aamma inuusuttunik imaluunniit inersimasunik ilinniartitsinissamik kajumissuseqartoq.
  • Kulturillu allat aallaavigalugit sulinissat ammaffigalugu.
  • Suliassarpaaluit namminersorlutit suleqateqarlutillu aaqqissuullugit ataqatigiissarlugit ataatsikkut naammassineqarnissaannut ingerlatsisinnaasoq
  • Suleqatigiinneq nakuussutitut isigaat, aamma suliaqarfiit assigiinngitsut suleqatigiinnerini
  • Kalaallit oqaasiinik atuisuussaatit – perorsaasunut ikiortitut ilinniakkap ataqatigiissarnerani, aaqqissuunnerani aamma ilinniartitsinerni kalaallit oqaasii aallaaviusussaagamik
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat sukumiinerusut Teamleder Benedikte Petersen Løvstrøm imal. Tullersorti Marianne Nissen oqarasuaat +299 38 35 50-ikkut mail: allaffik@pi.sps.gl-ikkut pissarsiarineqarsinnaapput.

Piaartumik atorfik jannuaarip 15-ani 2022 imaluunniit sukumiinerusumik isumaqatigiissuteqarnerup kingornatigut inuttalerneqarusuppoq.

Qinnuteqarfissaq ulloq kingulleq 5. November 2021 nal. 8:00 (Kalaallit Nunaata kitaata nal. malilugu)

Seminaria pillugu www.pi.sps.gl–imi

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia