sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ungerådgiver

Kommune Kujalleq

Qaqortoq
Ikkunneqarpoq: 12-01-2022
Piffissaq atuuffissaa naassaaq: 02-02-2022
Suliffissamut ID normut: LJA-83219388
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Isumaginnittoqarfik, Atuartitsineq & Meeqqerineq

Familiecenter inuusuttunut siunnersortimik pissarsiorpoq

ALLARSIUTEQQITAQ:


Qaqortumi Familiecenter martsip ulluisa aallaqqaataat 2022 imaluunniit sukumiinerusumik isumaqatigiissuteqarnikkut inuusuttunut siunnersortitut atorfinittussamik pissarsiorpoq.


Familiecenterimi sulisut tassaapput ilaqutariinnik siunnersuisartoq, siusinaartumik iliuuseqarnermi sulisoq kiisalu atorfik nutaaq inuusuttunut siunnersorti, taassumalu isumagisarai meeqqat inuusuttuaqqallu immikkut pisariaqartitsisut ajornartorsiutinut pinerluinnermullu qanittuusut.


Isumaginninnermik siunnersortitut, perorsaasutut inulerinermiluunniit assingusumik ilinniarsimasuuit? Aalajaajaatsuuit? Ammasuuit? Aammalu eqeersimaartuuit? Suleqatigiit akornanni sulisinnaavit kiisalu ammasuullutillu eqaatsumik sulisinnaavit?


Inuusuttunut siunnersortip pingaarnertut makku akisussaaffigissavai:

  • Meeqqanik inuusuttuaqqanillu mianerisarialinnik pinerlunniarnissamullu aarlerinartorsiortunik sullissinermi akisussaasoq.
  • Tassunga ilanngullugu sulianut ataasiakkaanut sukuiaalluni misissuinermi ujartuilluni suliaqarneq, siunnersuineq, oqaloqatigiinnerit ineriartorfiusut, tapersersuiffiusut soqutiginninnermillu takutitsiffiusut pinaveersaartitsinermillu suliaqarneq.
  • Sullissivinnik assigiinngitsunik meeqqat inuusuttuaqqallu attuumassuteqarfigisartagaannik suleqateqarneq.
  • Inuusuttunut siunnersorti Inunnik Isumaginnittoqarfimmi meeqqanut inuusuttunullu tunngatillugu assigiinngitsunik suliaqartunut avataanilu suleqataasinnaasunut ilaavoq.
  • Pinaveersaartitsinermut siunnersortimut isummersoqatiginnittassalluni, kiisalu pinaveersaartitsilluni sulianut nalinginnaasunut, suliniutinut aalajangersumik siunertalinnut, paasititsiniaanernut allanullu peqataasassalluni.
  • Meeqqat, inuusuttuaqqat kiisalu ilaqutaat angalaaqatigisassallugit. Assersuutigalugu savaateqarfinnut assigisaannullu.
  • Meeqqat inuusuttullu Ornittakkamukartartut inuunerminni qanoq iliorsinnaanerat pillugu siunnersorlugillu ilitsersortarnissaat.
  • Atuarfik angajoqqaallu suleqatigalugit iliuusissatut pilersaarusiorneq.
  • Meeqqamut aalajangersimasumut tatigisatut inissisimaneq piffissallu ilaani atuarfimmi sulineq. 
  • Politiinik suleqateqarneq meeqqallu killisiorneqarnerannut peqataaneq.
  • Nalunaarusiornerit.


Naatsorsuutigaarput:

·Ingerlalluartuusutit, qanilaartuusutit, eqeersimaartuusutit aammalu meeqqat inuusuttullu ingerlalluarnissaat pillugu sulissuteqarumasuusutit.

·Kalaallisut oqaaseqartuunissat danskisullu paasinnissinnaasuunissat.

·Isumaginninnikkut siunnersuisartutut, perorsaasutut ilinniartitsisutulluunniit ilinniagaqarsimasuunissat, imaluunniit allatut ilinniagaqarsimasuullutit meeqqat inuusuttullu sullinneqartarnerini misilittagaqqortuujunissat.


Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 


Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu atorfinititsisoqassaaq.


Atorfik pillugu sukumiinerusumik paasisaqarniaruit immikkoortortami pisortaagallartoq Sofie Hoffmeyer-imut attaveqarsimmaavutit, oqarasuaammut uunga +299 64 54 22 imaluunniit, imaluunniit mailikkut: soho@kujalleq.gl


Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri il. il. kingusinnerpaamik ulloq febraaruip ulluisa aappaat 2022 kommunimit tiguneqareersimassapput nittartagaq aqqutigalugu.


MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiunniunneqassapput.





Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia