sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aalisarnermut Piniarnermullu Naalakkersuisoqarfik / inatsisilerinermut immikkoortortaqarfik chefkonsulentimik pissarsiorpoq

Namminersorlutik Oqartussat

Nuuk
Ikkunneqarpoq: 14-01-2022
Piffissaq atuuffissaa naassaaq: 05-02-2022
Suliffissamut ID normut: LJA-83229668
Atorfeqarnermi atugassarititaasut: Tamakkiisoq
Suliassaqarfik: Aalisarneq & fabrikki

Aalisarnermut Piniarnermullu Naalakkersuisoqarfimmi Kalaallit Nunaanni pisuussutit uumassusillit aqunneqarnerinut tunngasut suliarineqartarput, suliassaqarfiit pingaarnerit makkuusut aallaavigalugit: Aalisarneq, piniarneq, nakkutilliineq misissuinerlu kiisalu inuussutissalerinermut tunngasut. Naalakkersuisoqarfik tallimanik immikkoortortaqarpoq, matumani inatsisilerinermut, aningaasaqarnermut pilersaarusiornermullu immikkoortortaqarfik, katillugit 7-inik sulisoqarpoq, taakkunannga inatsisilerituut pingasuupput kiisalu immikkoortortaqarfimmi pisortaq. Kalaallit Nunaanni pisuussutinik uumassusilinnik aqutsinermi inatsisilerineq, aningaasaqarnermut misissuinerit pilersaarusiornerillu kiisalu Aalisarnermut, Piniarnermullu Naalakkersuisup kiffartuunnera immikkoortortaqarfiup pingaarnertut suliassarai.
 
Inatsisilerinermut immikkoortortaqarfimmi inatsisilerituutut makku periarfissarissavatit:

  • Inatsisartut inatsisissaanik kiisalu nalunaarutinik naalakkersuisoqarfiup suliassaqarfiini pingaarneri suliaqarneq, tassani ilanngullugu aalisarneq pillugu inatsisartut inatsisissaata nutaap suliarineqarlersumi peqataanissaq.
  • Ombudsmandip Inatsisartunut saaffiginnissutaanik akissuteqartarnermik suliassat.
  • Politiinut unnerluussutinik suliaqarneq tamatumalu kingorna Aalisarnermut Piniarnermullu Naalakkersuisoqarfiup politiinut oqaaseqaataanik suliaqarneq.
  • Allagaatinik takunnissinnaatitaaneq pillugu sulianik suliaqarneq.
  • § 37-mut tunngatillugu Inatsisartut apeqqutaannik akissuteqarnerit.
  • Aalisarnermut, Piniarnermut Nunalerrinermullu Ataatsimiititaliap apeqqutaanik akissuteqarnerit.
  • Aalisarnermut Piniarnermullu Naalakkersuisumik kiffartuussineq.
  • Inatsisinut tunngasunik allakkianik naalakkersuisoqarfimmi pisortanut suliaqarneq.
  • Inatsisiliorneq pillugu kiisalu sulianik sullissinermut ingerlatsinermilu inatsiseqarneq pillugit immikkoortortaqarfimmi sulisunik siunnersuineq.
  • Inatsisinut tunngasunik nassuiaassinerit.
  • Inatsisilerinikkut pitsaassutsimik qulakkeerinninnerit.
Naatsorsuutigaarput,
  • Cand jur.-itut ilinniarsimasuussasutit.
  • Suliassaqarfimmi immikkut ilisimasaqarlutillu misilittagaqartutit.  
  • Politikkikkut aqunneqartumi aaqqissuussaanermi sulinermik paasisimasaqassaatit pisortallu allaffissorneranik soqutigisaqarlutit.
  • Nammineerlutit, pilersaarusiorluakkamik kiisalu anguniagaq aallaavigalugu  sulisinnaassuseqartutit.
  • Allanik suleqateqarluarsinnaasutit.
  • Sulianut tunngasutigut siamasissumik piginnaasaqartutit ajornartorsiutaalersunillu sukkasuumik iliuuseqartarnermik piginnaasaqassasutit.
  • Naalakkersuisoqarfiup suliassaanik ataatsimoortumik suliaqarnissamut piareersimaneq, ingammik piffissami ulapaarfiusumi. 
  • Suliassaqarfinni ineriartorneq pillugu ilisimasassanik katersillaqqissuussasutit.
 
Aningaasarsiat atorfinitsitaanermilu atugassarititaasut
Aningaasarsiat atorfinitsitaanermilu atugassarititaasut Kalaallit Nunaanni Namminersorlutik Oqartussat DJØF-illu akornanni atorfininnerup nalaani isumaqatigiissutaasut atuuttut naapertorlugit ingerlanneqassapput.
 
Atorfinitsitsineq immikkut naliliineq tunngavigalugu ingerlanneqassaaq.
 
Ineqarneq
Atorfimmut atatillugu sulisunut inissiamik innersuussisoqarsinnaanngilaq.  
 
Qinnuteqaat
Qinnuteqaat ilinniarsimasat siusinnerusukkullu sammisimasanik CV-italerlugit kiisalu soraarummeersimanermut allagartat nuutinneri ilanngullugit uunga nassiunneqassapput: apn@nanoq.gl
 
Aalisarnermut Piniarnermullu Naalakkersuisoqarfik
Postboks 269
3900 Nuuk 
 
 
Qinnuteqaatit A-post-inngorlugit imalluunniit Email aqqutigalugu nassiunneqassapput. Qinnuteqaat naalakkersuisoqarfiup kingusinnerpaamik ulloq 4. Februar 2022-imi tigoreersimassavaa. Atorfimmi sulilernissaq piaartumik isumaqatigiissuteqarnikkut  aallartissaaq.
 
Paasissutissat annertunerusut uannga pissarsiarisinnaavatit: Immikkoortortaqarfimmi Pisortaq Emanuel Rosing tlf. +299 34 53 32 / e-mail emro@nanoq.gl.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia