sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kalaallit Nunaanni Brugseni

Nuummi qullersaqarfimmi pikkorissumik pisiortornermi pisortassarsiorpugut / Vi søger en dygtig indkøbschef til hovedkontoret i Nuuk

Kalaallit Nunaanni Brugseni

Nuuk
Ikkunneqarpoq: 14-05-2019
Piffissaq atuuffissaa naassaaq: 01-06-2019
Suliffissamut ID normut: 330024053
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Aqutsineq
Atorfiup taaguutaa: Indkøbschef
Ilinniagaq:
Misilittakkat - Annertunerusumik: Funktion - Indkøb
Oqaatsit:
Danskisut Atuarneq/ oqalunneq/ allanneq
Kallaallisut Paasisinnaavakka

Nuummi qullersaqarfimmi pikkorissumik pisiortornermi pisortassarsiorpugut

Kalaallit Nunaanni Brugseni (KNB) Kalaallit Nunaanni pisiniarfeqarfiit annersaraat. Kalaallit Nunaanni illoqarfinni annerni arfineq-pingasuni 17-inik pisiniarfiuteqarpugut, pingaartitallu pitsaalluinnartut ilaasortatsinnit tusindtilippassuarnit aalajangersarneqartut tunngavigalugit sulivugut. Kalaallit Nunaanni – inuiaqatigiinnut, avatangiisinut sulisutsinnullu 500-nit amerlanerusunut – malunnartumik iluaqutaarusunnerput kajumississutigalugu sulivugut.

2019-imi pisiniarfinnik nutaanik marlunnik Nuummi Ilulissanilu ammaavugut. Kalaallit Nunaanni suliffeqarfinni siullersaalluta Great Place to Work-imik uppernarsaaserneqarpugut. Kalaallit Nunaanni suliffeqarfiit annersaanni tusaamasaalluassuseq pillugu attuumassuteqanngitsunut misissuinermi normu 1-itut toqqagaavugut. Kalaallit Nunaanni tamarmi ineriartorluartoqarpoq, angusarpassuaqarpugullu tulluusimaarutigisatsinnik.

Ineriartornerli angusaqarnerillu kajumississutigalugit suligaluarluta aammattaaq pisinianut inuppalaartuuneq attaveqarluarnerlu pikkoriffigaavut, taakkua iluanaaruteqartarmata soorunalimilu pisiassat eqqortut, akit eqqortut piffissarlu eqqortoq anguniartarmatigit, aammali ilaasortavut illoqarfimmi nunalu tamakkerlugu suliffeqarfimmut inuiaqatigiinnullu sunniuteqaqataasinnaagamik.

KNB-mi pisiortornermi pisortatut suleqatigiinnut pikkorissunut sullarissunut siuttuussaatit. Tamatuma saniatigut Kalaallit Nunaanni pisiniarfeqarfiit pitsaanersaanni qullersaasut qanimut suleqatigissavatit. Massakkorpiaq soqutiginartumik allannguiartoruttorpugut, digitalinillu atuiffiuneruleraluttuinnartuni unamminiartunik aaqqiiniarnermi Coop suli suleqatiginerulissallugu.

Pisiortornermik immikkoortortaqarfimmi KNB-mut ilaavoq pingaarutilik, pisiniarfeqarfittut suliassarigatsigu pisisartut piumasartagaannik – ullut tamaasa – qinigassaateqarnissatta qulakkeernissaa. Tamatuma saniatigut qulakkiissavarput pisiassat eqqortunik amerlassuseqartillugit piffissarlu eqqorlugu tunniunneqartarnissaat, soorluttaaq qulakkiissagipput pisiortorfigisartakkatsinnut aalaakkaasumik sungiussisimasumillu suleqatiginnittarnissarput unammillersinnaassutsitsinnik pitsanngorsaaniarluta.

Suliassat pingaarnerit ukuupput
KNB-mi pisortaqatigiinni suleqataassaatit pingaarutilik, pisiniarfeqarfimmi tamarmi aalajangiinermut sunniuteqaqataanissamut periarfissaqassallutit.
Aammattaaq digitalinik atuinermut nuukkiartornermi, massakkorpiaq Coop Danmarkimi ingerlanneqartumi, KNB-mi pisiortornermi suleriaatsit amerlanersaannut sunniuteqartussami, pingaaruteqassaatit.
Pisiortornermik immikkoortortaq, sisamanik aallussilluartunik sulisulik, akisussaaffigissavat. Suleqatigiit piginnaaneqarluartut eqqortut, pisiniarfinni sullissinermut eqqortumik isiginnittaasillit, siulersornissaat, ineriartortinnissaat ingerlaavartumillu inuttalertarnissaat akisussaaffigissavat.
Pisiortortarfinnut isumaqatigiissutit pingaarnerit inaarniartassavatit, qulakkeertassavallu pisiniarfinnut aatsinernut pitsaanerpaamik aaqqiissuteqartarnissat.
Pisortaqatigiit allat peqatigalugit pisiniarfinnut pisiniartartut tunngavigalugit qinigassanik illoqarfimmut naleqqussaanissaq isumagissavat, aammattaaq qulakkiissavat pisiassat pingaarnerit tamarmik illoqarfinni tamaniinnissaat.
Pisiortornermut tunngatillugu tamakkiisumik missingersuusiorneq akisussaaffigissavat.

Suliatigut piginnaasat
Pisiortornermi pisortatut assingusumik atorfeqarsimanermik imaluunniit pisiniarfimmi pisortaasimanermik/niuertarfimmi aqutsisuusimanermik misilittagaqarnermik uppernarsaasinnaaneq.
Pisiniarfeqarfinnik pisiniarfimmillu ingerlatsinermik paasisimasaqarluarneq.
Allaffissornermi atortunik, ilaatigut CDW, HOD aamma boks2 pillugit, ilisimasaqarneq.

Inuttut piginnaasat
Pimoorussisuullutillu angusaqarluarniartuuvutit.
Inuppalaartumik pisortaasinnaaneq pingaartippat sulerusussuseqalersitsisinnaasuullutillu.
Piumassuseqarluarlutit isumaqatigiissutinik naammassinninniartarputit.
Ulluinnarni ulapaarfiusuni qiimasinnaavutit.

Ilinnut neqeroorutigaavut
Namminersorluni sulisinnaaneq nammineq aamma KNB-mi pisortaqatigiinniittut qanimut suleqatigalugit angusaqarluarnissamut periarfissaqarluarluni.
Suliatigut inuttullu ineriartornissamut periarfissaqarneq.
Malittarisassianut atuuttunut naapertuuttumik suliffimmut atatillugu ineqarneq pigisallu nuunnerannik akiliunneqarneq.
Akissarsiaqarluarneq, ilaatigut ukiumoortumik feriefrirejseqarneq.

Nuuk pillugu
Nuuk Kalaallit Nunaanni illoqarfiit pingaarnersaat 18.000-t missaanniittunik inoqarpoq. Illoqarfik inunnut qanorluunniit ukiulinnut sammisassanik neqeroorutissaqarluarpoq. Ilaqutariinnut assigiinngitsorpassuarnik periarfissaqarpoq meeqqanullu pitsaasunik atuarfeqarluni. Illoqarfimmi sammisassaqarluarpoq pisiniarnissamut, caféniinnissamut, filmeriarnissamut nalugiarnissamullu periarfissaqarluarluni. Kalaallit Nunaata sineriaani sumiiffinni allanisulli Nuuk pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamullu periarfissaqarluarluni.

Qinnuteqarnissamut killigititaq 
Kingusinnerpaamik juunip 1-iat 2019, sioqqulluguluunniit.
Ingerlaavartumik oqaloqateqartoqartassaaq.
Isumaqatigiissutigineqartoq naapertorlugu atorfininneq

Qinnuteqaatit nassiunneqassapput nittartagarput una aqqutigalugu www.brugseni.gl/job (e-mailikkuunngitsoq).

Atorfik pillugu apeqqutissaqaruit attavigiuk
Pisortaaneq Susanne Christensen, oqa. +299 36 35 09, mail susanne.christensen@knb.gl
Nittartagaq: www.brugseni.gl
Facebook: Kalaallit Nunaanni Brugseni

Qinnuteqarit
https://brugseni.gl/gl/job/?hr=show-job%2F43892%26locale%3Dkl_GL

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia