Aaqqissuussinermut akisussaasumik taartaasussamik kultur aamma eventimi / Barselsvikar som Arrangementsansvarlige til Kultur

Kommuneqarfik Sermersooq

Nuuk

Ikkunneqarpoq: 31-08-2023

Piffissaq atuuffissaa naassaaq: 21-09-2023

Suliffissamut ID normut: 331576431

Atorfeqarnermi atugassarititaasut: Tamakkiisoq

Suliassaqarfik: Eqqumiitsuliorneq, kulturi & timersorneq

Atorfiup taaguutaa:

Misilittakkat - Annertunerusumik: Analyse, ledelse

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Kultureqarnermut Aaqqissuussanullu Immikkoortortaqarfimmut Pikkorissumik tunniusimasumillu Aaqqissuussinermut akisussaasumik erninermut atatillugu sulinngiffeqarnermi taartaasussamik piaartumik imaluunniit isumaqatigiissuteqarnikkut atorfinittussamik pissarsiorpugut.

Suliassanut isumassarsianik ineriartortitsinernut, pilersaarusiornernut, ataqatigiissaarnernut, missingersuusiornernut, pisiortornissamut inniminniisinnaanernullu tunngasunut tamakkiisumik takunnissinnaavit? Ulapaarfinnilu uippallernak suliassanik ingerlatsisinnaavit. Ulluinnarni sulininni illup iluani avataanilu suliassanik ataqatigiissaarineq sungiusimaviuk? Taamaappat immaqa illit atorfissaqartippatsigit.

Allaffimmi suleqatigiissitani tallimaasunut ilanngutissaatit suleqatillu Eqqumiitsulianik Saqqummersitsivimmi, Nuummi Katersugaasivimmi Kittani kiisalu Kommuneqarfik Sermersuumi illoqarfinni allani kultureqarnermut immikkoortortani agguataarsimasut. Atorfimmi Kultureqarnermut Aaqqissuussanullu immikkoortortami aqutsisoq qaninnertut aqutsisorineqarpoq.

Atorfiup imarisaa:

Immikkoortortaqarfimmi suleqatigiinnut ineriartortitsinissamik aallussisunik tunniusimasunullu suleqataasussamik Aaqqissuussinernut ataqatigiissaarisussarsiorpoq, suliassanut assigiinngitsunut ukununnga akisussaasussaasussamik:

• Immikkoortortaqarfiup aaqqissuussaanik ingerlatsineq tassunga missingersuusiorneq, pilersaarusiorneq nalilersuinerlu ilanngullugit. 
• Kultureqarnermut immikkoortortamik, immikkoortortanik allanik suleqatigisanillu suleqateqarneq.
• Suliassat takkussuuttut nalinginnaasut

Suliassat immikkoortortaqarfimmi suleqatitit allat kiisalu imikkoortortaqarfimmi aqutsisoq qanimut suleqatigalugit suliarineqassapput.

Qinnuteqartunut naatsorsuutigisat:

• Aaqqissuussanik piareersaasinnaasutit ataqatigiissaarillutillu.
• Kulturikkut aaqqissuussanik ingerlatsisinnaavutit
• Allaffeqarfimmi suliassanik suliaqarsinnaasutit.
• Attaveqaqatigiilluarsinnaasutit.
• Suliffeqarfimmi politikkikkut aqqunneqartumi sulisinnaassuseqartutit
• Pinerlussimannginnermut uppernarsaateqartutit meeqqanillu pinerliisimannginnermut uppernarsaateqartutit.

Tamatuma saniatigut pingaartipparput, illit:

• Aalajaatsuunissat aaqqissuussamillu ingerlatsisinnaasutit.
• Erseqqissumik paatsoorneqarsinnaanngitsumillu attaveqaqateqarsinnaasutit.
• Nammineerluni sulisinnaasoq, akisussaassuseqartoq sullissiumatoorlu
• Tatitooq, pilersitsiniaallaqqissoq, inissaqartitsiuartoq piumassuseqarluartorlu
• Immikkoortortami suliassat ingerlanneqarnerini ingerlaavartumik ineriartortitsinermut pitsanngorsaanermullu suleqataaneq
• Siammasissumik suleqateqarluarsinnaaneq.
• Marluinnik oqaasilik (kal/da) piumaneqarneruvoq

Neqeroorutigaarput:

Suliffik Kommuneqarfik Sermersuumi kulturikkut aaqqissuussanut unammillernartoq sunniuteqaqataalluarsinnaanissamillu periarfissalik immikkoortortamilu pitsaassutsimik ineriartortumillu qitiutitsisumik namminersorluni akisussaaffeqarneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpagut.

Annertunerusumik paasisaqarusukkuit:

Annertunerusumik paasisaqarusukkuit immikkoortortaqarfimmi pisortaq Jonas Nilsson attavigisinnaavat uunga oqarasuaat +299 28 83 40 imaluunniit e-mail-imut uunga: jonl@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Namminersorlutik Oqartussat aamma kattuffiup isumaqatigiinniarsinnaatitaasup akornanni isumaqatigiissut sukkulluunniit atuuttoq naapertorlugu akissaasersuisoqassaaq atorfinitsitaanermilu atugassaqartitsisoqarluni.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 616-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALUGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: septembarip 21.-at, 2023