sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

2 Ergoterapeuter eller fysioterapeuter

Kommune Kujalleq

Qaqortoq
Ikkunneqarpoq: 21-09-2021
Piffissaq atuuffissaa naassaaq: 12-10-2021
Suliffissamut ID normut: LJA-82692299
Atorfeqarnermi atugassarititaasut: Tamakkiisoq
Suliassaqarfik: Allat, Peqqinnissaq, Isumaginnittoqarfik

Qaqortumi Pillorissaasoqatigiit timimik sungiusaasunik/pillorissaasunik marlunnik pissarsiorput, taakkunani ataaseq pillorissaasutut aqutsisuussalluni.

ALLAGARSIUTEQQITAQ:


Qiimasuuit, suliassat allanngorartut suliarilluarsinnaavigit pillorissaallaqqillutillu? Taava kujataanut alianaaqisumut pillorissaasussatut ujartugarput illiuvoq. Ulloq decembarip ulluisa aallaqqaataat 2021 aallarnerfigalugu isumaqatigiissuteqarnikkulluunniit timimik sungiusaasunik/pillorissaasunik marlunnik sapaatit akunneranut akunnerni 40-ni sulisartussanik pissarsiorpugut.

Qaqortumi Pillorissaasoqatigiinni maannakkut atorfeqartut tassaapput timikkut sungiusaasut marluk, pillorissaasoq ullup affaani sulisartoq pillorissaasumullu ikiorti ataaseq, matumanilu timimikkut sungiusaasup aappaa Pillorissaasoqatigiinni pillorissaasuunertut atuuffeqarpoq. Qaqortoq aallaavigalugu sulisalissaatit, tassani najugaqassallutit ulluinnarnilu suliffeqassallutit. Kommunimi illoqarfinnut nunaqarfinnullu allanut angalasoqartassaaq.


Kommune Kujallermi Pillorissaasoqatigiinni pillorissaasutut piginnaanngorsaanermut tunngatillugu innuttaasunik suliniuteqarnermi, ataavartitsisunik sungiusaanermi, meeqqanut atortorissaarutinullu tunngatillugu suliamik qitiutitsinerup suliallu pitsanngorsarnissaannut peqataassaatit. Pillorissaasut timimik sungiusaasarfianni, innuttaasut angerlarsimafiini sumiiffinnilu allani innuttaasup ikiortaa/tapersersortaa peqatigalugu suliat tikillugit sullissisarsinnaassaatit. Piginnaanngorsaaqqiinermut aamma sungiusarnissamut periarfissat kiisalu atortorissaarutit ulluinnarni innuttaasumut ikiorsiissutaalluarsinnaanerannik nalilersueqataasassaatit.

 

Timimik sungiusaasup/pillorissaasup suliassai:

·Misissuinerit, naliliinerit kiisalu innuttaasut assigiinngitsunit tunuliaqutalinnit piginnaasatigut allanngutsaaliisumik / piginnaanngrsaaqqiiviusumik sungiusarneqarnerat.

·Ataavartitsisussamik sungiusarneq, ataasiakkaarinikkut eqimattakkaartumillu.

·Qinnuteqaatinik suliaqarneq iluaqusersuutissanik aamma inigisami allannguutit.

·Iluaqusersuutinik pisiniarnerit, tunniussineq kiisalu ikiuutinik sungiusaaneq/ilitsersuineq.

·Allaffisornikkut suliassat takkusuutut allat.

·Innuttaasunik, ilaqutaasunik aammalu assigiinngitsunit tunuliaqutalinnit ataatsimeeqateqartarneq.

·Innuttaasut ilaqutaasullu namminneq sungiusarnissaannut siunnersuineq.

·Innuttaasut, tapersersorteqarneq, paaqqinnittoqarneq, sullitanik nuutitsinermut teknikki pillugu sulisoqarneq, nappaatinik misissuineq, kingusissukkut qaratsakkut ajoquteqalertarneq allallu pillugit ilinniartitsineq.


Aqutsisutut pillorissaasup:

·Pillorissaasoqatigiinnut innuttaasut innersuunneqarsimasut tigoorarnissai suliassatigullu agguataarinissaq akisussaaffigissavai.

·Ataavartitsisussamik sungiusaatit suliniutigineqarnerisa kommunillu innuttaasuisa piginnaanngorsaqqinnissaasa qulakkiissavai.

·Siunnersuinerit, nalilersuinerit, katsorsaanerit kiisalu pillorissaanerit suliaqarfimmi malittarisassat malillugit suliarineqarnersut tamakkiisumik akisussaaffigai.

·Iluaqusersuutinik toqqorsivik, iluaqutinik tunniussineq ilitsersuinerlu tamakkiisumik akisussaaffigai.

·Suliassaqarfimmi missingersuutit ingerlaavartumik nakkutigissavai.

·Aqutsisutut pillorissaasoq aamma timimik sungiusaasutut imaluunniit pillorissaasutut atuuffeqarpoq.


Pingaartipparput illit:

·Meeqqanut utoqqarnullu tunngasunik suliassaqarfimmut, innarluutillinnut piginnaanngorsaaqqiinernullu soqutigisaqarluartutit aammalu immaqa misilittagaqarluartutit. 

·Timimik sungiusaanermi/pillorissaanermi suliassaqarfimmi siammasissumik suliaqarneq nuannarigit.

·Misissueriaatsinut nalilersueriaatsinullu attuumassuteqartunut misilittagaqartuusutit.

·Namminersorlutit suliaqarsinnaasutit, suliffissannillu ilusilersuisinnaallutit pilersaarusiorsinnaassasutit.

·Assigiinngitsunik tunuliaqutalinnik suleqatigiittarnernik ilisimasaqarluartutit.

·Isumassarsiullaqqissuusutit, iliuuseqarusussuseqartoq suliatigullu inissilluarsimasutit.

·Kulturini assigiinngitsuniissinnaasutit.

·Suleqatigiinnut suleqataalluartoq, ammasoq inissaqartitsilluartorlu.

·Innarluutilinnik nuussinermi siunnersuusiorsinnaaneq kiisalu nuusseriaatsinik atuartitsisinnaaneq.


Neqeroorutigaavut:

·Suliassaqarfik meeqqanik aalaatsimikkut maluginiutimikkullu sungiusagassaniit inersimasunut/utoqqarnut timikkut, tarnikkut maluginiutitigut aamma/imalt. paasinittaatsikkut ataavartumik piginnaasakillisimasut pisariaqartitaat najoqqutaralugit allanngutsaaliinerlu siunertaralugu piginnaanngorsarlugit sungiusarnissaat.

·Sungiusartarfik, allaffik aamma iluaqusersuutaasivik. Sungiusartarfik atortunik sungiusaatinik assigiinngitsunik pilersorneqarsimasoq, aamma sungiusarnermut atortussanik allanik pissarsinissamut kissaatit akuerineqarnissaannut periarfissaqartoq.

·Kommunip iluani pillorissaaneq siuarsarniarlugu inerisarniarlugulu pillorissaasoqatigiit inerisaarusuttut ujartuerusuttullu.

·Kommunimi tamarmiusumi suliassaqarfiit akimorlugit suleqatigiinni peqataasarnissaq.

·Peqqissaavimmi pillorissaasut suliassaqarfimmi suleqatigilluarnissai, immikkut ilisimasallit siunnersuiartorlutik tikinnerini peqataaffiginissaannut periarfissaqarluni, soorlu isilerinermut siunnersortit, meeqqat nakorsaat, bandagistit il. il..

·Peqqinnissaqarfimmi kommunimilu timimik sungiusaasut pillorissaasullu tamarmik ataatsimiittassasut.

·Suleqatit pitsaasut suleqatissaminnik nutaamik naapitsinissaminnut qilanaartut.

·Kujataa pinngortitarsuuvoq alianaatsorsuaq, kulturikkut oqaluttuassartai pissanganartut innuttaasullu qamannga pisumik inussiarnersorsuit tikikkuminartullu.


Suliffimmut atasumik inissaqartitsisoqarsinnaavoq

Atorfimmut atatillugu inissaqartitsisoqarsinnaavoq, ineqarnermut akiliutit qularnaveeqqusiinerillu il.il.pillugit malittarisassat sukkulluunniit atuutsinneqartut naapertorlugit pissaaq. Atorfininnermi erniinnaartumik ataavartumik inissaqatitsisoqassanngippat inatsisit atuuttut najoqqutaralugit utaqqiisigalugu inissamik neqerooruteqartoqassaaq.


Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq, minnerpaamillu ukiut pingasut atorfeqareernermi inatsit atuuttut malillugit soraarnermi angalanissamutpisattallu nassiunneqarnerannut akiliunneqarneq.


Pinerluuteqarsimannginnermut kiisalu meeqqanut pinerluuteqarsimannginnermut uppernarsaat:

Atorfik una pinerluuteqarsimannginnermut uppernarsaammik pissarsinissamik inatsisitigut pisussaaffiuvoq. Inatsit naapertorlugu kommunip pinerlussimannginnermik allagartamik tigusinerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.


Akissarsiat atorfinitsitaanermilu atugassarititaasut:

Timimik sungiusaasoq/pillorissaasoq Kalaallit Nunaanni Naalakkersuisunilu isumaqatigiissutit atuuttut naapertorlugit akissarsiaqarput. Takuuk www.nanoq.gl


Atorfimmut tunngatillugu sukumiinerusumik paasisaqarusukkaanni pillorissaasutut aqutsisuugallartumut Pernille Hansenimut attaveqartoqarsinnaavoq uunga, e-mail peha@kujalleq.gl oqarasuaat +299 64 13 50/ mobil +299 53 19 58


Qinnuteqaat aamma inuunermit taasassat (CV), oqaaseqaatit allallu kommunip nittartagaa aqqutigalugu tunniunneqassapput PDF-fil-inngorlugit kingusinnerpaamik oktober aqqaneq aappaat 2021 uungaluunniit nassiunneqassallutik:


Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat