sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Pinngortitaleriffimmi atorfik inuttassarsiuunneqartoq

Namminersorlutik Oqartussat

Nuuk
Ikkunneqarpoq: 17-06-2022
Piffissaq atuuffissaa naassaaq: 02-08-2022
Suliffissamut ID normut: LJA-83733073
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq

Kalaallit Nunaanni pinngortitaq avatangiiseriutigalugu ilisimatusarfigineqarnera siunnersuinernillu suliaqartarnerit peqataaffigerusuppigit?
Pinngortitaleriffiup Miluumasunut Timmissanullu immikkoortortaqarfiata  ilisimatusartartutut atorfik inuttassarsiuuppaa.. Atorfik ukiuni tallimani sivisussuseqartumik atorfigineqassaaq, sivitsornissaanullu periarfissaqarluni.
Ilisimatusartartumik nunami uumasunik naasortortunut tunngassuteqartuni  misissuinernik, siunnersuinernik alaatsinaannernillu  suliaqartartussamik ujaasivugut.
Akisussaaffiit
Atorfinittussap akisussaaffigissavaa suliniutip, tamakkiisumik aningaasaliiffigineqareersup, tassalu nunami uumasut naasortortuusut kommuneqarfinni marlunni - Qeqqata Kommuniani Kujataatalu Kommuniani - sermersuup killinganiit sinerissap killingata tungaanut neriniarfigisartakkaminnik atuisarnerisa itinerusumik paasisaqarfigineqarnissaannik suliniut.
Atorfinittussap ilisimatusartartut allat, Pinngortitaleriffiup Immikkoortortaqarfiini allaneersut, suliniummik ingerlatsinermini qanimut suleqatigisartussaavai. Peqatigitillugu atorfinittussap suliniutinik ingerlataqarnermigut Namminersorlutik Oqartussanut uumasut suliniuteqarfigisani pillugit ilisimatuussutsikkut siunnersuisarnernik ilusilersueqataassaaq toqqammavileeqataallunilu.
Miluumasunut Timmissanullu Immikkoortortaqarfimmi atorfilittut suleqataaffigisassappit  ilaat makkuupput:

  • Kalaallit Nunaanni, Danmarkimi nunanilu tamalaaneersut suleqatigalugit suliniutinik ingerlatsineq
  • Kalaallit Nunaata pinngortitaani avatangiisaanilu paasissutissanik katersineq suliaqarnerlu
  • Pinngortitami uumassusillit ataqatigiiffiini aammalu nunami naasortortut neriniarfigisartagaannik misissuinerit
  •  
  • Namminersorlutik Oqartussanik siunnersuinissamut tunngaviusumik ilisimasassanik paasisimasaqarneq
Piginnaasatigut piumasaqaatit
Atorfinittussaq universitetimit ilinniagaqartuussaaq, uumassusilerinermi, pinngortitami uumassusillit ataqatigiiffiinik imal. uumasoqatigiiaat amerleriartaasiannik tunngassutilimmik ph.d.-qarsinnaalluni. Misilittagaqarfigeriigassatut pingaarutillit ilaat tassaapput naasortortoqatigiiaat sumiiffiini suliaqarneq aamma/imaluunniit suliaqarnermik ingerlatsineq aammalu amerlassutsinik naatsorsuinermik uumasullu pisarineqartartut amerlassusiisa nikerartarnerat peqassutsimittaaq takutitseqataasinnaasartut malinnaaffiginerisigut. Piumasaqaataavoq asimi suliaqartarsimanernik misilittagaqarnissaq, Issittumilu pissutsinik itisuumik paasinnissimanissaq pingaaruteqarpoq.
Inuttut attaveqaqatigiuminartumik, nammineersinnaassuseqartumik suleqatikkuminartumillu pissarsiorpugut.
Uani atorfimmi tuluttut piginnaaneqarluareernissaq pingaaruteqarpoq, kalaallisullu danskisullu oqaatsit ilisimanissaat, Kalaallit Nunaatalu inuiaqatigiivinik ilisimasaqarneq iluaqutaaginnassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia