Genopslag Qeqertarsuaq - Inoqarfik søger områdeleder

Inoqarfik Qeqertarsuaq aqutsisussarsiorpoq

Kommune Qeqertalik Qeqertarsuarmi suliassaqarfik Inoqarfik nutaamik aqutsisussarsiorpoq 01. februar 2024 imaluunniit isumaqatigiissuteqarnikkut atorfinittussamik.

Kommune Qeqertaliup aaqqissuussaanera pisortat suliffeqarfiutaaniit allanit allaanerusoq   01. Januar 2018 aallarnerfigalugu atuutilerpoq.Aaqqissuussaanermik allannguinermi siunertat ilagivaat innuttaasunut qanilaarnerusumik sullisinissaq aammalu eqaannerusumik allaffissornikkut ingerlatsineq.

Inoqarfimmi aqutsisup qaninnertut pisortarissavaa Kommune Qeqertalik Qeqertarsuarmi Sullivinni pisortaq.

Suliassaqarfik Inoqarfimmi immikkoortortat tassaapput:

·Inuussutissarsiutit

·Teknikkeqarneq sanaartukkallu

·Silami sulisut eqqaavissuaqarnerlu

Inoqarfimmi aqutsisup pingaarnertut ilatigut makkua akisussaaffigissavai:

·Patajaatsumik sulisunik aningaasaqarnermillu aqutsineq

·Inatsisit maleruagassallu malillugit akisussaassusilimmik ingerlatsineq

·Suliassaqarfiit akimorlugit suleqateqarneq

·Sulisunik suliassaqarfimmillu ineriartortitsineq

·Suleqatit peqatigalugit pitsaassutsimik qulakkeerinnittumik suliniutinik ingerlatsineq

·Politikkikkut aaliangiiffigisassanik saqqummiussassanik suliaqarneq

·Politikkikkut aalajangersakkanik piviusunngortitsineq

·Aqutsisooqatigiinni qaninnertullu pisortarisamut qanimut suleqateqarneq

Suliffitsinni siumut pilersaarusiorsinnaassuseqarneq akisussaassuseqarnerlu naleqartippagut, taamaattumillu suliffitsinni allanngorartuartunik suliassaqarfiusumi ineriartortitseqataarusuttumik piumassuseqarluartumillu suleqateqarnissarput pingaartipparput.

Inoqarfik Qeqertarsuaq siammasissumik suliassaqarfiuvoq, illoqarfiup piujuartitsisumik ineriartortinneqarneranut qitiusumik inissisimalluni, illillu aqutsisutut tamanna siuttuuffigissavat – qanimut suleqatit, avataani suleqatit, innuttaasut suliffeqarfiillu suleqatiginerisigut.

Kommune Qeqertaliup neqeroorutigaa suliffeqarfik ineriartortoq, suleqatit aalajaatsut, suliassat siammasissut, sulinermi inuttullu piginnaasatigut ineriartornissamut periarfissiisut.

Ataani piumasaqaatit arlaat eqquutsissinnaagukku – imaluunniit misilittagaqarfiginerulerusukkukku qinnuteqarnissannik kaammattorpatsigit.

Piginnaasat:

• Atorfimmut tulluartumik ilinniagaqarneq
• Aqutsinermi misilittagaqarneq iluaqutaassaaq
• Attaveqallaqqissoq
• Akisussaassuseqarluartoq
• Nammineersinnaassuseqarluartoq suleqatikkuminartorlu
• Siumut pilersaarusiorluarsinnaasoq
• Aaliangigassaqartillugu tunuarterani aaliangiusimasinnaasoq
• Isummanik nutaanik inissaqartitsisoq
• Unneqqarissoq tutsuiginartorlu
• Pisuni ulapaarfiusuni imminut aqussinnaasoq

Akissarsiat atorfimmullu atungassarititaasut:Akissarsiaqartitsineq atorfininnermullu tunngasut, ilanngullugit atorfininnermi aamma soraarnermi angalaneq aamma pisattat nassiunneqarnerinut pisinnaatitaaffiit pissapput Naalakkersuisut kattuffiullu isumaqatiginninniarsinnaatitaasup akornanni isumaqatigiissutaat naapertorlugu.

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

Atorfeqarnerup uninnerani, atorfik aqqutigalugu inissiaq qimanneqassaaq.

Atorfik pillugu paasissutissat sukumiinerusut Sullivinni pisortamut, Benedikte Mølgaardimut saaffiginninnikkut piniarneqarsinnaapput: benm@qeqertalik.gl imaluunniit oqarasuaat: 70 19 00. 

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.