Qaqortoq Sygehus søger Kontorfuldmægtig til ansættelse 1. April 2025

Qaqortoq

Ikkunneqarpoq: 10-02-2025

Piffissaq atuuffissaa naassaaq: 03-03-2025

Suliffissamut ID normut: LJA-85943468

Atorfeqarnermi atugassarititaasut: Suliffimmi sungiusartoq/ Ilinniartoq, Tamakkiisoq

Suliassaqarfik: Allaffik & allaffissorneq

Qaqortumi Peqqinnissaqarfik Kujataani qitiusumik napparsimmavik allaffimmi fuldmægtigimik pissarsiorpoq

Suleqatigiit ilisarerusuppigit? Allaffimmi suleqatigiit arfineq marluusugut suleqatigilissavatsigut. Tamatta atorfissaqartikkatsigit suliassatit tamatigoortuussapput. Ilinniakkat akimorlugit suleqatigiinneq immikkut ukkapparput, aaqqissuussanikkullu inerisaaneq allatsillu napparsimasut aqqusaartugaanni taarserannerannilu, ulluinnarni allanngorartuni ulapaarfiusartunilu, pingaaruteqarnerat qitiutillugu.

Pingaarnertut suliassatit tassaassapput napparsimmavimmi nakorsanullu allatsitut suliassat, napparsimmaviup avatani napparsimmavimmilu suliassat ingerlanneqarmata allatsitut taakku oqimaaqatigiissinniartussaavatit.

Peqqinnissaqarfik Kujataani innuttaasunut naapparsimmaviuvugut Dronning Ingridillu Napparsimmavissuanit peqqissaavinnut nunaqarfinnullu angerlartunut akunniffiusarluta.

Pissarsiariniagarput:

· Allaffimmiutut/allaffissornermik ilinniagaqarpoq

· Tamatigoortunik suliaqarnissaq sapiissuseqarfigaa

· Akisussaassuseqarpoq, aaqqissuussamik suleriaaseqarpoq nammineersinnaallunilu

· Ullut suliffiusut tamatigoortut ilaatigut makkunannga suliassartallit nuannarai: Allakkanik isumaginninnermut akisussaaneq: - ilutsinni/avataaniit mailit/allakkiat assigiinngitsut- uppernarsaatit/attestit ilanngullugit napparsimasut pillugit allattugaatinut ilanngussassanik scannerineq

· Misissuinernik assigiinngitsunik/aaversinnernik/toqusut uppernarsaataannik /kræftimik nappaatillit pillugit nalunaarutinik/Nunatsinni Nakorsaaneqarfimmut nalunaarutinik pissarsiniarneq nalunaarsuinerlu

· Oqarasuaatikkut attaveqartunut akissuteqarneq apeqqutinillu ingerlatitseqqiineq.

· Nunaqarfimmiit nakorsiartussanut pinasuartumillu angallassassanut inniminniineq

· Nakorsap allagaanik uppernarsaasiaanillu isumaginninneq

· Suliassanik assigiinngitsunik soorlu: Napparsimasut pillugit qarasaasiakkut nalunaarsuiffitsinni misissortinnerit akissutissaannut, piffissanik inniminnikkanik allanngortitsinernut, nutaanik piffissaliinernut, nakorsanut ikiuunneq

Neqeroorutigaagut:

· Ullukkut nal. 8:00 - 16:00 sulisarneq

· Suleqatigiinni eqeersimaartuni namminersorluni sulineq

· Suliffik ineriartornissannut periarfissalik

Uagut:

· Peqqinnissaqarfik Kujataaniipput Qaqortumi qitiusumik napparsimmavik, Narsami Nanortalimmilu peqqissaaviit nunaqarfittaallu.

· Qaqortoq arfinilinnik nunaqarfeqarpoq. Illoqarfik Qaqortoq 3.000-it sinnilaarlugit inoqarpoq. Peqqinnissaqarfik Kujataa tamakkerluni 6.000-it sinnerlugit inoqarpoq. Illoqarfik uani annertunerusunik paasisaqarfigisinnaavat: www.kujalleq.gl

· Qaqortumi qitiusumik napparsimmavik marlunnik immikkoortortaqarpoq; immikkoortortaq uninngavik nakorsiartitsivillu- peqqissaasutut aqutsisumit aqunneqartut. Qitiusumik napparsimmavik 65-it missaannik sulisoqarpoq.

Qaqortoq naatsumik oqaatigalugu Qaqortoq nunaqarfiilu arfineq marluk 3200-it missaannik innuttaqartut, Kujataani illoqarfiit annersaraat.

Illoqarfik nutaaliaasunik amerlanernik periarfissaqarpoq soorlu ulluinnarni atugassanik pisiniarfeqarpoq, qulimiguulinnut mittarfeqarpoq, umiarsuarnit tikittoqallattaarluni sinersortaammillu tikinneqartarluni, arlalinnik neriniartarfeqarpoq kulturimullu tunngasunik neqerooruteqarluni.

Pinngortitaq qanittumiittoq angalaarfissaqqissuuvoq, ukiukkullu ujakkaarfissaqqissuulluni.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq

sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Qinnuteqaat Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput

Sulilerfissaq: 1. april 2025 immikkulluunniit isumaqatigiissuteqarnikkut

Qinnuteqarfissaq kingulleq: 3. marts 2025

Attavissaq:

Atorfik pillugu paasissutissat: Peqqinnissaqarfik Kujataani peqqissaasutut pisortaq Anniita Lund Lynge oqarasuaatikkut: (+299) 642211 imal. mailikkut: anlu@peqqik.gl

attavigalugu pissarsiarineqarsinnaapput.

Paasissutissat akissarsianut atorfininnermilu atugassarititaasunut tunngasut nalinginnaasut e-mailikkut: PERSONALE@PEQQIK.GL saaffiginninnikkut pissarsiarineqarsinnaapputtaaq.

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput