sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Socialrådigver handicapområde

Kommune Kujalleq

Narsaq
Ikkunneqarpoq: 26-01-2023
Piffissaq atuuffissaa naassaaq: 16-02-2023
Suliffissamut ID normut: LJA-84463599
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Isumaginnittoqarfik

Isumaginninnermut siunnersortimik immikkoortortaqarfik Narsami inissisimasumi pissarsorpoq

 

Suliani inatsisit tunngavigalugit aalajangiiffigisassaasuni inunnut innarluutilinnut

kiffartuussineq nuannarisaraajuk, taava immaqa illiuvutit atorfinitsikkusutarput.

Innarluutilinnut sullissinermi isumaginninninnermut siunnersortimik pikkorissumik tunniusimaartumillu martsip ulluisa aallaqqaataat 2023 atorfinittussamik pisarsiorpoq, imaluunniit isumaqatigiissuteqarnikkut.


Isumaginnittoqarfiup aaqqissusssaanera nutarsarlugu tullluarsarugulu suliamik ingerlatitsoqaleruttorpoq, aaqqissuussaanerlu tulluarsagaq jannuaarip aallaqqaataat 2023 atuutilersussaalluni, taamaammat aaqqissuusseqqinnermut ikaarsaariarnermut aallartinneqarpallu siunniuteqaqataanissamut periarfissaqarluarluni.


Innarluutilinnut ingerlatsiviup qulakkiissavaa inunnut innarluutilinnut innarluutilinnut inatsit atuuttoq najoqqutaralugu ingerlanneqassasoq aammalu inunnut ataasiakkaanut tunngatillugu naliliinerit piviusut tunngavigalugit.


Ilinnut piumasaqaatit:

·Inunnik isumaginninnermi bacheloritut - inunnik isumaginnittutut - inunnik isumaginninnermi akunnermiliuttutut ilinniarsimasuunissaq.

·Innarluutilinnut tunngasuni tamakkiisumik sullissinermik misilittagaqarneq, tamannali aalajangiisuunngilaq.

·Pitsaasumik suleqatiginnissuseqarneq susassaqarfiillu akimorlugit suliffeqarfiup iluaniittunik avataaneersunillu suleqateqarsinnaaneq.

·Allaffissornikkut aningaasaqarnikkullu suliassanik misilittagaqarnissaq.

·Nammineq artorsaatiginagu inuunerisaq aallaavigalugu innuttaasunut pitsaasumik attaveqarniarnikkut akunniliullunilu sulissussinermik piginnaaneqarneq.


Atorfiup imarisai ilaatigut makkuupput:

·Innarluutilinnut tunngasuni sullissinerit malittarisassat atuuttut malillugit ingerlanneqarnissaat qulakkiissallugu.

·Qanoq iliuusissamut pilersaarutinik piareersaasinnaaneq.

·Innuttaasup maannakkut pisumi pisariaqartitai aallaavigalugit ikiorsiissutit tunniunneqartarnerisa malinnaavigineqarnissaat.

·Immikkoortortaqarfimmi suleqatigiinnissamik ineriartortitsinermillu pitsaasumik pilersitseqataassalluni eqeersimaartumillu peqataassalluni.


Inunnik isumaginnittoqarfik ilaatigut makkuninnga neqerooruteqarpoq:

Innarluutilinnik tunngasut siusinaartumik pension aamma utoqqalinermi utoqqalinersiuteqartunut tunngasunit avissaartinneqarput ineriartortinneqarlutillu, matumanilu qinnuteqartoq atorfimmut tulluuttoq sunniuteqarnissaminut, akisussaaffeqarnissaminut ineriartortitsinissaminullu sunniuteqassalluni periarfissaqarpoq, tamannalu pisinnaalluni ingammik suliassaqarfimmi qullersarisaq qaninnerpaaq suleqatillu pitsaasut qanimut suleqatigilluinnarnersigut. Sapaatip akunneranut akunnerit 40-it suliffiusarput. Pisariaqartitsineq najoqqutaralugu isumaginninnermut upalungaarsimasumik aggeqqusisarnermik aaqqissuussinermut atorfininnermi piumasaqaataavoq.


Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut, aamma pinerlittaalinermut inatsimmik unioqqutitsisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Pinerliisimannginnermut uppernarsaat kommunimit tiguneqareersimatinnagu sulineq aallartissinnaanngilaq. Atorfinitsitassamik toqqaaniarnermi pinerliisimannginnermut uppernarsaat kommunimi naliliinermut ilaatinneqassaaq.


Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat


Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.

Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.


Atorfik pillugu sukumiinerusumik paasissutissanik pissarserusukkugit uunga saaffiginnissuteqarsinnaavutit: Inunnik isumaginninnermut siunnersortitut aqutsisoq Tina Abilgaard e-mail: tiab@kujalleq.gl imaluunniit Maline Lyberth mail: mall@kujalleq.gl


Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik februaarip ulluisa 16-iat 2023nittartagarput aqqutigalugu.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat