Peqqissuunissamut siuarsaanermik, pitsaaliuinermik, eqqarsartaatsikkut peqqissuunermik piumassuseqartumik suliaqarnissamik aallutaqarusuppitkiisalu nuna tamakkerlugu meeqqanut inuusuttunullu taakkualu ilaqutaannut allanngueqataanissamut kissaateqarpit?

Isumaginninnermut Aqutsisoqarfimmi pinaveersaartitsinermut immikkoortortami Paarisami suliniutinik peqqissuunissamik siuarsaanermut pinaveersaartitsinermullu tunngasunik aamma isumaginninnerup peqqinnissaqarfiullu iluini peqqinnissakkut siuarsaanermik pitsaaliuinermullu tunngasunik suliaqartarpugut. Inuuneritta III-p atuutilersinneqarnera - 2020-2030 meeqqat inuunerinnissaat pillugu suleqatigiinnissamut Naalakkersuisut periusissiaat tunngavigalugu sulivugut.

Atorfik pillugu:
Atorfik Paarisamiippoq. Innuttaasunut immikkoortortaqarfik suleqatigalugu kinguaassiuutitigut atornerluisarnerup akiorneqarnissaanut Naalakkersuisut periusissiaat, Killiliisa, illit immikkut ittumik suliarisussaassavat.

Paarisami AC-fuldmægtigitut suleqatigiinnut ilaalissaatit ataatsimik ilinniagaq aallaavigalugu aqutsisoqartumi tallimanillu sulisoqartumi. Suleqatigiit ilaatigut peqqinnartumik atoqatigiinneq, imminut toquttarnermik pinaveersaartitsineq kiisalu paasissutissanik misissueqqissaarnermillu suliaqartarput. Suliniutit immikkoortortaqarfiit immikkoortui suleqatigalugit aamma najukkani oqaloqatigiinnerit aqqutigalugit inerisarneqartarput, najukkani suut kissaatigineqarnersut, pingaartinneqarnersut aamma aallarnisassallugit periarfissaanersut tunngaviusarlutik.

Makkuninnga piginnaasalimmik suleqatissarsiorpugut:

• Kandidatitut imaluunniit assigusumik ilinniagaqarsimasoq
• Suleqatigiuminartuuneq
• Ilinniagaq aallaavigalugu suleqatigiit aamma immikkoortortat immikkoortuisa oqaloqatigiinnerannik pilersitsisinnaasoq aamma suleqatigiinneq aqqutigalugu angusaqarsinnaasoq
• Suliniutinik ineriartortitsinermillu suliaqarnernik misilittagaqarneq
• Inussiarnersoq, alapernaatsoq aamma ammasoq
• Inuiaqatigiinnik kalaallinik taakkualu kulturiannik ilisimasaqarluartoq
• Kalaallisut danskisullu tamakkiisumik oqaasilik

Illit ilaatigut makku suliarisassavatit:

• Inerisaaneq, atuutilersitsineq aamma suliniutit nutaat aallartinneqartullu ingerlaavartumik malinnaaffigineri
• Paasissutissanik katersineq
• Paasititsiniaanermi paasissutissanik inerisaaneq
• Kommunit suleqatigalugit ataqatigiissaarinninneq
• Innuttaasunut immikkoortortaqarfik suleqatigalugu suliniutinik aallarnisaanermi tapersersuineq

Ilinnut makkunannga neqerooruteqarsinnaavugut:

• Immikkoortortaqarfik assut ineriartorfiusoq peqataaffigilissavat.
• Suleqatigiinnut soqutiginnittunut suliaminnullu pikkorfeqarluartunut aamma isumasioqatigisinnaasatit suleqatigilissavatit
• Suliffeqarfik suliassanik ulikkaartoq, ammasoq aammalu sulisumilu iluarisimaarinnillutik sulinissaannik pingaartitsisoq
• Atorfik suliatigut inuttullu ineriartorfissaqarnissamik periarfissaqarluartoq

Suleqatigiinni isumassarsianik ineriartortitsisarnermik, ataqatigiissaarisarnermik, akuutitsinermik atuuttunngortitsinermillu pingaartitsisuni suleqataassaatit

Killilliisami sulinerup saniatigut atorfik Paarisami suliniuteqarfinni allani suliassaqartitsisoqartarpoq, soorlu kinguaassiuutitigut peqqissuneq, kinguaassiuutinik atornerluinerit, imminut toquttarneq, meeqqat inuunerissut, imigassaq, pujortartarneq, hashi, nerisat qulequtaralugit sulisoqartarluni.
Sulineq sapaatip akunneranut akunnernik 40-nik sivisussuseqarpoq.

Ulloq atorfiniffissaq:
Atorfik 1. april 2023 imaluunniit isumaqatigiissuteqarnikkut inuttalerneqarniarpoq.

Isumaginninnermut Aqutsisoqarfik pillugu:
Isumaginninnermut Aqutsisoqarfik Naalakkersuisut ataanni aqutsiveqarfiuvoq arfineq-pingasunik immikkoortortalik: Pinaveersaartitsinermut immikkoortortaqarfik Paarisa, Aningaasaqarnermut immikkoortortaqarfik, Ulloq Unnuarlu Inissititerinermullu immikkoortortaqarfik, Sullissisunut immikkoortortaqarfik, Innuttaasunut immikkoortortaqarfik, Inunnut innarluutilinnut immikkoortortaqarfik, Suli atualinngitsunut immikkoortortaqarfik aamma Allattoqarfik. Immikkoortortat qanimut suleqatigiittarput aamma ilinniagaq aallaavigalugu suliat amerlasuut suliffimmi tassani unammillernartorpassuaqartarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat amerlanerusut:
Atorfik pillugu itinerusumik paasisaqarusukkuit, Paarisami immikkoortortaqarfimmi aqutsisuugallartoq Aviaaja Ravnshøj Johansen araj@nanoq.gl -kkut  +299 346748-kkut attavigisinnaavatit.

Qinnuteqarnissamut killigititaq:
20. februar 2023 nal. 12.00 (Kalaallit Nunaanni nalunaaqutaq malillugu).

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.