Inunnut innarluutilinnut tarnimikkullu nappaatilinnut immikkoortortaqarfik najortimik pissarsiorpoq / Handicap og social psykiatri leder efter en bisidder

Kommuneqarfik Sermersooq

Nuuk

Ikkunneqarpoq: 09-07-2024

Piffissaq atuuffissaa naassaaq: 25-07-2024

Suliffissamut ID normut: 331589859

Atorfeqarnermi atugassarititaasut: Piffissaq ilaannaa

Suliassaqarfik: Peqqinnissaq

Atorfiup taaguutaa:

Misilittakkat - Annertunerusumik: Omsorgsarbejde

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Inunnut innarluutilinnut tarnimikkullu nappaatilinnut immikkoortortaqarfik innuttaasunut timimikkut tarnimikkullu piginnaasakillisimasunut allannguerusuttumik najortimik pissarsiorpoq

Kommuneqarfik Sermersooq Suliffeqarnermut Isumaginninnermullu Ingerlatsivimmi Inunnut innarluutilinnut tarnimikkullu nappaatilinnut immikkoortortaqarfimmut najortimik pikkorissumik kajumissuseqarluartumillu atorfinittussamik pissarsiorpoq 01.08.2024 kinguninngualuunniit piaartumik atorfinittussamik.

Najorti tassaavoq ataatsimiinnermi imaluunniit oqaloqateqarnermi najortaasoq pineqartumik ikorfartuisoq siunnersuisorlu.Najorti ikorfartukkami paasissutissanik attuumassuteqartunik pissarsinissaanik, oqaatigineqartunik paasinninnissaannik aamma pisumi toqqissisimanissaannik qulakkeerinninnissamut ikiuutissaaq. Najortit ass. pisortani oqartussanik ataatsimeeqateqarnermi atorneqakkajuttarput tassani najortissarput inunnut innarluutilinnut aamma tarnimikkut nappaatilinnut immikkoortortaqarfitsinni atorneqartassaaq.

Najortitut makku suliassaraatit:

·Innarluutilinnut Immikkoortortami pisinnaatitaaffinnik aqqutissiuussineq

·Innarluutilinnut sullissisumik oqaloqateqarnermi ikorfartuineq

·Sullissinerup ingerlanerani pisinnaatitaaffinnik qularnaarineq

·Naammagittaalliorsinnaatitaanermut periarfissamik siunnersuineq

Qinnuteqartumut naatsorsuutigisat:

·Naatsorsuutigaarput innuttaasunik tarnimikkut timimikkullu piginnaasakillisimasunik ikiuerusussuseqartutit

·Naatsorsuutigaarput inuit innarluutillit tapersersorneqarnissaannut inatsit ilisimasaqarfigilluarit

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Tamatuma saniatigut pingaartipparput

·Inunnik naapitsillaqqittutit; tusarnaarlutit aamma pingaaruteqartitaannik oqaaseqarnissannut ikorfartuineq.

·Innuttaasup sullissisullu pitsaasumik ataatsimiinnissaannut sunniuteqarsinnaasutit, innuttaasoq ikiorneqartutut misiginiassammat.

Uagut neqeroorutigaavut:

Suliffik unamminartulik, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq.

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Isumaqatigiissut una Inuit innarluutillit tapersersorneqarnissaannut Inatsisartut inatsisaat nr. 13, 12. juni 2019-imeersoq. § 24. Illersuisoqarnermik aaqqissuussineq kommunalbestyrelsimit pilersinneqassaaq siunertaralugu inuup innarluutillip illersuisumit tapersersorneqarnissaa Illersuisumut akissarsiat akunneq siulleq 613 koruunit, kingornalu akunnermut 429 koruunit. Ataatsimiinnerit kisimik akissarsissutigineqassapput.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: aqutsisoq Nuunu Josefsen oqarasuaat +299 368066 imaluunniit e-mail: nuuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 716-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.