Perorsaasumik ikorfartoqatigiinni pissarsiorpoq / Pædagog til Støttekorpset

Kommuneqarfik Sermersooq

Nuuk

Ikkunneqarpoq: 25-01-2023

Piffissaq atuuffissaa naassaaq: 15-02-2023

Suliffissamut ID normut: 331475235

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Pædagog

Misilittakkat - Annertunerusumik: Altmuligmand

Oqaatsit:

Danskisut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Innarluutilinnut tarnikkut nappaatilinnullu Immikkoortortaqarfik Nuummi Ikorfartuisartoqatigiinnut isumassuerusussusilimmik inussiarnersumillu sulisussarsiorpoq. Taamatut sulinissaq uummateqarfigiviuk, aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

Atorfik piffissaq tamakkerlugu sapaatip akunneranut 40 tiimit suliffiuvoq. Ataasinngornermiit tallimanngornermut nal. 8.00-16.00 suliffiuvoq. Taamaattorli piffissap sinnerani pisoqarnerani sulisarsinnaassaatit, soorluttaaq Kalaallit Nunaanni Danmarkimulluunniit ingiaqataallutit angalasarsinnaasutit.

Nuummi Ikorfartuisartoqatigiit innuttaasunik, timimikkut aamma/imaluunniit tarnikkut piginnaasakillisimasunik, innuttaasup nammineq angerlarsimaffianut, orniguttarput. Illit pingaarnertut suliassarissavat innuttaasut tarnimikkut, inooqataanikkut aamma nalinginnaasunik piginnaasassanik inerisaaviginissai, taamaalillutik sapinngisamik imminnut ikiorsinnaalersillugit. Suleqatitit peqatigalugit innuttaasup kissaatai malillugit pitsaasumik imaqarluartumillu inuuneqarnissaanut tapersersuinissat. Ikorfartuisartoqatigiit qulit miss. sulisoqarput, sapaatip-akunneranut innuttaasunut 50-it missaanniittunut orniguttartut.

Suliassatit:

• Innuttaasut nakorsaatiminnik paarsinissaannik, akiligassanik akiliinissaannik, pisiniunnissaannik, iganissaannut il.il. kajumissarnissai tapersersornissanilu.
• Najugaqartut nammineernerulernissaat inuunerisalu pitsaanerulernissaat ineriartortillugit ilaatigut najugaqartunut iliuusissatut pilersaarusiat najoqqutaralugit.
• Suleqatit, aqutsisoq innuttaasullu suleqatigalugit ikorfartoqatigiinni ataatsimoornerulersitsineq

Suliassat sulisut allat Ikorfartuisartoqatigiinnilu aqutsisoq kiisalu illup iluani avataanilu suleqatigisat qanimut suleqatigalugit suliarineqassapput, tassunga sullissisut, Ikaarsaarfik, Dronning Ingridip Napparsimmavissua aamma Pinerluttunik Isumaginnittoqarfik ilanngullugit.

Ilinnit naatsorsuutigineqartut:

• Perorsaasutut, ikorfartortitut assingusumilluunniit ilinniagaqarsimasutit
• Aalajaatsuussasutit, nuannaartoq inussiarnersuusutillu.
• Nammineq akisussaaffimmik tigusisinnaasutit namminersorlutillu sulisinnaallutit.
• Tarnikkut nukittuvutit.

Uagut pilluta:

Atorfimmi tassani ataatsimooqatigiinnermi annertuumi peqataassaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfiit pingasut Nuummi, Tasiilami Paamiunilu agguataarsimasut.

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigivatsigit. Ineriartortitsineq pineqartoq ilaatigut sulilerlaat iluamik ilitsersuunneqartarnissaannik, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarput.

Atorfinitsitsinissamut oqaloqatiginninnerit sapaatip akunnerini 07-mi ingerlannissaat naatsorsuutigaarput

Annertunerusumik paasisaqarusukkuit:

Suli paasisaqarusukkuit tikilluaqqusaajuassaatit aqutsisoq Debora Mørch attaveqarfiginissaanut oq.: +299 531768 imaluunniit e-mail: debm@sermersooq.gl – Dorthe Poulsen – dpou@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaannil kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.

Qaammatini pingasuni misiligummik atorfinitsitsisoqarsinnaavoq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:Qinnuteqaatip ilisarnaataata Atorfiup ilisarnaataa 78/23 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ikkunneqassaaq qinnuteqarnermi.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

”Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq nukittooq innuttaasunut sullissineq pitsaanerusumik akikinnerusumik sunniuteqarluarnerusumillu ingerlasinnaajumallugu. Suliatsinnut atatillugu sinaakkutissat politikkikkut anguniakkanit isumaqatigiissutigineqarsimasunik aallaaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu”

Qinnuteqarnissamut killissarititaasoq: februaarip 15.-at, 2023