sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aningaasaqarnermut Naalakkersuisoqarfik inatsisilerituumik pimoorussisumik qinersineq pillugu inatsimmik, kommunini nakkutilliinermik kommuninullu pisinnaatitsissummik soqutigisalimmik pissarsiorpoq

Namminersorlutik Oqartussat

Nuuk
Ikkunneqarpoq: 31-05-2021
Piffissaq atuuffissaa naassaaq: 25-06-2021
Suliffissamut ID normut: LJA-82183782
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq

Kommuninut qinersinernut inatsiserput nutarterneqassaaq. Kommuninut pisinnaatitsissutip killissai ersarissarneqassapput. Nakkutilliisoqarfiup piginnaasai nalilersorneqassapput. Kommunit siunnersuinermik ilitsersuinermillu qulakkeerunneqassapput. Tamakku tassaapput maannakkut inatsisitigut suliassatta ilaannanngui, suliassallu ingerlannissaannut peqataasussamik inatsisilerillaqqissumik atorfissaqartitsivugut.
 
Naalakkersuisutta pitsaasumik sullissinneqarnissaa qulakkeerinneqataaffigissavat. Peqatigitillugu Nakkutilliisoqarfimmut, Qinersinermut Ataatsimiititaliamut, Qinigaasinnaanermut Ataatsimiititaliamut kiisalu Naalakkersuinikkut Ataqatigiissaarisoqatigiinnut, Naalakkersuisut borgmesterillu oqallittarfigisaannut allattoqarfittut sullissinermut peqataassaatit. Taamatuttaaq sulianik nalinginnaasumik ingerlatsinermut kiisalu naalakkersuisoqarfimmi suliassanik allanik suliaqarnermut tapeeqataassaatit.
 
Naalakkersuisoqarfiup inatsisilerinermut immikkoortortaani inissinneqassaatit, tassani pingaarnertut suliassarissallugu Nunamut Namminermut Immikkoortortami pisortap erseqqinnerusumik aalajangigaanik Nunamut Namminermut Immikkoortortaq sinnerlugu suliassanik isumaginninneq. Ulluinnarni allaffissornikkullu apeqqutinut atatillugu Inatsisilerinermut Immikkoortortami pisortamut attaveqassaatit. Tamakku saniatigut Nakkutilliisoqarfimmi sulianik ingerlatsinermut atatillugu Kommuninut Nakkutilliisoqarfimmi siulittaasumut toqqaannartumik aalajangersimasumik atassuteqarsinnaassaatit.
 
Nunamut Namminermut Immikkoortortap kommunini aqutsinermi pissutsinik nakkutilliineq oqartussaasutut pingaarnertut  akisussaaffigaa. Immikkoortortaq kommunini tamani sapinngisamik ukiumoortumik nakkutilliiartorluni tikeraartarpoq. Immikkoortortaq kommuninut oqartussaasunullu allanut qanimut attaveqarpoq. Tamatuma saniatigut immikkoortortaq pisortat akimorlugit suleqatigiinnermi assigiinngitsutigut peqataasarpoq.
 
 Immikkoortortap akisussaaffeqarfii ilaatigut makkuupput:

  • Kommunini immikkoortuni tamani aqutsinermut tunngasuni inatsisit malinneqarnerinik nakkutilliineq.
  • Inatsisartunut aamma nunaqqatigiit siunnersuisoqatigiivinut qinersinerit ingerlanneqarneri.
  • Nakkutilliisoqarfimmut allattoqarfiuneq.
  • Qinersinermut Ataatsimiititaliamut allattoqarfiuneq.
  • Qinigaasinnaatitaanermut Ataatsimiititaliamut allattoqarfiuneq.
  • Naalakkersuinikkut Ataqatigiissaarisoqatigiinnut allattoqarfiuneq.
 
Immikkoortortaq ilaatigut makku pillugit inatsisinut akisussaasuuvoq:
  • Kommunit aqunneqarnerat.
  • Inatsisartunut qinersineq.
  • Kommunalbestyrelsinut, najukkani ataatsimiititalianut, nunaqarfinni aqutsisunut ilagiillu sinniisaannut qinersineq.
  • Nunaqqatigiit siunnersuisoqatigiivinut qinersineq.
  • Kalaallit Nunaata aggornilersornera.
  • Nalunaarsuineq (Eqqartuussivikkoortitsineq).
  • Taarsiissuteqarluni arsaarinninneq.
 
Neqeroorutigaarput:
  • Suliffik naalakkersuinikkut aalajangiisartunut qanittoq.
  • Suliffik persuarsiorfiunngitsoq, aalajangiisartunut qanittoq suleqatillu pimoorussisut.
  • Ulluinnaat allanngorartuaannartut, suliassanut sunniuteqarfigisinnaasatit.
  • Inuttut suliatigullu ineriartornissamut periarfissaq.
 
Naatsorsuutigaarput illit:
  • Minnerpaamik kandidatitut qaffasissusilimmik inatsisilerituutut ilinniartitaanermik naammassinnissimasutit.
  • Kommunini pissutsit pillugit ilisimasaqartutit.
  • Namminersorlutit suleqateqarlutillu sulisinnaasutit.
  • Allannikkut oqaasiliullaqqissuusutit.
  • Nunami maani pissutsinik ilisimasaqartuusutit.
  • Suliffeqarfimmi politikikkut aqunneqartumi sulineq ilisimasaqarfigigit.
  • Oqaatsit arlallit atorsinnaagitit, matumani kalaallisut oqaatsit immikkut soqutiginarnerussallutik.
 
Tamakku saniatigut pingaartipparput:
  • Avatangiisini piffissat ilaatigut ulapaarfiusuni sulinissaq soqutigigit.
  • Arlalinnik suliaqarnissaq pikkoriffigigit.
  • Misissueqqissaarnissaq aamma aaqqissuussamik pilersaarusiorneq piginnaasaqarfigigitit.
  • Ulluinnatit nammineerlutit immikkoortortarlu peqatigalugu ilusilersorsinnaagitit.
  • Aallarniisinnaassuseqartuusutit, pilersitserusussuseqartutit, naammasserusussuseqartuusutit ammasuusutillu.
 
Aningaasarsiatigut atorfinitsitaanermilu atugassarititaasut
Aningaasarsiat atorfinitsitaanermilu atugassarititaasut, tassunga ilanngullugit atorfinikkiartorluni soraarnermilu akiliunneqarluni angalasinnaatitaaneq pisattallu nuunneqarnerat Namminersorlutik Oqartussat pineqartullu kattuffiata isumaqatiginninniarsinnaatitaasup akornanni isumaqatigiissut piffissami atorfinitsinneqarnermi atuuttoq naapertorlugu pissapput.
 
Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
 
Piffissaq suliffiusussaq aallaaviatigut sapaatit akunnerannut nal. ak. 40-nik sivisussuseqarpoq.
 
Immikkoortoqarfik atorfillu pillugit paasissutissat erseqqinnerusut Nunamut Namminermut Immikkoortortami immikkoortoqarfimmi pisortamut Klaus Georg Hansenimut, tlf. 34 51 11, email: kgh1@nanoq.gl, saaffiginninnikkut pissarsiarineqarsinnaapput.
 
Qinnuteqarnissamut killissarititaq: 25. juni 2021 nal. 12:00.
 
Piffissaq atorfiniffissaq: 1. august 2021 imaluunniit isumaqatigiissuteqarnikkut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia