Allagarsiuteqqitaq: Siunnersorti

Avannaata Kommunia Ilaqutareeqarnermut Ingerlatsivik piaartumik imaluunniit isumaqatigiissuteqarnikkut atorfinittussamik, Pisartagaqarnermut, isumaginninnerullu iluani inatsisit atuuttut malillugit sullissinermut siunnersortissarsiorpoq.

Atorfik pisortatut akisussaaffeqanngilaq, qaninnertulli Ilaqutareeqarnermut Ingerlatsivimmi Pisartagaqarnermut immikkoortortaqarfimmi pisortaq qullersarissallugu.

Atorfimmi pingaarnertut anguniagaapput isumaginninnerup iluani pisartagaqarnermut aammalu utoqqarnut siusinaartumillu sulisinnaajunnaarnersiaqartarnermut immikkoortortaqarfinni sullissinermi pitsaanerusumik ingerlatsinissaq. Taamatuttaarlu aamma isumaginninnerup iluani inatsisit atuuttut sullissinermi atuutsinneqarnerat qulakkiissallugu.

Suliassat aamma akisussaaffiit:

• Ilaqutareeqarnermut ataatsimiititaliamut ingerlasussat, ataatsimiitsitaliamiissimasullu suliat isumagissallugit.
• Sulianut ataasiakkaanut ilitsersuineq siunnersuinerlu.
• Pisartagaqarnermi suliniutit pillugit Avannaata Kommuniani illoqarfinni immikkoortortanut aammalu suliffeqarfiit avataanut suleqatiginninermi ingerlaavartumik ilisimatitsisarneq.
• Isumaginninnerup iluani innuttaasut sullinneqarneranni kisitsisinik nutarterineq, ingerlatsinerlu.
• Sullissinermut pittanngorsaanermi ikorfartuineq.
• Qullersarisat suleqatigalugit politikkit pilersaarusiornermi nutarterinermi suliaqarneq.
• Utoqqarnut paaqqinniffiit, inersimasunut innarluutilinnut najugaqatigiiffiit, isumaginninnerullu iluani inersimasunut ikiorsiissutit pillugit sullissinermi siunnersuillunilu kisitsisinik suliaqarneq.
• Inatsisit malillugit sullissinermi pitsaassutsimik misissuineq .
• Suliassat attuumassuteqarsinnaasut allat.

Piginnaaffigisassatit:

• Isumaginninnermi siunnersorti
• Ajornanngippat marluinnik oqaaseqarneq piumasaqaataavoq: Kalaallisut danskisullu.
• Isumaginninnerup iluani inatsisinik ilisimanninnissaq.

Akissaatit atorfeqartitaanermilu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfininnermut atatillugu piumasaqaataavoq, pinerluuteqarsimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqar-lutik atsiorneqareerpata, sulisitsisup Rigspolitiinut taakku pissarsiariniassavai.

Atorfimmut atatillugu inissaqartitsisoqarsinnaavoq, taamatullu atorfininnermi akiliunneqarluni angalasoqar-lunilu pigisat assartorneqassapput, malittarisassat qaqugukkulluunniit atuuttut naapertorlugit.

Paasissutissat:

Atorfik pillugu paasisaqarnerorusukkuit taava Ilaqutareeqarnermut ingerlatsivimmi Pisartagaqarnermut immikkoortortani Pisortaq Anja J. Wille attavigiuk, oqarasuaat: 70 18 00. E-mail: anjj@avannaata.gl

Kingusinnerpaamik qinnuteqarfissaq:

Qinnuteqartitsineq 31-12-2024 killeqartinneqarpoq, taamaattoq qinnuteqartoqartillugu qinnuteqaammik ataavartumik nalilersuinerit ingerlanneqassapput.

Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il ilanngullugit nittartakkakkut nassiunneqassapput.