Kangaamiuni sunngiffimmi aqutsisoq/pinaveersaartitsinermi ataqatigiissaarisumik pissarsiorpoq.

Qeqqata Kommunika

Maniitsoq

Ikkunneqarpoq: 24-10-2024

Piffissaq atuuffissaa naassaaq: 14-11-2024

Suliffissamut ID normut: LJA-85763944

Atorfeqarnermi atugassarititaasut: Tamakkiisoq

Suliassaqarfik: Aqutsineq, Meeqqat & inuusuttut

Pingaarnertut suliassat akisussaaffiillu makkuussapput:

·Pitsaaliuinermut pilersaarutinik aamma suliniutinik inerisaaneq atuutilersitsinerlu.

·Nunaqarfimmi pingaarnertut perorsaanikkut aqutsinermi pingaarnertut akisussaaneq missingersuusiornermilu akisussaaneq kiisalu sunngiffimmi atuartitsinermut, sunngiffimmi kulturikkullu neqeroorutinut nakkutilliinermut akisussaaneq.

·Pisariaqartitanut pitsaaliuinermilu periarfissanik nassaarniarnissamut sumiiffigisami inuiaqatigiinnik soqutigisaqaqatigiinnillu allanik suleqateqarneq.

·Kulturikkut sunngiffimmilu atugassarititaasut sammisassallu pillugit isumaqatigiisutitmalillugu ingerlatsinernut nakkutilliisuuneq.

·Pitsaaliuinermik pilersaarutit suliniutillu pitsaassusaannik malinnaaneq aamma naliliineq.

·Nunaqarfimmi peqatigiiffinnut siunnersuineq.

·Periutsinut piviusunngortitsinissamullu kajumissutsimik suliniartunut aamma inuiaqatigiinni suleqatigisanut siunnersuineq aamma sungiusaaneq.

·Kulturikkut timersornikkullu tunngasutigut pilerisaarineq.

·Nalunaarusiorneq aamma aqutsisunut, pisortanut soqutigisaqaqatigiinnullu allanut saqqummiussassanik suliaqarneq.

·Immikkoortumi politikkikkut aalajangigassani saqqummiussassani kiffartuussineq.

Pisinnaasassat piumasaqaatillu:

·Pitsaaliuinerup iluani, innuttaasut peqqissusaannut, isumaginninnermi sullissinermik, ilinniartitaanermik imaluunniit tassunga attuumassuteqartunut misilittagaqarneq.

·Kommunimi naleqartitat tallimaasut naapertorlugit aqutsisut suleqatigissavatit: Kajumissuseq, Akisussaaqataaneq, Ataatsimoorneq, Pisinnaasatigut ineriartortitseqataaneq aamma Oqaloqatigiinneq.

·Nukittuumik attaveqariaaseqarneq, qallunaatut ilaatigullu kalaallisut allattagarsornikkut oqaatsitigullu.

·Suleqatigiinni sulinissamut nuannarisaqartuussaatit aammalu akimortumik suleqateqarluni piginnaasanik ineriartortitsinissaq ukkataralugu allat peqatigalugit ineriartortitseqataallutit.

·Namminersortumik suleqatigiinnilu sulisinnaassuseqartuusutit.

·Nutaaliorusussuseqartutit allanillu peqateqarlutit sammisassanik perorsaanikkut sammisassanik uummarissaataasunik ineriartortitsinissamut nuannarisaqartuusutit.

·Soqutiginnittut assigiinngitsut tunniusimaffigalugit suleqatiginnissinnaasutit.

·Innuttaasunik peqataatitsisinnaanermut, kajumissuseqarnissamut, sulisullu atugarissaarnissaannut aqutsisutut ammasumik inooriaaseqartuusutit.

·Programmimik ineriartortitsinermik aamma naliliisarnermik misilittagaqartuusutit.

·Sumiiffimmi inuiaqatigiinnik, taakkua kulturiannik unammillernartitaannillu ilisimaarinnittuusutit.

·Immikkoortut allat suleqatigalugit suliassat takkussuuttut suliaralugit.

Akissarsiat atorfeqartitaanermullu atugassarititaasut:

Piffissami sulilernermi suliunnaarnermilu angalanermut aamma pequtit nassiunneqarnerinut akiliuutitittoqarsinnaavoq.

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsi naapertorlugu uppernarsaammik piumasaqaateqarfiupput. Inatsit naapertorlugu, meeqqanut pinerliisimannginnermik uppernarsaat kommunip Politeeqarfimmit pissarsiarereerpagu aatsaat atorfininnissaq pisinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat. Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianit pissarsiarineqartussaq tunngavigalugu atorfinitsitsisoqassaaq.

Piaartumik atorfinittoqassaaq.

Atorfik pillugu paasissutissat allat sunngiffimmi pisortamut Helge Heilmann oqarasuaat (+299) 81 78 61-mut imal. pitsaaliuinermut siunnersortimut Tina Nikodemussen, e-mail man.uddannelse@qeqqata.gl imal. hehe@qeqqata.gl imal. tink@qeqqata.gl

 .

Qinnuteqaat soraarummeersimanermut uppernarsaatinik, imminut ilisaritinnermik, oqaaseqaatinik saaffigineqarsinnaasunullu ilaqartinneqartoq nassiunneqassapput.

Saaffissaq:

Helge Heilmann

(+299) 81 78 61

hehe@qeqqata.gl

imaluunniit

Tina Nikodemussen

tink@qeqqata.gl

man.uddannelse@qeqqata.gl