Afdeling for Strategisk Planlægning og Analyse søger en AC-fuldmægtig/konsulent/ AC-fuldmægtigimik/siunnersortimik pissarsiorpoq

Kommuneqarfik Sermersooq

Ikkunneqarpoq: 24-01-2023

Piffissaq atuuffissaa naassaaq: 03-02-2023

Suliffissamut ID normut: 331442812

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: AC-fuldmægtig, Konsulent

Ilinniagaq: Handel og kontor, basisår

Misilittakkat - Annertunerusumik: Funktion - Kontor, Altmuligmand

Oqaatsit:

Danskisut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Aaqqissuussamik pilersaarusiornermut Misissueqqissaarinermullu Immikkoortortaqarfik AC-fuldmægtigimik/siunnersortimik pissarsiorpoq

Suliassanik pissanganartunik assigiinngisitaartunik suliatigut unammillernartunik suliassaqarfiusumi immikkoortortami sulinissat soqutigaajuk? Aaqqissuussaanermi politikkikkut aqunneqartumi, immikkoortortamilu ulapaarfiusumi, sukkasuumik pisoqarfiusumi, suliassanilu itisuumik eqqarsarfiusumi sulinissat takorloorsinnaaviuk? Taamaappat Aaqqissuussamik pilersaarusiornermut Misissueqqissaarinermullu Immikkoortortap pisariaqartitaa.

Uagut pilluta

Aaqqissuussamik pilersaarusiornermut Misissueqqissaarinermullu Immikkoortortaqarfik qitiusumik immikkoortortaqarfiuvoq pilersinneqaqqammersoq, Kommuneqarfik Sermersuumi Suliffeqarfimmut Kiffartuussiviup ataani inissisimasoq, kommunaldirektørimullu toqqaannartumik qullersalik.

Ukiumut missingersuusiornerit, kommunip inissianut politikkikkut suliniutaanik, aaqqissuussaanikkut politikkikkullu ineriartortitsinermik kiisalu Kommunip piginneqatigiiffiutaasa siulersuisuini allattoqarfittut atuunneq immikkoortortaqarfiup suliassarai.

Kalaallit Nunaanni illoqarfiit pingaarnersaanni Nuummi ulluinnarni suliffik inissisimavoq, tassani siuariartorneq annertuujuvoq, aamma illoqarfiup ullormiit ullormut ineriartortumi qitiusumik inissisimanissaa qularnaassavat, immikkoortortap ullormut suliassaanik naammassissuttarniassammagu, minnerunngitsumillu siunissamut unammilligassat naammassiniarlugit.

Illit suliariligassaraatit:

Suliassariligassatit assigiinngitsorpassuarnik ilaatigullu aqutsineq kommunillu aaqqissuussaanerani suliniutit assigiinngitsut isumaginissaannik nassataqassallutik, peqataanillu ulluinnarni sullissineq ingerlatsinerlu isumagisassaallutik.

Tassunga ilanngullugit:

·Misissueqqissaarnerit assigiinngitsut suliniutillu assigiinngitsut suliassaqarfik akimorlugu suliarinissaat

·Politikkikkut ataatsimiititanut suliassamik saqqummiussassaliornerit kiisalu nassuiaasiornerit

·Ineriartortitsinissamik periusissiamillu atuutsitsilernissamik suliaqarneq

·Ineqarnermut politikkikkut pilersaarusiap suliarinera kiisalu ataavartumik nutartertarnissaa

·Kommunip missingersuusiorneranut peqataaneq pilersaarusiornerlu

·Kommunip ingerlatseqatigiiffiinut aktiaatilinnut attaveqarnermi peqataaneq

·Suleriutsinik pitsanngorsaanermi ajornaallisaanermilu peqataaneq

Piginnaasat:

AC-fuldmægtigitut atorfinitsitsisoqassaaq siunnersortitut atorfininnissamut periarfissalimmik.

·Naleqquttunik ingerlaqqiffiusumik ilinniagaqarsimasutit

·Ajornanngippat ukiuni arlalinni inuussutissarsiutinut tunngasunik misilittagaqartutit

·marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Makkuninnga piginnaaneqassasutit naatsorsuutigaarput:

·Suliassanik assigiinngiiaartumik amerlasuunik nammineerlutit suliaqartarsinnaassasutit

·Suliffeqarfimmi politikkikkut aqunneqartumi tusagassiorfinnit sammineqakkajoqisumi sulerusussuseqartutit

·Allattariarsornermi pitsaasunik piginnaaneqartutit taamatullu naatsunik erseqqissunillu oqaasertalersuisinnaassuseqartutit

·Misissueqqissaarnermik piginnaasaqartutit tamakkerlugulu malinnaasinnaasutit

·Paasissutissat pissarsiariuminaatsut ajornanngitsumik paasinartumillu ingerlateqqissinnaagitit

·Suleqatigiinnermik pingaartitaqartutit suliassaqarfiillu akimorlugit aaqqiissuteqarsinnaallutit

Neqeroorutigisinnaavarput:

·Suliffik pissanganartoq suliamilu ineriartorfiusoq

·Suliassaqarfik ineriartortissallugu sunniuteqarfigisinnaassaaq

·Suleqatit pitsaasut kajumittullu

·Tatigeqatigiiffiusumik pitsaasunik atugaqarluni suleqatigiinneq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Afdelingsleder Emilie Krusell , oqarasuaat +299 36 75 15 imaluunniit e-mail: emkr@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 949-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqaatit Aqutsisoqarfimmeeriissaaq kingusinnerpaamik ulloq 03. februar 2023